১. ৱিভঙ্গৱাৰো

হেতুপচ্চযো

৩১৩. নিয্যানিকো ধম্মো নিয্যানিকস্স ধম্মস্স হেতুপচ্চযেন পচ্চযো – নিয্যানিকা হেতূ সম্পযুত্তকানং খন্ধানং হেতুপচ্চযেন পচ্চযো. (মূলং কাতব্বং.) নিয্যানিকা হেতূ চিত্তসমুট্ঠানানং ৰূপানং হেতুপচ্চযেন পচ্চযো. (মূলং কাতব্বং.) নিয্যানিকা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (৩)

অনিয্যানিকো ধম্মো অনিয্যানিকস্স ধম্মস্স হেতুপচ্চযেন পচ্চযো – অনিয্যানিকা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো; পটিসন্ধিক্খণে…পে…. (১)

আৰম্মণপচ্চযো

৩১৪. নিয্যানিকো ধম্মো অনিয্যানিকস্স ধম্মস্স আৰম্মণপচ্চযেন পচ্চযো – অৰিযা মগ্গা ৱুট্ঠহিত্ৱা মগ্গং পচ্চৱেক্খন্তি, চেতোপৰিযঞাণেন নিয্যানিকচিত্তসমঙ্গিস্স চিত্তং জানাতি, নিয্যানিকা খন্ধা চেতোপৰিযঞাণস্স, পুব্বেনিৱাসানুস্সতিঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

অনিয্যানিকো ধম্মো অনিয্যানিকস্স ধম্মস্স আৰম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৱা তং পচ্চৱেক্খতি অস্সাদেতি অভিনন্দতি, তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি; পুব্বে সুচিণ্ণানি…পে… ঝানা…পে… অৰিযা ফলং পচ্চৱেক্খন্তি, নিব্বানং পচ্চৱেক্খন্তি, নিব্বানং গোত্ৰভুস্স, ৱোদানস্স, ফলস্স, আৱজ্জনায আৰম্মণপচ্চযেন পচ্চযো; অৰিযা পহীনে কিলেসে…পে… ৱিক্খম্ভিতে…পে… পুব্বে সমুদাচিণ্ণে…পে… চক্খুং…পে… ৱত্থুং অনিয্যানিকে খন্ধে অনিচ্চতো…পে… দোমনস্সং উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি, চেতোপৰিযঞাণেন অনিয্যানিকচিত্তসমঙ্গিস্স চিত্তং জানাতি, আকাসানঞ্চাযতনং ৱিঞ্ঞাণঞ্চাযতনস্স…পে… আকিঞ্চঞ্ঞাযতনং নেৱসঞ্ঞানাসঞ্ঞাযতনস্স…পে… ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স…পে… অনিয্যানিকা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো.

অনিয্যানিকো ধম্মো নিয্যানিকস্স ধম্মস্স আৰম্মণপচ্চযেন পচ্চযো – নিব্বানং মগ্গস্স আৰম্মণপচ্চযেন পচ্চযো. (২)

অধিপতিপচ্চযো

৩১৫. নিয্যানিকো ধম্মো নিয্যানিকস্স ধম্মস্স অধিপতিপচ্চযেন পচ্চযো. সহজাতাধিপতি – নিয্যানিকাধিপতি সম্পযুত্তকানং খন্ধানং অধিপতিপচ্চযেন পচ্চযো. নিয্যানিকো ধম্মো অনিয্যানিকস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – অৰিযা মগ্গা ৱুট্ঠহিত্ৱা মগ্গং গৰুং কত্ৱা পচ্চৱেক্খন্তি. সহজাতাধিপতি – নিয্যানিকাধিপতি চিত্তসমুট্ঠানানং ৰূপানং অধিপতিপচ্চযেন পচ্চযো. (মূলং কাতব্বং.) নিয্যানিকাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৩)

৩১৬. অনিয্যানিকো ধম্মো অনিয্যানিকস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং…পে… সীলং…পে… উপোসথকম্মং কত্ৱা তং গৰুং কত্ৱা পচ্চৱেক্খতি অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি, পুব্বে সুচিণ্ণানি…পে… ঝানা ৱুট্ঠহিত্ৱা…পে… অৰিযা ফলং গৰুং কত্ৱা পচ্চৱেক্খন্তি, নিব্বানং গৰুং কত্ৱা পচ্চৱেক্খন্তি, নিব্বানং গোত্ৰভুস্স, ৱোদানস্স, ফলস্স অধিপতিপচ্চযেন পচ্চযো; চক্খুং…পে… ৱত্থুং অনিয্যানিকে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. সহজাতাধিপতি – অনিয্যানিকাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. অনিয্যানিকো ধম্মো নিয্যানিকস্স ধম্মস্স অধিপতিপচ্চযেন পচ্চযো. আৰম্মণাধিপতি – নিব্বানং মগ্গস্স অধিপতিপচ্চযেন পচ্চযো. (২)

অনন্তৰপচ্চযাদি

৩১৭. নিয্যানিকো ধম্মো অনিয্যানিকস্স ধম্মস্স অনন্তৰপচ্চযেন পচ্চযো – মগ্গো ফলস্স অনন্তৰপচ্চযেন পচ্চযো. (১)

অনিয্যানিকো ধম্মো অনিয্যানিকস্স ধম্মস্স অনন্তৰপচ্চযেন পচ্চযো – পুৰিমা পুৰিমা অনিয্যানিকা খন্ধা পচ্ছিমানং পচ্ছিমানং অনিয্যানিকানং খন্ধানং অনন্তৰপচ্চযেন পচ্চযো; অনুলোমং গোত্ৰভুস্স… অনুলোমং ৱোদানস্স… ফলং ফলস্স… অনুলোমং ফলসমাপত্তিযা … নিৰোধা ৱুট্ঠহন্তস্স নেৱসঞ্ঞানাসঞ্ঞাযতনং ফলসমাপত্তিযা অনন্তৰপচ্চযেন পচ্চযো. অনিয্যানিকো ধম্মো নিয্যানিকস্স ধম্মস্স অনন্তৰপচ্চযেন পচ্চযো… গোত্ৰভু মগ্গস্স; ৱোদানং মগ্গস্স অনন্তৰপচ্চযেন পচ্চযো. (২)

সমনন্তৰপচ্চযেন পচ্চযো… সহজাতপচ্চযেন পচ্চযো… পঞ্চ… অঞ্ঞমঞ্ঞপচ্চযেন পচ্চযো… দ্ৱে… নিস্সযপচ্চযেন পচ্চযো… সত্ত.

উপনিস্সযপচ্চযো

৩১৮. নিয্যানিকো ধম্মো নিয্যানিকস্স ধম্মস্স উপনিস্সযপচ্চযেন পচ্চযো. পকতূপনিস্সযো – পঠমো মগ্গো দুতিযস্স মগ্গস্স উপনিস্সযপচ্চযেন পচ্চযো…পে… ততিযো মগ্গো চতুত্থস্স মগ্গস্স উপনিস্সযপচ্চযেন পচ্চযো. নিয্যানিকো ধম্মো অনিয্যানিকস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – অৰিযা মগ্গং উপনিস্সায অনুপ্পন্নং সমাপত্তিং উপ্পাদেন্তি, উপ্পন্নং সমাপজ্জন্তি, সঙ্খাৰে অনিচ্চতো…পে… ৱিপস্সন্তি, মগ্গো অৰিযানং অত্থপটিসম্ভিদায…পে… পটিভানপটিসম্ভিদায ঠানাঠানকোসল্লস্স উপনিস্সযপচ্চযেন পচ্চযো, মগ্গো ফলসমাপত্তিযা উপনিস্সযপচ্চযেন পচ্চযো. (২)

৩১৯. অনিয্যানিকো ধম্মো অনিয্যানিকস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – অনিয্যানিকং সদ্ধং উপনিস্সায দানং দেতি, সীলং…পে… উপোসথকম্মং কৰোতি, ঝানং উপ্পাদেতি… ৱিপস্সনং… অভিঞ্ঞং… সমাপত্তিং উপ্পাদেতি… মানং জপ্পেতি… দিট্ঠিং গণ্হাতি; অনিয্যানিকং সীলং…পে… পঞ্ঞং… ৰাগং…পে… পত্থনং… উতুং… ভোজনং… সেনাসনং উপনিস্সায দানং দেতি…পে… সমাপত্তিং উপ্পাদেতি, পাণং হনতি…পে… সঙ্ঘং ভিন্দতি; অনিয্যানিকা সদ্ধা…পে… সেনাসনং অনিয্যানিকায সদ্ধায…পে… পত্থনায… কাযিকস্স সুখস্স… কাযিকস্স দুক্খস্স… ফলসমাপত্তিযা উপনিস্সযপচ্চযেন পচ্চযো. অনিয্যানিকো ধম্মো নিয্যানিকস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – পঠমস্স মগ্গস্স পৰিকম্মং পঠমস্স মগ্গস্স উপনিস্সযপচ্চযেন পচ্চযো…পে… চতুত্থস্স মগ্গস্স পৰিকম্মং চতুত্থস্স মগ্গস্স উপনিস্সযপচ্চযেন পচ্চযো. (২)

পুৰেজাতপচ্চযাদি

৩২০. অনিয্যানিকো ধম্মো অনিয্যানিকস্স ধম্মস্স পুৰেজাতপচ্চযেন পচ্চযো… দ্ৱে (অৰূপদুকসদিসা কাতব্বা)… পচ্ছাজাতপচ্চযেন পচ্চযো… দ্ৱে… আসেৱনপচ্চযেন পচ্চযো… দ্ৱে.

কম্মপচ্চযো

৩২১. নিয্যানিকো ধম্মো নিয্যানিকস্স ধম্মস্স কম্মপচ্চযেন পচ্চযো – নিয্যানিকা চেতনা সম্পযুত্তকানং খন্ধানং কম্মপচ্চযেন পচ্চযো. নিয্যানিকো ধম্মো অনিয্যানিকস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – নিয্যানিকা চেতনা চিত্তসমুট্ঠানানং ৰূপানং কম্মপচ্চযেন পচ্চযো. নানাক্খণিকা – নিয্যানিকা চেতনা ফলস্স কম্মপচ্চযেন পচ্চযো. (মূলং কাতব্বং) নিয্যানিকা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো. (৩)

৩২২. অনিয্যানিকো ধম্মো অনিয্যানিকস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা (সংখিত্তং). নানাক্খণিকা – অনিয্যানিকা চেতনা ৱিপাকানং খন্ধানং কটত্তা চ ৰূপানং কম্মপচ্চযেন পচ্চযো… ৱিপাকপচ্চযেন পচ্চযো… একংযেৱ… আহাৰপচ্চযেন পচ্চযো… চত্তাৰি… ইন্দ্ৰিযপচ্চযেন পচ্চযো… চত্তাৰি… ঝানপচ্চযেন পচ্চযো… চত্তাৰি… মগ্গপচ্চযেন পচ্চযো… চত্তাৰি… সম্পযুত্তপচ্চযেন পচ্চযো… দ্ৱে… ৱিপ্পযুত্তপচ্চযেন পচ্চযো… তীণি (অৰূপদুকসদিসা কাতব্বা)… অত্থিপচ্চযেন পচ্চযো… সত্ত (অৰূপদুকসদিসা কাতব্বা, আমসনা নানাপদাযেৱ)… নত্থিপচ্চযেন পচ্চযো… তীণি… ৱিগতপচ্চযেন পচ্চযো… তীণি… অৱিগতপচ্চযেন পচ্চযো… সত্ত.