১-৬. পটিচ্চৱাৰাদি

পচ্চযচতুক্কং

হেতুপচ্চযো

৬৭. হেতুং সুখায ৱেদনায সম্পযুত্তং ধম্মং পটিচ্চ হেতু সুখায ৱেদনায সম্পযুত্তো ধম্মো উপ্পজ্জতি হেতুপচ্চযা. হেতুং সুখায ৱেদনায সম্পযুত্তং ধম্মং পটিচ্চ নহেতু সুখায ৱেদনায সম্পযুত্তো ধম্মো উপ্পজ্জতি হেতুপচ্চযা. হেতুং সুখায ৱেদনায সম্পযুত্তং ধম্মং পটিচ্চ হেতু সুখায ৱেদনায সম্পযুত্তো চ নহেতু সুখায ৱেদনায সম্পযুত্তো চ ধম্মা উপ্পজ্জন্তি হেতুপচ্চযা. (৩)

৬৮. নহেতুং সুখায ৱেদনায সম্পযুত্তং ধম্মং পটিচ্চ নহেতু সুখায ৱেদনায সম্পযুত্তো ধম্মো উপ্পজ্জতি হেতুপচ্চযা. নহেতুং সুখায ৱেদনায সম্পযুত্তং ধম্মং পটিচ্চ হেতু সুখায ৱেদনায সম্পযুত্তো ধম্মো উপ্পজ্জতি হেতুপচ্চযা. নহেতুং সুখায ৱেদনায সম্পযুত্তং ধম্মং পটিচ্চ হেতু সুখায ৱেদনায সম্পযুত্তো চ নহেতু সুখায ৱেদনায সম্পযুত্তো চ ধম্মা উপ্পজ্জন্তি হেতুপচ্চযা. (৩)

৬৯. হেতুং সুখায ৱেদনায সম্পযুত্তঞ্চ নহেতুং সুখায ৱেদনায সম্পযুত্তঞ্চ ধম্মং পটিচ্চ হেতু সুখায ৱেদনায সম্পযুত্তো ধম্মো উপ্পজ্জতি হেতুপচ্চযা. হেতুং সুখায ৱেদনায সম্পযুত্তঞ্চ নহেতুং সুখায ৱেদনায সম্পযুত্তঞ্চ ধম্মং পটিচ্চ নহেতু সুখায ৱেদনায সম্পযুত্তো ধম্মো উপ্পজ্জতি হেতুপচ্চযা. হেতুং সুখায ৱেদনায সম্পযুত্তঞ্চ নহেতুং সুখায ৱেদনায সম্পযুত্তঞ্চ ধম্মং পটিচ্চ হেতু সুখায ৱেদনায সম্পযুত্তো চ নহেতু সুখায ৱেদনায সম্পযুত্তো চ ধম্মা উপ্পজ্জন্তি হেতুপচ্চযা. (৩) (সংখিত্তং.)

৭০. হেতুযা নৱ, আৰম্মণে নৱ, অধিপতিযা নৱ, অনন্তৰে নৱ, সমনন্তৰে নৱ, সহজাতে নৱ, অঞ্ঞমঞ্ঞে নৱ, নিস্সযে নৱ, উপনিস্সযে নৱ, পুৰেজাতে নৱ, আসেৱনে নৱ, কম্মে নৱ, ৱিপাকে নৱ, আহাৰে নৱ…পে… অৱিগতে নৱ (অনুলোমং).

নহেতু-নঅধিপতিপচ্চযা

৭১. নহেতুং সুখায ৱেদনায সম্পযুত্তং ধম্মং পটিচ্চ নহেতু সুখায ৱেদনায সম্পযুত্তো ধম্মো উপ্পজ্জতি নহেতুপচ্চযা. (১)

৭২. হেতুং সুখায ৱেদনায সম্পযুত্তং ধম্মং পটিচ্চ হেতু সুখায ৱেদনায সম্পযুত্তো ধম্মো উপ্পজ্জতি নঅধিপতিপচ্চযা. হেতুং সুখায ৱেদনায সম্পযুত্তং ধম্মং পটিচ্চ নহেতু সুখায ৱেদনায সম্পযুত্তো ধম্মো উপ্পজ্জতি নঅধিপতিপচ্চযা (সংখিত্তং).

৭৩. নহেতুযা একং, নঅধিপতিযা নৱ, নপুৰেজাতে নৱ, নপচ্ছাজাতে নৱ, নআসেৱনে নৱ, নকম্মে তীণি, নৱিপাকে নৱ, নঝানে একং, নমগ্গে একং, নৱিপ্পযুত্তে নৱ (পচ্চনীযং).

হেতুপচ্চযা নঅধিপতিযা নৱ (সংখিত্তং, অনুলোমপচ্চনীযং).

নহেতুপচ্চযা আৰম্মণে একং (সংখিত্তং, পচ্চনীযানুলোমং).

(সহজাতৱাৰোপি পচ্চযৱাৰোপি নিস্সযৱাৰোপি সংসট্ঠৱাৰোপি সম্পযুত্তৱাৰোপি পটিচ্চৱাৰসদিসা ৱিত্থাৰেতব্বা.)