১-৭. পটিচ্চৱাৰাদি

পচ্চযচতুক্কং

হেতুপচ্চযো

২৮. কুসলং কামাৱচৰং ধম্মং পটিচ্চ কুসলো কামাৱচৰো ধম্মো উপ্পজ্জতি হেতুপচ্চযা. কুসলং কামাৱচৰং ধম্মং পটিচ্চ অব্যাকতো কামাৱচৰো ধম্মো উপ্পজ্জতি হেতুপচ্চযা. কুসলং কামাৱচৰং ধম্মং পটিচ্চ কুসলো কামাৱচৰো চ অব্যাকতো কামাৱচৰো চ ধম্মা উপ্পজ্জন্তি হেতুপচ্চযা. (৩)

অকুসলং কামাৱচৰং ধম্মং পটিচ্চ অকুসলো কামাৱচৰো ধম্মো উপ্পজ্জতি হেতুপচ্চযা… তীণি.

অব্যাকতং কামাৱচৰং ধম্মং পটিচ্চ অব্যাকতো কামাৱচৰো ধম্মো উপ্পজ্জতি হেতুপচ্চযা. (১)

কুসলং কামাৱচৰঞ্চ অব্যাকতং কামাৱচৰঞ্চ ধম্মং পটিচ্চ অব্যাকতো কামাৱচৰো ধম্মো উপ্পজ্জতি হেতুপচ্চযা. (১)

অকুসলং কামাৱচৰঞ্চ অব্যাকতং কামাৱচৰঞ্চ ধম্মং পটিচ্চ অব্যাকতো কামাৱচৰো ধম্মো উপ্পজ্জতি হেতুপচ্চযা. (১) (সংখিত্তং.)

২৯. হেতুযা নৱ, আৰম্মণে তীণি…পে… অৱিগতে নৱ (সংখিত্তং. সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং).

৩০. কুসলো কামাৱচৰো ধম্মো কুসলস্স কামাৱচৰস্স ধম্মস্স হেতুপচ্চযেন পচ্চযো… তীণি.

অকুসলো কামাৱচৰো ধম্মো কুসলস্স কামাৱচৰস্স ধম্মস্স হেতুপচ্চযেন পচ্চযো… তীণি.

অব্যাকতো কামাৱচৰো ধম্মো অব্যাকতস্স কামাৱচৰস্স ধম্মস্স হেতুপচ্চযেন পচ্চযো. (১) (সংখিত্তং.)

৩১. হেতুযা সত্ত, আৰম্মণে নৱ, অধিপতিযা নৱ…পে… অৱিগতে তেৰস (সংখিত্তং. যথা কুসলত্তিকে পঞ্হাৱাৰং, এৱং ৱিত্থাৰেতব্বং).

নকামাৱচৰপদং

হেতু-আৰম্মণপচ্চযা

৩২. কুসলং নকামাৱচৰং ধম্মং পটিচ্চ কুসলো নকামাৱচৰো ধম্মো উপ্পজ্জতি হেতুপচ্চযা. (১)

অব্যাকতং নকামাৱচৰং ধম্মং পটিচ্চ অব্যাকতো নকামাৱচৰো ধম্মো উপ্পজ্জতি হেতুপচ্চযা. (১) (সংখিত্তং.)

হেতুযা দ্ৱে, আৰম্মণে দ্ৱে…পে… অৱিগতে দ্ৱে (সংখিত্তং. সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং).

৩৩. কুসলো নকামাৱচৰো ধম্মো কুসলস্স নকামাৱচৰস্স ধম্মস্স হেতুপচ্চযেন পচ্চযো. (১)

অব্যাকতো নকামাৱচৰো ধম্মো অব্যাকতস্স নকামাৱচৰস্স ধম্মস্স হেতুপচ্চযেন পচ্চযো. (১)

কুসলো নকামাৱচৰো ধম্মো কুসলস্স নকামাৱচৰস্স ধম্মস্স আৰম্মণপচ্চযেন পচ্চযো. কুসলো নকামাৱচৰো ধম্মো অব্যাকতস্স নকামাৱচৰস্স ধম্মস্স আৰম্মণপচ্চযেন পচ্চযো. (২)

অব্যাকতো নকামাৱচৰো ধম্মো অব্যাকতস্স নকামাৱচৰস্স ধম্মস্স আৰম্মণপচ্চযেন পচ্চযো. অব্যাকতো নকামাৱচৰো ধম্মো কুসলস্স নকামাৱচৰস্স ধম্মস্স আৰম্মণপচ্চযেন পচ্চযো. (২)

৩৪. হেতুযা দ্ৱে, আৰম্মণে চত্তাৰি, অধিপতিযা তীণি…পে… অৱিগতে দ্ৱে (সংখিত্তং).

(যথা কুসলত্তিকে পঞ্হাৱাৰং, এৱং ৱিত্থাৰেতব্বং.)