৭. পঞ্হাৱাৰো

পচ্চযচতুক্কং

হেতুপচ্চযাদি

১১৩. হেতু ৱিপাকো ধম্মো হেতুস্স ৱিপাকস্স ধম্মস্স হেতুপচ্চযেন পচ্চযো… তীণি.

১১৪. হেতু ৱিপাকো ধম্মো হেতুস্স ৱিপাকস্স ধম্মস্স আৰম্মণপচ্চযেন পচ্চযো… তীণি.

নহেতু ৱিপাকো ধম্মো নহেতুস্স ৱিপাকস্স ধম্মস্স আৰম্মণপচ্চযেন পচ্চযো… তীণি.

হেতু ৱিপাকো চ নহেতু ৱিপাকো চ ধম্মা হেতুস্স ৱিপাকস্স ধম্মস্স আৰম্মণপচ্চযেন পচ্চযো… তীণি (তদাৰম্মণাযেৱ লব্ভন্তি).

১১৫. হেতু ৱিপাকো ধম্মো হেতুস্স ৱিপাকস্স ধম্মস্স অধিপতিপচ্চযেন পচ্চযো… তীণি (সহজাতাধিপতিযেৱ লব্ভতি, আৰম্মণাধিপতি নত্থি)…পে….

উপনিস্সযপচ্চযাদি

১১৬. হেতু ৱিপাকো ধম্মো হেতুস্স ৱিপাকস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো. হেতু ৱিপাকো ধম্মো নহেতুস্স ৱিপাকস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো. হেতু ৱিপাকো ধম্মো হেতুস্স ৱিপাকস্স চ নহেতুস্স ৱিপাকস্স চ ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো. (৩)

নহেতু ৱিপাকো ধম্মো নহেতুস্স ৱিপাকস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে… (ইতৰে দ্ৱে অনন্তৰূপনিস্সযো পকতূপনিস্সযোযেৱ).

১১৭. নহেতু ৱিপাকো ধম্মো নহেতুস্স ৱিপাকস্স ধম্মস্স কম্মপচ্চযেন পচ্চযো… তীণি (সহজাতকম্মমেৱ, সংখিত্তং).

হেতু ৱিপাকো ধম্মো হেতুস্স ৱিপাকস্স ধম্মস্স ৱিপাকপচ্চযেন পচ্চযো… নৱ.

নহেতু ৱিপাকো ধম্মো নহেতুস্স ৱিপাকস্স ধম্মস্স আহাৰপচ্চযেন পচ্চযো (সংখিত্তং).

১১৮. হেতুযা তীণি, আৰম্মণে নৱ, অধিপতিযা ছ, অনন্তৰে নৱ, সমনন্তৰে নৱ, সহজাতে নৱ, অঞ্ঞমঞ্ঞে নৱ, নিস্সযে নৱ, উপনিস্সযে নৱ, কম্মে তীণি, ৱিপাকে নৱ, আহাৰে তীণি, ইন্দ্ৰিযে নৱ, ঝানে তীণি, মগ্গে নৱ, সম্পযুত্তে নৱ, অত্থিযা নৱ, নত্থিযা নৱ, ৱিগতে নৱ, অৱিগতে নৱ (অনুলোমং).

পচ্চনীযুদ্ধাৰো

১১৯. হেতু ৱিপাকো ধম্মো হেতুস্স ৱিপাকস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো (সংখিত্তং).

১২০. নহেতুযা নৱ, নআৰম্মণে নৱ (সংখিত্তং, পচ্চনীযং).

হেতুপচ্চযা নআৰম্মণে তীণি (সংখিত্তং, অনুলোমপচ্চনীযং).

নহেতুপচ্চযা আৰম্মণে নৱ (সংখিত্তং, পচ্চনীযানুলোমং).

(যথা কুসলত্তিকে পঞ্হাৱাৰস্স অনুলোমম্পি পচ্চনীযম্পি অনুলোমপচ্চনীযম্পি পচ্চনীযানুলোমম্পি গণিতং, এৱং গণেতব্বং.)