৭. পঞ্হাৱাৰো

পচ্চযচতুক্কং

হেতুপচ্চযাদি

৩৯৩. হেতু মহগ্গতাৰম্মণো ধম্মো হেতুস্স মহগ্গতাৰম্মণস্স ধম্মস্স হেতুপচ্চযেন পচ্চযো… তীণি.

হেতু মহগ্গতাৰম্মণো ধম্মো হেতুস্স মহগ্গতাৰম্মণস্স ধম্মস্স আৰম্মণপচ্চযেন পচ্চযো… নৱ.

হেতু মহগ্গতাৰম্মণো ধম্মো হেতুস্স মহগ্গতাৰম্মণস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি… তীণি.

নহেতু মহগ্গতাৰম্মণো ধম্মো নহেতুস্স মহগ্গতাৰম্মণস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি… তীণি.

হেতু মহগ্গতাৰম্মণো চ নহেতু মহগ্গতাৰম্মণো চ ধম্মা হেতুস্স মহগ্গতাৰম্মণস্স ধম্মস্স অধিপতিপচ্চযেন পচ্চযো – আৰম্মণাধিপতি… তীণি (সংখিত্তং).

৩৯৪. হেতুযা তীণি, আৰম্মণে নৱ, অধিপতিযা নৱ…পে… নিস্সযে নৱ, উপনিস্সযে নৱ, আসেৱনে নৱ, কম্মে তীণি, ৱিপাকে নৱ, আহাৰে তীণি…পে… অৱিগতে নৱ (সংখিত্তং).

পচ্চনীযুদ্ধাৰো

৩৯৫. হেতু মহগ্গতাৰম্মণো ধম্মো হেতুস্স মহগ্গতাৰম্মণস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো (সংখিত্তং).

৩৯৬. নহেতুযা নৱ, নআৰম্মণে নৱ (সংখিত্তং).

হেতুপচ্চযা নআৰম্মণে তীণি (সংখিত্তং).

নহেতুপচ্চযা আৰম্মণে নৱ (সংখিত্তং).

(যথা কুসলত্তিকে পঞ্হাৱাৰস্স অনুলোমম্পি পচ্চনীযম্পি অনুলোমপচ্চনীযম্পি পচ্চনীযানুলোমম্পি গণিতং, এৱং গণেতব্বং.)