১-৬. পটিচ্চৱাৰাদি

পচ্চযচতুক্কং

হেতুপচ্চযো

২১০. হেতুং সৱিতক্কসৱিচাৰং ধম্মং পটিচ্চ হেতু সৱিতক্কসৱিচাৰো ধম্মো উপ্পজ্জতি হেতুপচ্চযা. হেতুং সৱিতক্কসৱিচাৰং ধম্মং পটিচ্চ নহেতু সৱিতক্কসৱিচাৰো ধম্মো উপ্পজ্জতি হেতুপচ্চযা. হেতুং সৱিতক্কসৱিচাৰং ধম্মং পটিচ্চ হেতু সৱিতক্কসৱিচাৰো চ নহেতু সৱিতক্কসৱিচাৰো চ ধম্মা উপ্পজ্জন্তি হেতুপচ্চযা. (৩)

নহেতুং সৱিতক্কসৱিচাৰং ধম্মং পটিচ্চ নহেতু সৱিতক্কসৱিচাৰো ধম্মো উপ্পজ্জতি হেতুপচ্চযা… তীণি.

হেতুং সৱিতক্কসৱিচাৰঞ্চ নহেতুং সৱিতক্কসৱিচাৰঞ্চ ধম্মং পটিচ্চ হেতু সৱিতক্কসৱিচাৰো ধম্মো উপ্পজ্জতি হেতুপচ্চযা… তীণি (সংখিত্তং).

২১১. হেতুযা নৱ, আৰম্মণে নৱ, অধিপতিযা নৱ, অনন্তৰে নৱ, সমনন্তৰে নৱ…পে… কম্মে নৱ, ৱিপাকে নৱ…পে… অৱিগতে নৱ (সংখিত্তং).

নহেতু-নঅধিপতিপচ্চযা

২১২. নহেতুং সৱিতক্কসৱিচাৰং ধম্মং পটিচ্চ নহেতু সৱিতক্কসৱিচাৰো ধম্মো উপ্পজ্জতি নহেতুপচ্চযা… দ্ৱে.

হেতুং সৱিতক্কসৱিচাৰং ধম্মং পটিচ্চ হেতু সৱিতক্কসৱিচাৰো ধম্মো উপ্পজ্জতি নঅধিপতিপচ্চযা (সংখিত্তং).

২১৩. নহেতুযা দ্ৱে, নঅধিপতিযা নৱ, নপুৰেজাতে নৱ, নপচ্ছাজাতে নৱ, নআসেৱনে নৱ, নকম্মে তীণি, নৱিপাকে নৱ, নমগ্গে একং, নৱিপ্পযুত্তে নৱ (সংখিত্তং).

হেতুপচ্চযা নঅধিপতিযা নৱ (সংখিত্তং).

নহেতুপচ্চযা আৰম্মণে দ্ৱে (সংখিত্তং).

(সহজাতৱাৰোপি পচ্চযৱাৰোপি নিস্সযৱাৰোপি সংসট্ঠৱাৰোপি সম্পযুত্তৱাৰোপি পটিচ্চৱাৰসদিসা ৱিত্থাৰেতব্বা.)