৭. পঞ্হাৱাৰো

পচ্চযচতুক্কং

হেতুপচ্চযো

১২. হেতু কুসলো ধম্মো হেতুস্স কুসলস্স ধম্মস্স হেতুপচ্চযেন পচ্চযো. হেতু কুসলো ধম্মো নহেতুস্স কুসলস্স ধম্মস্স হেতুপচ্চযেন পচ্চযো. হেতু কুসলো ধম্মো হেতুস্স কুসলস্স চ নহেতুস্স কুসলস্স চ ধম্মস্স হেতুপচ্চযেন পচ্চযো. (৩)

আৰম্মণপচ্চযাদি

১৩. হেতু কুসলো ধম্মো হেতুস্স কুসলস্স ধম্মস্স আৰম্মণপচ্চযেন পচ্চযো… তীণি.

নহেতু কুসলো ধম্মো নহেতুস্স কুসলস্স ধম্মস্স আৰম্মণপচ্চযেন পচ্চযো… তীণি.

হেতু কুসলো চ নহেতু কুসলো চ ধম্মা হেতুস্স কুসলস্স ধম্মস্স আৰম্মণপচ্চযেন পচ্চযো… তীণি.

১৪. হেতু কুসলো ধম্মো হেতুস্স কুসলস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি… তীণি.

নহেতু কুসলো ধম্মো নহেতুস্স কুসলস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি… তীণি.

হেতু কুসলো চ নহেতু কুসলো চ ধম্মা হেতুস্স কুসলস্স ধম্মস্স অধিপতিপচ্চযেন পচ্চযো – আৰম্মণাধিপতি… তীণি.

অনন্তৰপচ্চযাদি

১৫. হেতু কুসলো ধম্মো হেতুস্স কুসলস্স ধম্মস্স অনন্তৰপচ্চযেন পচ্চযো… সমনন্তৰপচ্চযেন পচ্চযো… সহজাতপচ্চযেন পচ্চযো… অঞ্ঞমঞ্ঞপচ্চযেন পচ্চযো… নিস্সযপচ্চযেন পচ্চযো.

১৬. হেতু কুসলো ধম্মো হেতুস্স কুসলস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো… তীণি.

নহেতু কুসলো ধম্মো নহেতুস্স কুসলস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো… তীণি.

হেতু কুসলো চ নহেতু কুসলো চ ধম্মা হেতুস্স কুসলস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো… তীণি, আসেৱনপচ্চযেন পচ্চযো… নৱ.

১৭. নহেতু কুসলো ধম্মো নহেতুস্স কুসলস্স ধম্মস্স কম্মপচ্চযেন পচ্চযো. নহেতু কুসলো ধম্মো হেতুস্স কুসলস্স ধম্মস্স কম্মপচ্চযেন পচ্চযো. নহেতু কুসলো ধম্মো হেতুস্স কুসলস্স চ নহেতুস্স কুসলস্স চ ধম্মস্স কম্মপচ্চযেন পচ্চযো. (৩)

আহাৰপচ্চযাদি

১৮. নহেতু কুসলো ধম্মো নহেতুস্স কুসলস্স ধম্মস্স আহাৰপচ্চযেন পচ্চযো… তীণি.

১৯. হেতু কুসলো ধম্মো হেতুস্স কুসলস্স ধম্মস্স ইন্দ্ৰিযপচ্চযেন পচ্চযো… নৱ.

২০. নহেতু কুসলো ধম্মো নহেতুস্স কুসলস্স ধম্মস্স ঝানপচ্চযেন পচ্চযো… তীণি.

২১. হেতু কুসলো ধম্মো হেতুস্স কুসলস্স ধম্মস্স মগ্গপচ্চযেন পচ্চযো… নৱ.

২২. হেতুযা তীণি, আৰম্মণে নৱ, অধিপতিযা নৱ, অনন্তৰে নৱ, সমনন্তৰে নৱ, সহজাতে নৱ, অঞ্ঞমঞ্ঞে নৱ, নিস্সযে নৱ, উপনিস্সযে নৱ, আসেৱনে নৱ, কম্মে তীণি, আহাৰে তীণি, ইন্দ্ৰিযে নৱ, ঝানে তীণি, মগ্গে নৱ, সম্পযুত্তে নৱ, অত্থিযা নৱ, নত্থিযা নৱ, ৱিগতে নৱ, অৱিগতে নৱ.

পচ্চনীযুদ্ধাৰো

২৩. হেতু কুসলো ধম্মো হেতুস্স কুসলস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… তীণি.

২৪. নহেতু কুসলো ধম্মো নহেতুস্স কুসলস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. নহেতু কুসলো ধম্মো হেতুস্স কুসলস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. নহেতু কুসলো ধম্মো হেতুস্স কুসলস্স চ নহেতুস্স কুসলস্স চ ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (৩)

২৫. হেতু কুসলো চ নহেতু কুসলো চ ধম্মা হেতুস্স কুসলস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… তীণি. (৩)

২৬. নহেতুযা নৱ, নআৰম্মণে নৱ, নঅধিপতিযা নৱ…পে… নোঅৱিগতে নৱ (সংখিত্তং, পচ্চনীযং).

হেতুপচ্চযা নআৰম্মণে তীণি…পে… নোনত্থিযা তীণি, নোৱিগতে তীণি (সংখিত্তং, অনুলোমপচ্চনীযং).

নহেতুপচ্চযা আৰম্মণে নৱ…পে… অৱিগতে নৱ (সংখিত্তং, পচ্চনীযানুলোমং).

(যথা কুসলত্তিকে পঞ্হাৱাৰস্স অনুলোমম্পি পচ্চনীযম্পি অনুলোমপচ্চনীযম্পি পচ্চনীযানুলোমম্পি গণিতং, এৱং গণেতব্বং.)