১-৬. পটিচ্চৱাৰাদি

পচ্চযচতুক্কং

হেতুপচ্চযো

৫০১. হেতুং পচ্চুপ্পন্নাৰম্মণং ধম্মং পটিচ্চ হেতু পচ্চুপ্পন্নাৰম্মণো ধম্মো উপ্পজ্জতি হেতুপচ্চযা… তীণি.

নহেতুং পচ্চুপ্পন্নাৰম্মণং ধম্মং পটিচ্চ নহেতু পচ্চুপ্পন্নাৰম্মণো ধম্মো উপ্পজ্জতি হেতুপচ্চযা… তীণি.

হেতুং পচ্চুপ্পন্নাৰম্মণঞ্চ নহেতুং পচ্চুপ্পন্নাৰম্মণঞ্চ ধম্মং পটিচ্চ হেতু পচ্চুপ্পন্নাৰম্মণো ধম্মো উপ্পজ্জতি হেতুপচ্চযা… তীণি (সংখিত্তং).

৫০২. হেতুযা নৱ, আৰম্মণে নৱ, অধিপতিযা নৱ…পে… কম্মে নৱ…পে… অৱিগতে নৱ (সংখিত্তং).

নহেতু-নঅধিপতিপচ্চযা

৫০৩. নহেতুং পচ্চুপ্পন্নাৰম্মণং ধম্মং পটিচ্চ নহেতু পচ্চুপ্পন্নাৰম্মণো ধম্মো উপ্পজ্জতি নহেতুপচ্চযা. নহেতুং পচ্চুপ্পন্নাৰম্মণং ধম্মং পটিচ্চ হেতু পচ্চুপ্পন্নাৰম্মণো ধম্মো উপ্পজ্জতি নহেতুপচ্চযা. (২)

হেতুং পচ্চুপ্পন্নাৰম্মণং ধম্মং পটিচ্চ হেতু পচ্চুপ্পন্নাৰম্মণো ধম্মো উপ্পজ্জতি নঅধিপতিপচ্চযা (সংখিত্তং).

৫০৪. নহেতুযা দ্ৱে, নঅধিপতিযা নৱ, নপুৰেজাতে নৱ, নপচ্ছাজাতে নৱ, নআসেৱনে নৱ, নকম্মে তীণি, নৱিপাকে নৱ, নঝানে একং, নমগ্গে একং, নৱিপ্পযুত্তে নৱ (সংখিত্তং).

হেতুপচ্চযা নঅধিপতিযা নৱ (সংখিত্তং).

নহেতুপচ্চযা আৰম্মণে দ্ৱে (সংখিত্তং).

(সহজাতৱাৰোপি পচ্চযৱাৰোপি নিস্সযৱাৰোপি সংসট্ঠৱাৰোপি সম্পযুত্তৱাৰোপি পটিচ্চৱাৰসদিসা ৱিত্থাৰেতব্বা.)