৭. পঞ্হাৱাৰো

পচ্চযচতুক্কং

হেতুপচ্চযাদি

৪৮৯. হেতু অতীতাৰম্মণো ধম্মো হেতুস্স অতীতাৰম্মণস্স ধম্মস্স হেতুপচ্চযেন পচ্চযো… তীণি.

হেতু অতীতাৰম্মণো ধম্মো হেতুস্স অতীতাৰম্মণস্স ধম্মস্স আৰম্মণপচ্চযেন পচ্চযো… নৱ.

হেতু অতীতাৰম্মণো ধম্মো হেতুস্স অতীতাৰম্মণস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি… তীণি.

নহেতু অতীতাৰম্মণো ধম্মো নহেতুস্স অতীতাৰম্মণস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি… তীণি.

হেতু অতীতাৰম্মণো চ নহেতু অতীতাৰম্মণো চ ধম্মা হেতুস্স অতীতাৰম্মণস্স ধম্মস্স অধিপতিপচ্চযেন পচ্চযো – আৰম্মণাধিপতি… তীণি (সংখিত্তং).

৪৯০. হেতুযা তীণি, আৰম্মণে নৱ, অধিপতিযা নৱ, অনন্তৰে নৱ, সমনন্তৰে নৱ, সহজাতে নৱ, অঞ্ঞমঞ্ঞে নৱ, নিস্সযে নৱ, উপনিস্সযে নৱ, আসেৱনে নৱ, কম্মে তীণি, ৱিপাকে নৱ, আহাৰে তীণি, ইন্দ্ৰিযে নৱ, ঝানে তীণি, মগ্গে নৱ, সম্পযুত্তে নৱ, অত্থিযা নৱ…পে… অৱিগতে নৱ (সংখিত্তং).

পচ্চনীযুদ্ধাৰো

৪৯১. হেতু অতীতাৰম্মণো ধম্মো হেতুস্স অতীতাৰম্মণস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো (সংখিত্তং).

৪৯২. নহেতুযা নৱ, নআৰম্মণে নৱ (সংখিত্তং).

হেতুপচ্চযা নআৰম্মণে তীণি (সংখিত্তং).

নহেতুপচ্চযা আৰম্মণে নৱ (সংখিত্তং).

(যথা কুসলত্তিকে পঞ্হাৱাৰস্স অনুলোমম্পি পচ্চনীযম্পি অনুলোমপচ্চনীযম্পি পচ্চনীযানুলোমম্পি গণিতং, এৱং গণেতব্বং.)