১-৬. পটিচ্চৱাৰাদি

পচ্চযচতুক্কং

হেতু-আৰম্মণপচ্চযা

৪২৯. হেতুং মিচ্ছত্তনিযতং ধম্মং পটিচ্চ হেতু মিচ্ছত্তনিযতো ধম্মো উপ্পজ্জতি হেতুপচ্চযা… তীণি.

নহেতুং মিচ্ছত্তনিযতং ধম্মং পটিচ্চ নহেতু মিচ্ছত্তনিযতো ধম্মো উপ্পজ্জতি হেতুপচ্চযা… তীণি.

হেতুং মিচ্ছত্তনিযতঞ্চ নহেতুং মিচ্ছত্তনিযতঞ্চ ধম্মং পটিচ্চ হেতু মিচ্ছত্তনিযতো ধম্মো উপ্পজ্জতি হেতুপচ্চযা… তীণি.

হেতুং মিচ্ছত্তনিযতং ধম্মং পটিচ্চ হেতু মিচ্ছত্তনিযতো ধম্মো উপ্পজ্জতি আৰম্মণপচ্চযা (সংখিত্তং).

৪৩০. হেতুযা নৱ, আৰম্মণে নৱ, অধিপতিযা নৱ, অনন্তৰে নৱ, সমনন্তৰে নৱ, সহজাতে নৱ, অঞ্ঞমঞ্ঞে নৱ, নিস্সযে নৱ, উপনিস্সযে নৱ, পুৰেজাতে নৱ, আসেৱনে নৱ, কম্মে নৱ, আহাৰে নৱ…পে… অৱিগতে নৱ (সংখিত্তং).

নঅধিপতিপচ্চযো

৪৩১. হেতুং মিচ্ছত্তনিযতং ধম্মং পটিচ্চ নহেতু মিচ্ছত্তনিযতো ধম্মো উপ্পজ্জতি নঅধিপতিপচ্চযা (সংখিত্তং).

৪৩২. নঅধিপতিযা তীণি, নপচ্ছাজাতে নৱ, নকম্মে তীণি, নৱিপাকে নৱ (সংখিত্তং).

হেতুপচ্চযা নঅধিপতিযা তীণি (সংখিত্তং).

নঅধিপতিপচ্চযা হেতুযা তীণি (সংখিত্তং).

(সহজাতৱাৰোপি পচ্চযৱাৰোপি নিস্সযৱাৰোপি সংসট্ঠৱাৰোপি সম্পযুত্তৱাৰোপি পটিচ্চৱাৰসদিসা ৱিত্থাৰেতব্বা.)