৭. পঞ্হাৱাৰো

পচ্চযচতুক্কং

হেতুপচ্চযাদি

৪৮১. হেতু পচ্চুপ্পন্নো ধম্মো হেতুস্স পচ্চুপ্পন্নস্স ধম্মস্স হেতুপচ্চযেন পচ্চযো… তীণি.

নহেতু পচ্চুপ্পন্নো ধম্মো নহেতুস্স পচ্চুপ্পন্নস্স ধম্মস্স আৰম্মণপচ্চযেন পচ্চযো… তীণি.

হেতু পচ্চুপ্পন্নো ধম্মো হেতুস্স পচ্চুপ্পন্নস্স ধম্মস্স অধিপতিপচ্চযেন পচ্চযো – সহজাতাধিপতি… তীণি.

নহেতু পচ্চুপ্পন্নো ধম্মো নহেতুস্স পচ্চুপ্পন্নস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি… তীণি.

হেতু পচ্চুপ্পন্নো ধম্মো হেতুস্স পচ্চুপ্পন্নস্স ধম্মস্স সহজাতপচ্চযেন পচ্চযো (সংখিত্তং).

৪৮২. হেতুযা তীণি, আৰম্মণে তীণি, অধিপতিযা ছ, সহজাতে নৱ, অঞ্ঞমঞ্ঞে নৱ, নিস্সযে নৱ, উপনিস্সযে নৱ, পুৰেজাতে তীণি, পচ্ছাজাতে তীণি, কম্মে তীণি, ৱিপাকে নৱ, আহাৰে তীণি, ইন্দ্ৰিযে নৱ, ঝানে তীণি, মগ্গে নৱ, সম্পযুত্তে নৱ, ৱিপ্পযুত্তে পঞ্চ, অত্থিযা নৱ, অৱিগতে নৱ (সংখিত্তং).

পচ্চনীযুদ্ধাৰো

৪৮৩. হেতু পচ্চুপ্পন্নো ধম্মো হেতুস্স পচ্চুপ্পন্নস্স ধম্মস্স সহজাতপচ্চযেন পচ্চযো (সংখিত্তং).

৪৮৪. নহেতুযা নৱ, নআৰম্মণে নৱ (সংখিত্তং).

হেতুপচ্চযা নআৰম্মণে তীণি (সংখিত্তং).

নহেতুপচ্চযা আৰম্মণে তীণি (সংখিত্তং).

(যথা কুসলত্তিকে পঞ্হাৱাৰস্স অনুলোমম্পি পচ্চনীযম্পি অনুলোমপচ্চনীযম্পি পচ্চনীযানুলোমম্পি গণিতং, এৱং গণেতব্বং. ইমম্হি দুকতিকে পটিচ্চৱাৰম্পি সহজাতৱাৰম্পি পচ্চযৱাৰম্পি নিস্সযৱাৰম্পি সংসট্ঠৱাৰম্পি সম্পযুত্তৱাৰম্পি অতীতম্পি অনাগতম্পি নত্থি.)

হেতুদুকঅতীতত্তিকং নিট্ঠিতং.