১-৬. পটিচ্চৱাৰাদি

পচ্চযচতুক্কং

হেতুপচ্চযো

২৭. হেতুং অকুসলং ধম্মং পটিচ্চ হেতু অকুসলো ধম্মো উপ্পজ্জতি হেতুপচ্চযা. হেতুং অকুসলং ধম্মং পটিচ্চ নহেতু অকুসলো ধম্মো উপ্পজ্জতি হেতুপচ্চযা. হেতুং অকুসলং ধম্মং পটিচ্চ হেতু অকুসলো চ নহেতু অকুসলো চ ধম্মা উপ্পজ্জন্তি হেতুপচ্চযা. (৩)

২৮. নহেতুং অকুসলং ধম্মং পটিচ্চ নহেতু অকুসলো ধম্মো উপ্পজ্জতি হেতুপচ্চযা. নহেতুং অকুসলং ধম্মং পটিচ্চ হেতু অকুসলো ধম্মো উপ্পজ্জতি হেতুপচ্চযা. নহেতুং অকুসলং ধম্মং পটিচ্চ হেতু অকুসলো চ নহেতু অকুসলো চ ধম্মা উপ্পজ্জন্তি হেতুপচ্চযা. (৩)

২৯. হেতুং অকুসলঞ্চ নহেতুং অকুসলঞ্চ ধম্মং পটিচ্চ হেতু অকুসলো ধম্মো উপ্পজ্জতি হেতুপচ্চযা. হেতুং অকুসলঞ্চ নহেতুং অকুসলঞ্চ ধম্মং পটিচ্চ নহেতু অকুসলো ধম্মো উপ্পজ্জতি হেতুপচ্চযা. হেতুং অকুসলঞ্চ নহেতুং অকুসলঞ্চ ধম্মং পটিচ্চ হেতু অকুসলো চ নহেতু অকুসলো চ ধম্মা উপ্পজ্জন্তি হেতুপচ্চযা. (৩)

৩০. হেতুযা নৱ, আৰম্মণে নৱ, অধিপতিযা নৱ…পে… কম্মে নৱ, আহাৰে নৱ…পে… অৱিগতে নৱ (সংখিত্তং, অনুলোমং).

নহেতুপচ্চযো

৩১. নহেতুং অকুসলং ধম্মং পটিচ্চ হেতু অকুসলো ধম্মো উপ্পজ্জতি নহেতুপচ্চযা. (১)

নঅধিপতিপচ্চযাদি

৩২. হেতুং অকুসলং ধম্মং পটিচ্চ হেতু অকুসলো ধম্মো উপ্পজ্জতি নঅধিপতিপচ্চযা… নৱ…পে….

হেতুং অকুসলং ধম্মং পটিচ্চ নহেতু অকুসলো ধম্মো উপ্পজ্জতি নকম্মপচ্চযা. (১)

নহেতুং অকুসলং ধম্মং পটিচ্চ নহেতু অকুসলো ধম্মো উপ্পজ্জতি নকম্মপচ্চযা. (১)

হেতুং অকুসলঞ্চ নহেতুং অকুসলঞ্চ ধম্মং পটিচ্চ নহেতু অকুসলো ধম্মো উপ্পজ্জতি নকম্মপচ্চযা. (১) (সংখিত্তং.)

৩৩. নহেতুযা একং, নঅধিপতিযা নৱ, নপুৰেজাতে নৱ, নপচ্ছাজাতে নৱ, নআসেৱনে নৱ, নকম্মে তীণি, নৱিপাকে নৱ, নৱিপ্পযুত্তে নৱ (পচ্চনীযং).

হেতুপচ্চযা নঅধিপতিযা নৱ (সংখিত্তং, অনুলোমপচ্চনীযং).

নহেতুপচ্চযা আৰম্মণে একং (সংখিত্তং, পচ্চনীযানুলোমং).

(সহজাতৱাৰম্পি পচ্চযৱাৰম্পি নিস্সযৱাৰম্পি সংসট্ঠৱাৰম্পি সম্পযুত্তৱাৰম্পি পটিচ্চৱাৰসদিসা ৱিত্থাৰেতব্বা.)