১-৭. পটিচ্চৱাৰাদি

পচ্চযচতুক্কং

হেতুপচ্চযো

৮৭. সৱিতক্কসৱিচাৰং সৰণং ধম্মং পটিচ্চ সৱিতক্কসৱিচাৰো সৰণো ধম্মো উপ্পজ্জতি হেতুপচ্চযা. সৱিতক্কসৱিচাৰং সৰণং ধম্মং পটিচ্চ অৱিতক্কৱিচাৰমত্তো সৰণো ধম্মো উপ্পজ্জতি হেতুপচ্চযা. সৱিতক্কসৱিচাৰং সৰণং ধম্মং পটিচ্চ সৱিতক্কসৱিচাৰো সৰণো চ অৱিতক্কৱিচাৰমত্তো সৰণো চ ধম্মা উপ্পজ্জন্তি হেতুপচ্চযা. (৩)

অৱিতক্কৱিচাৰমত্তং সৰণং ধম্মং পটিচ্চ সৱিতক্কসৱিচাৰো সৰণো ধম্মো উপ্পজ্জতি হেতুপচ্চযা. (১)

সৱিতক্কসৱিচাৰং সৰণঞ্চ অৱিতক্কৱিচাৰমত্তং সৰণঞ্চ ধম্মং পটিচ্চ সৱিতক্কসৱিচাৰো সৰণো ধম্মো উপ্পজ্জতি হেতুপচ্চযা. (১) (সংখিত্তং.)

৮৮. হেতুযা পঞ্চ…পে… অৱিগতে পঞ্চ (সংখিত্তং).

(সহজাতৱাৰেপি…পে… পঞ্হাৱাৰেপি সব্বত্থ ৱিত্থাৰো.)

৮৯. সৱিতক্কসৱিচাৰং অৰণং ধম্মং পটিচ্চ সৱিতক্কসৱিচাৰো অৰণো ধম্মো উপ্পজ্জতি হেতুপচ্চযা… সত্ত.

অৱিতক্কৱিচাৰমত্তং অৰণং ধম্মং পটিচ্চ অৱিতক্কৱিচাৰমত্তো অৰণো ধম্মো উপ্পজ্জতি হেতুপচ্চযা … পঞ্চ.

অৱিতক্কঅৱিচাৰং অৰণং ধম্মং পটিচ্চ অৱিতক্কঅৱিচাৰো অৰণো ধম্মো উপ্পজ্জতি হেতুপচ্চযা (সংখিত্তং).

৯০. হেতুযা সত্ততিংস…পে… অৱিগতে সত্ততিংস (সংখিত্তং). (সহজাতৱাৰম্পি…পে… পঞ্হাৱাৰম্পি ৱিত্থাৰেতব্বং).