৭. পঞ্হাৱাৰো

পচ্চযচতুক্কং

হেতুপচ্চযাদি

৫৪৯. হেতু অনিদস্সনঅপ্পটিঘো ধম্মো হেতুস্স অনিদস্সনঅপ্পটিঘস্স ধম্মস্স হেতুপচ্চযেন পচ্চযো… তীণি.

হেতু অনিদস্সনঅপ্পটিঘো ধম্মো হেতুস্স অনিদস্সনঅপ্পটিঘস্স ধম্মস্স আৰম্মণপচ্চযেন পচ্চযো… নৱ.

হেতু অনিদস্সনঅপ্পটিঘো ধম্মো হেতুস্স অনিদস্সনঅপ্পটিঘস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি… তীণি.

নহেতু অনিদস্সনঅপ্পটিঘো ধম্মো নহেতুস্স অনিদস্সনঅপ্পটিঘস্স ধম্মস্স অধিপতিপচ্চযেন পচ্চযো – আৰম্মণাধিপতি সহজাতাধিপতি… তীণি.

হেতু অনিদস্সনঅপ্পটিঘো চ নহেতু অনিদস্সনঅপ্পটিঘো চ ধম্মা হেতুস্স অনিদস্সনঅপ্পটিঘস্স ধম্মস্স অধিপতিপচ্চযেন পচ্চযো – আৰম্মণাধিপতি… তীণি (সংখিত্তং).

৫৫০. হেতুযা তীণি, আৰম্মণে নৱ, অধিপতিযা নৱ, অনন্তৰে নৱ, সমনন্তৰে নৱ, সহজাতে নৱ, অঞ্ঞমঞ্ঞে নৱ, নিস্সযে নৱ, উপনিস্সযে নৱ, পুৰেজাতে তীণি, পচ্ছাজাতে তীণি, আসেৱনে নৱ, কম্মে তীণি, ৱিপাকে নৱ, আহাৰে তীণি, ইন্দ্ৰিযে নৱ, ঝানে তীণি, মগ্গে নৱ, সম্পযুত্তে নৱ, ৱিপ্পযুত্তে পঞ্চ, অত্থিযা নৱ, নত্থিযা নৱ, ৱিগতে নৱ, অৱিগতে নৱ (সংখিত্তং).

পচ্চনীযুদ্ধাৰো

৫৫১. হেতু অনিদস্সনঅপ্পটিঘো ধম্মো হেতুস্স অনিদস্সনঅপ্পটিঘস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো (সংখিত্তং).

৫৫২. নহেতুযা নৱ, নআৰম্মণে নৱ (সংখিত্তং).

হেতুপচ্চযা নআৰম্মণে তীণি (সংখিত্তং).

নহেতুপচ্চযা আৰম্মণে নৱ (সংখিত্তং).

(যথা কুসলত্তিকে পঞ্হাৱাৰস্স অনুলোমম্পি পচ্চনীযম্পি অনুলোমপচ্চনীযম্পি পচ্চনীযানুলোমম্পি গণিতং, এৱং গণেতব্বং.)

হেতুদুকসনিদস্সনসপ্পটিঘত্তিকং নিট্ঠিতং.