১. ৱিভঙ্গৱাৰো

হেতুপচ্চযো

৭৫. কিলেসো চেৱ সংকিলেসিকো চ ধম্মো কিলেসস্স চেৱ সংকিলেসিকস্স চ ধম্মস্স হেতুপচ্চযেন পচ্চযো – কিলেসা চেৱ সংকিলেসিকা চ হেতূ সম্পযুত্তকানং কিলেসানং হেতুপচ্চযেন পচ্চযো (এৱং চত্তাৰি, কিলেসদুকসদিসং.) (৪)

আৰম্মণপচ্চযো

৭৬. কিলেসো চেৱ সংকিলেসিকো চ ধম্মো কিলেসস্স চেৱ সংকিলেসিকস্স চ ধম্মস্স আৰম্মণপচ্চযেন পচ্চযো – কিলেসে আৰব্ভ কিলেসা উপ্পজ্জন্তি. (মূলং কাতব্বং.) কিলেসে আৰব্ভ সংকিলেসিকা চেৱ নো চ কিলেসা খন্ধা উপ্পজ্জন্তি. (মূলং কাতব্বং.) কিলেসে আৰব্ভ কিলেসা চ সম্পযুত্তকা চ খন্ধা উপ্পজ্জন্তি. (৩)

৭৭. সংকিলেসিকো চেৱ নো চ কিলেসো ধম্মো সংকিলেসিকস্স চেৱ নো চ কিলেসস্স ধম্মস্স আৰম্মণপচ্চযেন পচ্চযো – দানং…পে… সীলং…পে… উপোসথকম্মং…পে… পুব্বে সুচিণ্ণানি…পে… ঝানা ৱুট্ঠহিত্ৱা ঝানং পচ্চৱেক্খতি, অস্সাদেতি অভিনন্দতি, তং আৰব্ভ ৰাগো উপ্পজ্জতি…পে… উদ্ধচ্চং উপ্পজ্জতি, ঝানে পৰিহীনে ৱিপ্পটিসাৰিস্স দোমনস্সং উপ্পজ্জতি; অৰিযা গোত্ৰভুং পচ্চৱেক্খন্তি, ৱোদানং পচ্চৱেক্খন্তি, চক্খুং…পে… ৱত্থুং সংকিলেসিকে চেৱ নো চ কিলেসে খন্ধে অনিচ্চতো…পে… দোমনস্সং উপ্পজ্জতি; দিব্বেন চক্খুনা ৰূপং পস্সতি…পে… আৱজ্জনায আৰম্মণপচ্চযেন পচ্চযো (ইতৰে দ্ৱে কিলেসদুকসদিসা, ঘটনাৰম্মণাপি কিলেসদুকসদিসা).

অধিপতিপচ্চযো

৭৮. কিলেসো চেৱ সংকিলেসিকো চ ধম্মো কিলেসস্স চেৱ সংকিলেসিকস্স চ ধম্মস্স অধিপতিপচ্চযেন পচ্চযো – আৰম্মণাধিপতি… তীণি.

সংকিলেসিকো চেৱ নো চ কিলেসো ধম্মো সংকিলেসিকস্স চেৱ নো চ কিলেসস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং…পে… সীলং…পে… উপোসথকম্মং…পে… পুব্বে সুচিণ্ণানি…পে… ঝানা ৱুট্ঠহিত্ৱা ঝানং গৰুং কত্ৱা পচ্চৱেক্খতি, সেক্খা গোত্ৰভুং গৰুং কত্ৱা পচ্চৱেক্খন্তি, ৱোদানং গৰুং কত্ৱা পচ্চৱেক্খন্তি; চক্খুং…পে… ৱত্থুং সংকিলেসিকে চেৱ নো চ কিলেসে খন্ধে গৰুং কত্ৱা সংকিলেসিকা চেৱ নো চ কিলেসা খন্ধা উপ্পজ্জন্তি. সহজাতাধিপতি – সংকিলেসিকা চেৱ নো চ কিলেসাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (ইতৰে দ্ৱেপি কিলেসদুকসদিসা. ঘটনাধিপতিপি.)

অনন্তৰপচ্চযাদি

৭৯. কিলেসো চেৱ সংকিলেসিকো চ ধম্মো কিলেসস্স চেৱ সংকিলেসিকস্স চ ধম্মস্স অনন্তৰপচ্চযেন পচ্চযো… তীণি (কিলেসদুকসদিসা).

সংকিলেসিকো চেৱ নো চ কিলেসো ধম্মো সংকিলেসিকস্স চেৱ নো চ কিলেসস্স ধম্মস্স অনন্তৰপচ্চযেন পচ্চযো – পুৰিমা পুৰিমা সংকিলেসিকা চেৱ নো চ কিলেসা খন্ধা পচ্ছিমানং পচ্ছিমানং সংকিলেসিকানঞ্চেৱ নো চ কিলেসানং খন্ধানং অনন্তৰপচ্চযেন পচ্চযো; অনুলোমং গোত্ৰভুস্স… অনুলোমং ৱোদানস্স… আৱজ্জনা সংকিলেসিকানঞ্চেৱ নো চ কিলেসানং খন্ধানং অনন্তৰপচ্চযেন পচ্চযো.

(ইতৰে দ্ৱে অনন্তৰা কিলেসদুকসদিসা, নিন্নানাকৰণা. ঘটনানন্তৰম্পি সব্বে পচ্চযা কিলেসদুকসদিসা, নিন্নানাকৰণা. উপনিস্সযে লোকুত্তৰং নত্থি, ইদং দুকং কিলেসদুকসদিসং, নিন্নানাকৰণং.)

কিলেসসংকিলেসিকদুকং নিট্ঠিতং.