৩. পচ্চযৱাৰো

১-৪. পচ্চযচতুক্কং

৩৪৭. সৰণং ধম্মং পচ্চযা সৰণো ধম্মো উপ্পজ্জতি হেতুপচ্চযা – সৰণং একং খন্ধং পচ্চযা তযো খন্ধা…পে… দ্ৱে খন্ধে…পে… (যথা অৰূপাৱচৰদুকস্স পচ্চযৱাৰোপি এৱং কাতব্বো).

হেতুযা নৱ, আৰম্মণে চত্তাৰি, অধিপতিযা নৱ…পে… অৱিগতে নৱ.

অনুলোমং.

৩৪৮. সৰণং ধম্মং পচ্চযা সৰণো ধম্মো উপ্পজ্জতি নহেতুপচ্চযা – ৱিচিকিচ্ছাসহগতে উদ্ধচ্চসহগতে খন্ধে পচ্চযা ৱিচিকিচ্ছাসহগতো উদ্ধচ্চসহগতো মোহো. (১)

অৰণং ধম্মং পচ্চযা অৰণো ধম্মো উপ্পজ্জতি নহেতুপচ্চযা – অহেতুকং অৰণং একং খন্ধং পচ্চযা তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… অহেতুকপটিসন্ধিক্খণে…পে… (যাৱ অসঞ্ঞসত্তা) চক্খাযতনং পচ্চযা চক্খুৱিঞ্ঞাণং…পে… কাযাযতনং পচ্চযা কাযৱিঞ্ঞাণং, ৱত্থুং পচ্চযা অহেতুকা খন্ধা. অৰণং ধম্মং পচ্চযা সৰণো ধম্মো উপ্পজ্জতি নহেতুপচ্চযা – ৱত্থুং পচ্চযা ৱিচিকিচ্ছাসহগতো উদ্ধচ্চসহগতো মোহো. (২)

সৰণঞ্চ অৰণঞ্চ ধম্মং পচ্চযা সৰণো ধম্মো উপ্পজ্জতি নহেতুপচ্চযা – ৱিচিকিচ্ছাসহগতে উদ্ধচ্চসহগতে খন্ধে চ ৱত্থুঞ্চ পচ্চযা ৱিচিকিচ্ছাসহগতো উদ্ধচ্চসহগতো মোহো. (১)

নহেতুযা চত্তাৰি, নআৰম্মণে তীণি, নঅধিপতিযা নৱ, নঅনন্তৰে তীণি, নসমনন্তৰে তীণি, নঅঞ্ঞমঞ্ঞে তীণি, নউপনিস্সযে তীণি, নপুৰেজাতে চত্তাৰি, নপচ্ছাজাতে নৱ, নআসেৱনে নৱ, নকম্মে চত্তাৰি, নৱিপাকে নৱ, নআহাৰে একং, নইন্দ্ৰিযে একং, নঝানে একং, নমগ্গে একং, নসম্পযুত্তে তীণি, নৱিপ্পযুত্তে দ্ৱে, নোনত্থিযা তীণি, নোৱিগতে তীণি.

পচ্চনীযং.