৭. পঞ্হাৱাৰো

পচ্চযচতুক্কং

হেতুপচ্চযাদি

৯৯. হেতু অদুক্খমসুখায ৱেদনায সম্পযুত্তো ধম্মো হেতুস্স অদুক্খমসুখায ৱেদনায সম্পযুত্তস্স ধম্মস্স হেতুপচ্চযেন পচ্চযো… তীণি.

১০০. হেতু অদুক্খমসুখায ৱেদনায সম্পযুত্তো ধম্মো হেতুস্স অদুক্খমসুখায ৱেদনায সম্পযুত্তস্স ধম্মস্স আৰম্মণপচ্চযেন পচ্চযো… নৱ.

১০১. হেতু অদুক্খমসুখায ৱেদনায সম্পযুত্তো ধম্মো হেতুস্স অদুক্খমসুখায ৱেদনায সম্পযুত্তস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি… তীণি.

নহেতু অদুক্খমসুখায ৱেদনায সম্পযুত্তো ধম্মো নহেতুস্স অদুক্খমসুখায ৱেদনায সম্পযুত্তস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি… তীণি.

হেতু অদুক্খমসুখায ৱেদনায সম্পযুত্তো চ নহেতু অদুক্খমসুখায ৱেদনায সম্পযুত্তো চ ধম্মা হেতুস্স অদুক্খমসুখায ৱেদনায সম্পযুত্তস্স ধম্মস্স অধিপতিপচ্চযেন পচ্চযো – আৰম্মণাধিপতি… তীণি (আৰম্মণাধিপতিযেৱ)…পে….

উপনিস্সযপচ্চযাদি

১০২. হেতু অদুক্খমসুখায ৱেদনায সম্পযুত্তো ধম্মো হেতুস্স অদুক্খমসুখায ৱেদনায সম্পযুত্তস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো… নৱ, আসেৱনপচ্চযেন পচ্চযো… নৱ.

১০৩. নহেতু অদুক্খমসুখায ৱেদনায সম্পযুত্তো ধম্মো নহেতুস্স অদুক্খমসুখায ৱেদনায সম্পযুত্তস্স ধম্মস্স কম্মপচ্চযেন পচ্চযো… তীণি.

১০৪. হেতু অদুক্খমসুখায ৱেদনায সম্পযুত্তো ধম্মো হেতুস্স অদুক্খমসুখায ৱেদনায সম্পযুত্তস্স ধম্মস্স ৱিপাকপচ্চযেন পচ্চযো… নৱ…পে… অৱিগতপচ্চযেন পচ্চযো… নৱ.

১০৫. হেতুযা তীণি, আৰম্মণে নৱ, অধিপতিযা নৱ, অনন্তৰে নৱ, সমনন্তৰে নৱ, সহজাতে নৱ, অঞ্ঞমঞ্ঞে নৱ, নিস্সযে নৱ, উপনিস্সযে নৱ, আসেৱনে নৱ, কম্মে তীণি, ৱিপাকে নৱ, আহাৰে তীণি, ইন্দ্ৰিযে নৱ, ঝানে তীণি, মগ্গে নৱ, সম্পযুত্তে নৱ, অত্থিযা নৱ, নত্থিযা নৱ, ৱিগতে নৱ, অৱিগতে নৱ (অনুলোমং).

পচ্চনীযুদ্ধাৰো

১০৬. হেতু অদুক্খমসুখায ৱেদনায সম্পযুত্তো ধম্মো হেতুস্স অদুক্খমসুখায ৱেদনায সম্পযুত্তস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো (সংখিত্তং).

১০৭. নহেতুযা নৱ, নআৰম্মণে নৱ (সংখিত্তং, পচ্চনীযং).

হেতুপচ্চযা নআৰম্মণে তীণি (সংখিত্তং, অনুলোমপচ্চনীযং).

নহেতুপচ্চযা আৰম্মণে নৱ (সংখিত্তং, পচ্চনীযানুলোমং).

(যথা কুসলত্তিকে পঞ্হাৱাৰস্স অনুলোমম্পি পচ্চনীযম্পি অনুলোমপচ্চনীযম্পি পচ্চনীযানুলোমম্পি গণিতং, এৱং গণেতব্বং.)

হেতুদুকৱেদনাত্তিকং নিট্ঠিতং.