১. ৱিভঙ্গৱাৰো

হেতুপচ্চযো

৮৬. কিলেসো চেৱ সংকিলিট্ঠো চ ধম্মো কিলেসস্স চেৱ সংকিলিট্ঠস্স চ ধম্মস্স হেতুপচ্চযেন পচ্চযো – কিলেসা চেৱ সংকিলিট্ঠা চ হেতূ সম্পযুত্তকানং কিলেসানং হেতুপচ্চযেন পচ্চযো. (১)

কিলেসো চেৱ সংকিলিট্ঠো চ ধম্মো সংকিলিট্ঠস্স চেৱ নো চ কিলেসস্স ধম্মস্স হেতুপচ্চযেন পচ্চযো – কিলেসা চেৱ সংকিলিট্ঠা চ হেতূ সম্পযুত্তকানং খন্ধানং হেতুপচ্চযেন পচ্চযো.

কিলেসো চেৱ সংকিলিট্ঠো চ ধম্মো কিলেসস্স চেৱ সংকিলিট্ঠস্স চ সংকিলিট্ঠস্স চেৱ নো চ কিলেসস্স চ ধম্মস্স হেতুপচ্চযেন পচ্চযো – কিলেসা চেৱ সংকিলিট্ঠা চ হেতূ সম্পযুত্তকানং খন্ধানং কিলেসানঞ্চ হেতুপচ্চযেন পচ্চযো. (৩)

আৰম্মণপচ্চযো

৮৭. কিলেসো চেৱ সংকিলিট্ঠো চ ধম্মো কিলেসস্স চেৱ সংকিলিট্ঠস্স চ ধম্মস্স আৰম্মণপচ্চযেন পচ্চযো – কিলেসে আৰব্ভ কিলেসা উপ্পজ্জন্তি. (মূলং কাতব্বং.) কিলেসে আৰব্ভ সংকিলিট্ঠা চেৱ নো চ কিলেসা খন্ধা উপ্পজ্জন্তি. (মূলং কাতব্বং.) কিলেসে আৰব্ভ কিলেসা চ সম্পযুত্তকা খন্ধা চ উপ্পজ্জন্তি. (৩)

৮৮. সংকিলিট্ঠো চেৱ নো চ কিলেসো ধম্মো সংকিলিট্ঠস্স চেৱ নো চ কিলেসস্স ধম্মস্স আৰম্মণপচ্চযেন পচ্চযো – সংকিলিট্ঠে চেৱ নো চ কিলেসে খন্ধে আৰব্ভ সংকিলিট্ঠা চেৱ নো চ কিলেসা খন্ধা উপ্পজ্জন্তি. (মূলং কাতব্বং.) সংকিলিট্ঠে চেৱ নো চ কিলেসে খন্ধে আৰব্ভ কিলেসা উপ্পজ্জন্তি. (মূলং কাতব্বং.) সংকিলিট্ঠে চেৱ নো চ কিলেসে খন্ধে আৰব্ভ কিলেসা চ সম্পযুত্তকা খন্ধা চ উপ্পজ্জন্তি. (৩)

(ইতৰেপি তীণি কাতব্বা.)

অধিপতিপচ্চযো

৮৯. কিলেসো চেৱ সংকিলিট্ঠো চ ধম্মো কিলেসস্স চেৱ সংকিলিট্ঠস্স চ ধম্মস্স অধিপতিপচ্চযেন পচ্চযো – আৰম্মণাধিপতি… তীণি.

সংকিলিট্ঠো চেৱ নো চ কিলেসো ধম্মো সংকিলিট্ঠস্স চেৱ নো চ কিলেসস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – সংকিলিট্ঠে চেৱ নো চ কিলেসে খন্ধে গৰুং কত্ৱা…পে… তীণি. (দ্ৱে অধিপতি তীণিপি কাতব্বা, ইতৰে দ্ৱেপি তীণি কাতব্বা.)

অনন্তৰপচ্চযাদি

৯০. কিলেসো চেৱ সংকিলিট্ঠো চ ধম্মো কিলেসস্স চেৱ সংকিলিট্ঠস্স চ ধম্মস্স অনন্তৰপচ্চযেন পচ্চযো (নৱপি কাতব্বা, আৱজ্জনাপি ৱুট্ঠানম্পি নত্থি)… সমনন্তৰপচ্চযেন পচ্চযো… সহজাতপচ্চযেন পচ্চযো… অঞ্ঞমঞ্ঞপচ্চযেন পচ্চযো… নিস্সযপচ্চযেন পচ্চযো… উপনিস্সযপচ্চযেন পচ্চযো… নৱ পঞ্হা (পুৰেজাতপচ্চযো পচ্ছাজাতপচ্চযোপি নত্থি)… আসেৱনপচ্চযেন পচ্চযো.

কম্মপচ্চযাদি

৯১. সংকিলিট্ঠো চেৱ নো চ কিলেসো ধম্মো সংকিলিট্ঠস্স চেৱ নো চ কিলেসস্স ধম্মস্স কম্মপচ্চযেন পচ্চযো – সংকিলিট্ঠা চেৱ নো চ কিলেসা চেতনা সম্পযুত্তকানং খন্ধানং কম্মপচ্চযেন পচ্চযো. (১)

সংকিলিট্ঠো চেৱ নো চ কিলেসো ধম্মো কিলেসস্স চেৱ সংকিলিট্ঠস্স চ ধম্মস্স কম্মপচ্চযেন পচ্চযো – সংকিলিট্ঠা চেৱ নো চ কিলেসা চেতনা সম্পযুত্তকানং কিলেসানং কম্মপচ্চযেন পচ্চযো. (২)

সংকিলিট্ঠো চেৱ নো চ কিলেসো ধম্মো কিলেসস্স চেৱ সংকিলিট্ঠস্স চ সংকিলিট্ঠস্স চেৱ নো চ কিলেসস্স ধম্মস্স কম্মপচ্চযেন পচ্চযো – সংকিলিট্ঠা চেৱ নো চ কিলেসা চেতনা সম্পযুত্তকানং খন্ধানং কিলেসানঞ্চ কম্মপচ্চযেন পচ্চযো. (৩)

আহাৰপচ্চযেন পচ্চযো… তীণি… ইন্দ্ৰিযপচ্চযেন পচ্চযো… তীণি… ঝানপচ্চযেন পচ্চযো… তীণি… মগ্গপচ্চযেন পচ্চযো… নৱ… সম্পযুত্তপচ্চযেন পচ্চযো… নৱ… অত্থিপচ্চযেন পচ্চযো… নৱ… নত্থিপচ্চযেন পচ্চযো… ৱিগতপচ্চযেন পচ্চযো… অৱিগতপচ্চযেন পচ্চযো… নৱ.