১. ৱিভঙ্গৱাৰো

হেতুপচ্চযো

৩৪৯. সৰণো ধম্মো সৰণস্স ধম্মস্স হেতুপচ্চযেন পচ্চযো (অৰূপদুকসদিসং, চত্তাৰি).

আৰম্মণপচ্চযো

৩৫০. সৰণো ধম্মো সৰণস্স ধম্মস্স আৰম্মণপচ্চযেন পচ্চযো – ৰাগং অস্সাদেতি অভিনন্দতি, তং আৰব্ভ ৰাগো উপ্পজ্জতি, দিট্ঠি…পে… ৱিচিকিচ্ছা…পে… উদ্ধচ্চং…পে… দোমনস্সং উপ্পজ্জতি, দিট্ঠিং অস্সাদেতি অভিনন্দতি, তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি, ৱিচিকিচ্ছং আৰব্ভ …পে… উদ্ধচ্চং আৰব্ভ…পে… দোমনস্সং আৰব্ভ দোমনস্সং উপ্পজ্জতি, দিট্ঠি…পে… ৱিচিকিচ্ছা…পে… উদ্ধচ্চং উপ্পজ্জতি. সৰণো ধম্মো অৰণস্স ধম্মস্স আৰম্মণপচ্চযেন পচ্চযো – অৰিযা পহীনে কিলেসে…পে… ৱিক্খম্ভিতে কিলেসে…পে… পুব্বে সমুদাচিণ্ণে…পে… সৰণে খন্ধে অনিচ্চতো…পে… ৱিপস্সতি, চেতোপৰিযঞাণেন সৰণচিত্তসমঙ্গিস্স চিত্তং জানাতি. সৰণা খন্ধা চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (২)

৩৫১. অৰণো ধম্মো অৰণস্স ধম্মস্স আৰম্মণপচ্চযেন পচ্চযো; দানং…পে… সীলং…পে… উপোসথকম্মং কত্ৱা তং পচ্চৱেক্খতি, পুব্বে…পে… ঝানা…পে… অৰিযা মগ্গা ৱুট্ঠহিত্ৱা মগ্গং পচ্চৱেক্খন্তি, ফলং…পে… নিব্বানং পচ্চৱেক্খন্তি; নিব্বানং গোত্ৰভুস্স, ৱোদানস্স, মগ্গস্স, ফলস্স, আৱজ্জনায আৰম্মণপচ্চযেন পচ্চযো. চক্খুং…পে… ৱত্থুং অৰণে খন্ধে অনিচ্চতো…পে… ৱিপস্সতি, দিব্বেন চক্খুনা ৰূপং পস্সতি …পে… অনাগতংসঞাণস্স, আৱজ্জনায আৰম্মণপচ্চযেন পচ্চযো. অৰণো ধম্মো সৰণস্স ধম্মস্স আৰম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৱা তং অস্সাদেতি অভিনন্দতি, তং আৰব্ভ ৰাগো উপ্পজ্জতি…পে… পুব্বে…পে… ঝানা…পে… চক্খুং…পে… ৱত্থুং, অৰণে খন্ধে অস্সাদেতি অভিনন্দতি, তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি. (২)

অধিপতিপচ্চযো

৩৫২. সৰণো ধম্মো সৰণস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – ৰাগং গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি… দিট্ঠি উপ্পজ্জতি; দিট্ঠিং গৰুং কত্ৱা অস্সাদেতি অভিনন্দতি. সহজাতাধিপতি – সৰণাধিপতি সম্পযুত্তকানং খন্ধানং অধিপতিপচ্চযেন পচ্চযো. সৰণো ধম্মো অৰণস্স ধম্মস্স অধিপতিপচ্চযেন পচ্চযো. সহজাতাধিপতি – সৰণাধিপতি চিত্তসমুট্ঠানানং ৰূপানং অধিপতিপচ্চযেন পচ্চযো. সৰণো ধম্মো সৰণস্স চ অৰণস্স চ ধম্মস্স অধিপতিপচ্চযেন পচ্চযো. সহজাতাধিপতি – সৰণাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৩)

৩৫৩. অৰণো ধম্মো অৰণস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং…পে… সীলং …পে… উপোসথকম্মং কত্ৱা তং গৰুং কত্ৱা পচ্চৱেক্খতি, পুব্বে…পে… ঝানা…পে… অৰিযা মগ্গা ৱুট্ঠহিত্ৱা মগ্গং গৰুং কত্ৱা পচ্চৱেক্খন্তি, ফলং…পে… নিব্বানং গৰুং কত্ৱা পচ্চৱেক্খন্তি, নিব্বানং গোত্ৰভুস্স, ৱোদানস্স, মগ্গস্স, ফলস্স, অধিপতিপচ্চযেন পচ্চযো. সহজাতাধিপতি – অৰণাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. অৰণো ধম্মো সৰণস্স ধম্মস্স অধিপতিপচ্চযেন পচ্চযো. আৰম্মণাধিপতি – দানং…পে… সীলং…পে… উপোসথকম্মং কত্ৱা তং গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি… দিট্ঠি উপ্পজ্জতি; পুব্বে সুচিণ্ণানি…পে… ঝানা…পে… চক্খুং…পে… ৱত্থুং, অৰণে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি… দিট্ঠি উপ্পজ্জতি. (২)

অনন্তৰপচ্চযাদি

৩৫৪. সৰণো ধম্মো সৰণস্স ধম্মস্স অনন্তৰপচ্চযেন পচ্চযো – পুৰিমা পুৰিমা সৰণা খন্ধা পচ্ছিমানং পচ্ছিমানং সৰণানং খন্ধানং অনন্তৰপচ্চযেন পচ্চযো. সৰণো ধম্মো অৰণস্স ধম্মস্স অনন্তৰপচ্চযেন পচ্চযো – সৰণা খন্ধা ৱুট্ঠানস্স অনন্তৰপচ্চযেন পচ্চযো. (২)

৩৫৫. অৰণো ধম্মো অৰণস্স ধম্মস্স অনন্তৰপচ্চযেন পচ্চযো – পুৰিমা পুৰিমা অৰণা খন্ধা পচ্ছিমানং পচ্ছিমানং অৰণানং খন্ধানং অনন্তৰপচ্চযেন পচ্চযো; অনুলোমং গোত্ৰভুস্স…পে… ফলসমাপত্তিযা অনন্তৰপচ্চযেন পচ্চযো. অৰণো ধম্মো সৰণস্স ধম্মস্স অনন্তৰপচ্চযেন পচ্চযো – আৱজ্জনা সৰণানং খন্ধানং অনন্তৰপচ্চযেন পচ্চযো. (২)

সমনন্তৰপচ্চযেন পচ্চযো… সহজাতপচ্চযেন পচ্চযো… পঞ্চ… অঞ্ঞমঞ্ঞপচ্চযেন পচ্চযো… দ্ৱে… নিস্সযপচ্চযেন পচ্চযো… সত্ত.

উপনিস্সযপচ্চযো

৩৫৬. সৰণো ধম্মো সৰণস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – ৰাগং উপনিস্সায পাণং হনতি…পে… সঙ্ঘং ভিন্দতি; দোসং…পে… পত্থনং উপনিস্সায পাণং হনতি…পে… সঙ্ঘং ভিন্দতি, ৰাগো…পে… পত্থনা ৰাগস্স…পে… পত্থনায উপনিস্সযপচ্চযেন পচ্চযো. সৰণো ধম্মো অৰণস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – ৰাগং উপনিস্সায দানং দেতি, সীলং…পে… উপোসথকম্মং কৰোতি, ঝানং উপ্পাদেতি, ৱিপস্সনং…পে… মগ্গং…পে… অভিঞ্ঞং…পে… সমাপত্তিং উপ্পাদেতি; দোসং…পে… পত্থনং উপনিস্সায দানং দেতি…পে… সমাপত্তিং উপ্পাদেতি, ৰাগো…পে… পত্থনা সদ্ধায…পে… পঞ্ঞায… কাযিকস্স সুখস্স… কাযিকস্স দুক্খস্স… মগ্গস্স… ফলসমাপত্তিযা উপনিস্সযপচ্চযেন পচ্চযো. (২)

৩৫৭. অৰণো ধম্মো অৰণস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি…পে… সমাপত্তিং উপ্পাদেতি; সীলং…পে… পঞ্ঞং… কাযিকং সুখং… কাযিকং দুক্খং… উতুং… ভোজনং… সেনাসনং উপনিস্সায দানং দেতি…পে… সমাপত্তিং উপ্পাদেতি; সদ্ধা …পে… সেনাসনং সদ্ধায…পে… পঞ্ঞায… কাযিকস্স সুখস্স… কাযিকস্স দুক্খস্স… মগ্গস্স… ফলসমাপত্তিযা উপনিস্সযপচ্চযেন পচ্চযো. (১)

অৰণো ধম্মো সৰণস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায মানং জপ্পেতি, দিট্ঠিং গণ্হাতি; সীলং…পে… সেনাসনং উপনিস্সায পাণং হনতি…পে… সঙ্ঘং ভিন্দতি; সদ্ধা…পে… সেনাসনং ৰাগস্স…পে… পত্থনায উপনিস্সযপচ্চযেন পচ্চযো. (২)

পুৰেজাতপচ্চযাদি

৩৫৮. অৰণো ধম্মো অৰণস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অনিচ্চতো…পে… ৱিপস্সতি…পে… দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি, ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স…পে…. ৱত্থুপুৰেজাতং – চক্খাযতনং চক্খুৱিঞ্ঞাণস্স …পে… কাযাযতনং কাযৱিঞ্ঞাণস্স…পে… ৱত্থু অৰণানং খন্ধানং পুৰেজাতপচ্চযেন পচ্চযো. অৰণো ধম্মো সৰণস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অস্সাদেতি অভিনন্দতি, তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি. ৱত্থুপুৰেজাতং – ৱত্থু সৰণানং খন্ধানং পুৰেজাতপচ্চযেন পচ্চযো. (২)

পচ্ছাজাতপচ্চযেন পচ্চযো… দ্ৱে… আসেৱনপচ্চযেন পচ্চযো… দ্ৱে.

কম্মপচ্চযো

৩৫৯. সৰণো ধম্মো সৰণস্স ধম্মস্স কম্মপচ্চযেন পচ্চযো – সৰণা চেতনা সম্পযুত্তকানং খন্ধানং কম্মপচ্চযেন পচ্চযো. (মূলং কাতব্বং.) সহজাতা, নানাক্খণিকা. সহজাতা – সৰণা চেতনা চিত্তসমুট্ঠানানং ৰূপানং কম্মপচ্চযেন পচ্চযো. নানাক্খণিকা – সৰণা চেতনা ৱিপাকানং খন্ধানং কটত্তা চ ৰূপানং কম্মপচ্চযেন পচ্চযো. (মূলং কাতব্বং.) সৰণা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো. (৩)

অৰণো ধম্মো অৰণস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – (সংখিত্তং). (১)

ৱিপাকপচ্চযেন পচ্চযো… একং… আহাৰপচ্চযেন পচ্চযো… চত্তাৰি… ইন্দ্ৰিযপচ্চযেন পচ্চযো… চত্তাৰি… ঝানপচ্চযেন পচ্চযো… চত্তাৰি… মগ্গপচ্চযেন পচ্চযো… চত্তাৰি… সম্পযুত্তপচ্চযেন পচ্চযো… দ্ৱে… ৱিপ্পযুত্তপচ্চযেন পচ্চযো… তীণি (অৰূপদুকসদিসা).

অত্থিপচ্চযো

৩৬০. সৰণো ধম্মো সৰণস্স ধম্মস্স অত্থিপচ্চযেন পচ্চযো (সংখিত্তং). সৰণো ধম্মো অৰণস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং (সংখিত্তং). সৰণো ধম্মো সৰণস্স চ অৰণস্স চ ধম্মস্স অত্থিপচ্চযেন পচ্চযো (সংখিত্তং). (৩)

৩৬১. অৰণো ধম্মো অৰণস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং (সংখিত্তং). অৰণো ধম্মো সৰণস্স ধম্মস্স অত্থিপচ্চযেন পচ্চযো. পুৰেজাতং – চক্খুং …পে… ৱত্থুং অস্সাদেতি অভিনন্দতি, তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি, ৱত্থু সৰণানং খন্ধানং অত্থিপচ্চযেন পচ্চযো. (২)

সৰণো চ অৰণো চ ধম্মা সৰণস্স ধম্মস্স অত্থিপচ্চযেন পচ্চযো – সহজাতং, পুৰেজাতং (সংখিত্তং). সৰণো চ অৰণো চ ধম্মা অৰণস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহাৰং, ইন্দ্ৰিযং. সহজাতা – সৰণা খন্ধা চ মহাভূতা চ চিত্তসমুট্ঠানানং ৰূপানং অত্থিপচ্চযেন পচ্চযো. পচ্ছাজাতা – সৰণা খন্ধা চ কবড়ীকাৰো আহাৰো চ ইমস্স কাযস্স অত্থিপচ্চযেন পচ্চযো. পচ্ছাজাতা – সৰণা খন্ধা চ ৰূপজীৱিতিন্দ্ৰিযঞ্চ কটত্তাৰূপানং অত্থিপচ্চযেন পচ্চযো. (২)