৭. পঞ্হাৱাৰো

পচ্চযচতুক্কং

হেতু-আৰম্মণপচ্চযাদি

১৩. সহেতুকো অকুসলো ধম্মো সহেতুকস্স অকুসলস্স ধম্মস্স হেতুপচ্চযেন পচ্চযো… দ্ৱে.

সহেতুকো অকুসলো ধম্মো সহেতুকস্স অকুসলস্স ধম্মস্স আৰম্মণপচ্চযেন পচ্চযো… তীণি.

অহেতুকো অকুসলো ধম্মো অহেতুকস্স অকুসলস্স ধম্মস্স আৰম্মণপচ্চযেন পচ্চযো… তীণি.

সহেতুকো অকুসলো চ অহেতুকো অকুসলো চ ধম্মা সহেতুকস্স অকুসলস্স ধম্মস্স আৰম্মণপচ্চযেন পচ্চযো… তীণি.

সহেতুকো অকুসলো ধম্মো সহেতুকস্স অকুসলস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি (সংখিত্তং).

১৪. হেতুযা দ্ৱে, আৰম্মণে নৱ, অধিপতিযা একং, অনন্তৰে নৱ, সমনন্তৰে নৱ, সহজাতে পঞ্চ, অঞ্ঞমঞ্ঞে পঞ্চ, নিস্সযে পঞ্চ, উপনিস্সযে নৱ, আসেৱনে নৱ, কম্মে তীণি, আহাৰে তীণি, ইন্দ্ৰিযে তীণি, ঝানে তীণি, মগ্গে তীণি, সম্পযুত্তে পঞ্চ, অত্থিযা পঞ্চ, নত্থিযা নৱ, ৱিগতে নৱ, অৱিগতে পঞ্চ (সংখিত্তং).

পচ্চনীযুদ্ধাৰো

১৫. সহেতুকো অকুসলো ধম্মো সহেতুকস্স অকুসলস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো (সংখিত্তং).

১৬. নহেতুযা নৱ, নআৰম্মণে নৱ (সংখিত্তং).

হেতুপচ্চযা নআৰম্মণে দ্ৱে (সংখিত্তং).

নহেতুপচ্চযা আৰম্মণে নৱ (সংখিত্তং).

(যথা কুসলত্তিকে পঞ্হাৱাৰস্স অনুলোমম্পি পচ্চনীযম্পি অনুলোমপচ্চনীযম্পি পচ্চনীযানুলোমম্পি গণিতং, এৱং গণেতব্বং.)