৭. পঞ্হাৱাৰো

পচ্চযচতুক্কং

হেতুপচ্চযাদি

২২২. হেতু অৱিতক্কৱিচাৰমত্তো ধম্মো হেতুস্স অৱিতক্কৱিচাৰমত্তস্স ধম্মস্স হেতুপচ্চযেন পচ্চযো… তীণি.

হেতু অৱিতক্কৱিচাৰমত্তো ধম্মো নহেতুস্স অৱিতক্কৱিচাৰমত্তস্স ধম্মস্স আৰম্মণপচ্চযেন পচ্চযো… তীণি.

হেতু অৱিতক্কৱিচাৰমত্তো ধম্মো হেতুস্স অৱিতক্কৱিচাৰমত্তস্স ধম্মস্স অধিপতিপচ্চযেন পচ্চযো – সহজাতাধিপতি… তীণি.

নহেতু অৱিতক্কৱিচাৰমত্তো ধম্মো নহেতুস্স অৱিতক্কৱিচাৰমত্তস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি… তীণি.

হেতু অৱিতক্কৱিচাৰমত্তো চ নহেতু অৱিতক্কৱিচাৰমত্তো চ ধম্মা নহেতুস্স অৱিতক্কৱিচাৰমত্তস্স ধম্মস্স অধিপতিপচ্চযেন পচ্চযো – আৰম্মণাধিপতি (সংখিত্তং).

২২৩. হেতুযা তীণি, আৰম্মণে তীণি, অধিপতিযা সত্ত, অনন্তৰে নৱ, সমনন্তৰে নৱ, সহজাতে নৱ, অঞ্ঞমঞ্ঞে নৱ, নিস্সযে নৱ, উপনিস্সযে নৱ, আসেৱনে নৱ, কম্মে তীণি, ৱিপাকে নৱ, আহাৰে তীণি, ইন্দ্ৰিযে নৱ, ঝানে তীণি, মগ্গে নৱ, সম্পযুত্তে নৱ, অত্থিযা নৱ, নত্থিযা নৱ, ৱিগতে নৱ, অৱিগতে নৱ (সংখিত্তং).

পচ্চনীযুদ্ধাৰো

২২৪. হেতু অৱিতক্কৱিচাৰমত্তো ধম্মো হেতুস্স অৱিতক্কৱিচাৰমত্তস্স ধম্মস্স সহজাতপচ্চযেন পচ্চযো… উপনিস্সযপচ্চযেন পচ্চযো (সংখিত্তং).

২২৫. নহেতুযা নৱ, নআৰম্মণে নৱ (সংখিত্তং).

হেতুপচ্চযা নআৰম্মণে তীণি (সংখিত্তং).

নহেতুপচ্চযা আৰম্মণে তীণি (সংখিত্তং).

(যথা কুসলত্তিকে পঞ্হাৱাৰস্স অনুলোমম্পি পচ্চনীযম্পি অনুলোমপচ্চনীযম্পি পচ্চনীযানুলোমম্পি গণিতং, এৱং গণেতব্বং.)