৭. পঞ্হাৱাৰো

পচ্চযচতুক্কং

হেতুপচ্চযো

৫৪. হেতু অব্যাকতো ধম্মো হেতুস্স অব্যাকতস্স ধম্মস্স হেতুপচ্চযেন পচ্চযো. হেতু অব্যাকতো ধম্মো নহেতুস্স অব্যাকতস্স ধম্মস্স হেতুপচ্চযেন পচ্চযো. হেতু অব্যাকতো ধম্মো হেতুস্স অব্যাকতস্স চ নহেতুস্স অব্যাকতস্স চ ধম্মস্স হেতুপচ্চযেন পচ্চযো. (৩)

আৰম্মণপচ্চযাদি

৫৫. হেতু অব্যাকতো ধম্মো হেতুস্স অব্যাকতস্স ধম্মস্স আৰম্মণপচ্চযেন পচ্চযো… নৱ.

৫৬. হেতু অব্যাকতো ধম্মো হেতুস্স অব্যাকতস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি… তীণি.

নহেতু অব্যাকতো ধম্মো নহেতুস্স অব্যাকতস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি… তীণি.

হেতু অব্যাকতো চ নহেতু অব্যাকতো চ ধম্মা হেতুস্স অব্যাকতস্স ধম্মস্স অধিপতিপচ্চযেন পচ্চযো – আৰম্মণাধিপতি… তীণি…পে….

পুৰেজাতপচ্চযাদি

৫৭. নহেতু অব্যাকতো ধম্মো নহেতুস্স অব্যাকতস্স ধম্মস্স পুৰেজাতপচ্চযেন পচ্চযো… তীণি.

৫৮. হেতু অব্যাকতো ধম্মো নহেতুস্স অব্যাকতস্স ধম্মস্স পচ্ছাজাতপচ্চযেন পচ্চযো. (১)

নহেতু অব্যাকতো ধম্মো নহেতুস্স অব্যাকতস্স ধম্মস্স পচ্ছাজাতপচ্চযেন পচ্চযো. (১)

হেতু অব্যাকতো চ নহেতু অব্যাকতো চ ধম্মা নহেতুস্স অব্যাকতস্স ধম্মস্স পচ্ছাজাতপচ্চযেন পচ্চযো. (১)

৫৯. নহেতু অব্যাকতো ধম্মো নহেতুস্স অব্যাকতস্স ধম্মস্স কম্মপচ্চযেন পচ্চযো… তীণি.

৬০. হেতু অব্যাকতো ধম্মো হেতুস্স অব্যাকতস্স ধম্মস্স ৱিপাকপচ্চযেন পচ্চযো… নৱ.

৬১. নহেতু অব্যাকতো ধম্মো নহেতুস্স অব্যাকতস্স ধম্মস্স আহাৰপচ্চযেন পচ্চযো… ইন্দ্ৰিযপচ্চযেন পচ্চযো… ঝানপচ্চযেন পচ্চযো… মগ্গপচ্চযেন পচ্চযো… সম্পযুত্তপচ্চযেন পচ্চযো.

ৱিপ্পযুত্তপচ্চযো

৬২. হেতু অব্যাকতো ধম্মো নহেতুস্স অব্যাকতস্স ধম্মস্স ৱিপ্পযুত্তপচ্চযেন পচ্চযো. (১)

নহেতু অব্যাকতো ধম্মো নহেতুস্স অব্যাকতস্স ধম্মস্স ৱিপ্পযুত্তপচ্চযেন পচ্চযো… তীণি.

হেতু অব্যাকতো চ নহেতু অব্যাকতো চ ধম্মা নহেতুস্স অব্যাকতস্স ধম্মস্স ৱিপ্পযুত্তপচ্চযেন পচ্চযো. (১) (সংখিত্তং.)

৬৩. হেতুযা তীণি, আৰম্মণে নৱ, অধিপতিযা নৱ, অনন্তৰে নৱ, সমনন্তৰে নৱ, সহজাতে নৱ, অঞ্ঞমঞ্ঞে নৱ, নিস্সযে নৱ, উপনিস্সযে নৱ, পুৰেজাতে তীণি, পচ্ছাজাতে তীণি, আসেৱনে নৱ, কম্মে তীণি, ৱিপাকে নৱ, আহাৰে তীণি, ইন্দ্ৰিযে নৱ, ঝানে তীণি, মগ্গে নৱ, সম্পযুত্তে নৱ, ৱিপ্পযুত্তে পঞ্চ, অত্থিযা নৱ, নত্থিযা নৱ, ৱিগতে নৱ, অৱিগতে নৱ.

পচ্চনীযুদ্ধাৰো

৬৪. হেতু অব্যাকতো ধম্মো হেতুস্স অব্যাকতস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. হেতু অব্যাকতো ধম্মো নহেতুস্স অব্যাকতস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পচ্ছাজাতপচ্চযেন পচ্চযো. হেতু অব্যাকতো ধম্মো হেতুস্স অব্যাকতস্স চ নহেতুস্স অব্যাকতস্স চ ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (৩)

৬৫. নহেতু অব্যাকতো ধম্মো নহেতুস্স অব্যাকতস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুৰেজাতপচ্চযেন পচ্চযো… পচ্ছাজাতপচ্চযেন পচ্চযো… আহাৰপচ্চযেন পচ্চযো… ইন্দ্ৰিযপচ্চযেন পচ্চযো.

৬৬. নহেতুযা নৱ, নআৰম্মণে নৱ, নঅধিপতিযা নৱ (সংখিত্তং, পচ্চনীযং).

হেতুপচ্চযা নআৰম্মণে তীণি (সংখিত্তং, অনুলোমপচ্চনীযং).

নহেতুপচ্চযা আৰম্মণে নৱ (সংখিত্তং, পচ্চনীযানুলোমং).

(যথা কুসলত্তিকে পঞ্হাৱাৰস্স অনুলোমম্পি পচ্চনীযম্পি অনুলোমপচ্চনীযম্পি পচ্চনীযানুলোমম্পি গণিতং, এৱং গণেতব্বং.)

হেতুদুককুসলত্তিকং নিট্ঠিতং.