৭. পঞ্হাৱাৰো

পচ্চযচতুক্কং

হেতু-উপনিস্সযপচ্চযা

৪৭৭. হেতু উপ্পন্নো ধম্মো হেতুস্স উপ্পন্নস্স ধম্মস্স হেতুপচ্চযেন পচ্চযো… তীণি.

নহেতু উপ্পন্নো ধম্মো নহেতুস্স উপ্পন্নস্স ধম্মস্স আৰম্মণপচ্চযেন পচ্চযো… তীণি.

হেতু উপ্পন্নো ধম্মো হেতুস্স উপ্পন্নস্স ধম্মস্স অধিপতিপচ্চযেন পচ্চযো – সহজাতাধিপতি… তীণি.

নহেতু উপ্পন্নো ধম্মো নহেতুস্স উপ্পন্নস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি… তীণি.

হেতু উপ্পন্নো ধম্মো হেতুস্স উপ্পন্নস্স ধম্মস্স সহজাতপচ্চযেন পচ্চযো (সংখিত্তং).

নহেতু উপ্পন্নো ধম্মো নহেতুস্স উপ্পন্নস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, পকতূপনিস্সযো…পে…. পকতূপনিস্সযো – উপ্পন্নং উতুং উপনিস্সায ঝানং উপ্পাদেতি, ৱিপস্সনং… মগ্গং… অভিঞ্ঞং… সমাপত্তিং উপ্পাদেতি (সংখিত্তং).

৪৭৮. হেতুযা তীণি, আৰম্মণে তীণি, অধিপতিযা ছ, সহজাতে নৱ, অঞ্ঞমঞ্ঞে নৱ, নিস্সযে নৱ, উপনিস্সযে তীণি, পুৰেজাতে তীণি, পচ্ছাজাতে তীণি, কম্মে তীণি, ৱিপাকে নৱ, আহাৰে তীণি, ইন্দ্ৰিযে নৱ, ঝানে তীণি, মগ্গে নৱ, সম্পযুত্তে নৱ, ৱিপ্পযুত্তে পঞ্চ, অত্থিযা নৱ, অৱিগতে নৱ (সংখিত্তং).

পচ্চনীযুদ্ধাৰো

৪৭৯. হেতু উপ্পন্নো ধম্মো হেতুস্স উপ্পন্নস্স ধম্মস্স সহজাতপচ্চযেন পচ্চযো (সংখিত্তং).

৪৮০. নহেতুযা নৱ, নআৰম্মণে নৱ (সংখিত্তং).

হেতুপচ্চযা নআৰম্মণে তীণি (সংখিত্তং).

নহেতুপচ্চযা আৰম্মণে তীণি (সংখিত্তং).

(যথা কুসলত্তিকে পঞ্হাৱাৰস্স অনুলোমম্পি পচ্চনীযম্পি অনুলোমপচ্চনীযম্পি পচ্চনীযানুলোমম্পি গণিতং, এৱং গণেতব্বং. ইমম্হি দুকতিকে পটিচ্চৱাৰম্পি সহজাতৱাৰম্পি পচ্চযৱাৰম্পি নিস্সযৱাৰম্পি সংসট্ঠৱাৰম্পি সম্পযুত্তৱাৰম্পি অনুপ্পন্নম্পি উপ্পাদীপি নত্থি.)

হেতুদুকউপ্পন্নত্তিকং নিট্ঠিতং.