১. ৱিভঙ্গৱাৰো

নহেতু-নআৰম্মণপচ্চযা

৩০২. অনিয্যানিকং ধম্মং পটিচ্চ অনিয্যানিকো ধম্মো উপ্পজ্জতি নহেতুপচ্চযা – অহেতুকং অনিয্যানিকং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… অহেতুকপটিসন্ধিক্খণে…পে… খন্ধে পটিচ্চ ৱত্থু, ৱত্থুং পটিচ্চ খন্ধা, একং মহাভূতং…পে… (যাৱ অসঞ্ঞসত্তা) ৱিচিকিচ্ছাসহগতে উদ্ধচ্চসহগতে খন্ধে পটিচ্চ ৱিচিকিচ্ছাসহগতো উদ্ধচ্চসহগতো মোহো. (১) নআৰম্মণপচ্চযা… তীণি.

নঅধিপতিপচ্চযাদি

৩০৩. নিয্যানিকং ধম্মং পটিচ্চ নিয্যানিকো ধম্মো উপ্পজ্জতি নঅধিপতিপচ্চযা – নিয্যানিকে খন্ধে পটিচ্চ নিয্যানিকাধিপতি. (১)

অনিয্যানিকং ধম্মং পটিচ্চ অনিয্যানিকো ধম্মো উপ্পজ্জতি নঅধিপতিপচ্চযা – অনিয্যানিকং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… পটিসন্ধিক্খণে…পে… (যাৱ অসঞ্ঞসত্তা কাতব্বা). (১)

নঅনন্তৰপচ্চযা… নসমনন্তৰপচ্চযা… নঅঞ্ঞমঞ্ঞপচ্চযা…পে….

নপুৰেজাতপচ্চযো

৩০৪. নিয্যানিকং ধম্মং পটিচ্চ নিয্যানিকো ধম্মো উপ্পজ্জতি নপুৰেজাতপচ্চযা – অৰূপে নিয্যানিকং একং খন্ধং…পে…. নিয্যানিকং ধম্মং পটিচ্চ অনিয্যানিকো ধম্মো উপ্পজ্জতি নপুৰেজাতপচ্চযা – নিয্যানিকে খন্ধে পটিচ্চ চিত্তসমুট্ঠানং ৰূপং. (২)

অনিয্যানিকং ধম্মং পটিচ্চ অনিয্যানিকো ধম্মো উপ্পজ্জতি নপুৰেজাতপচ্চযা – অৰূপে অনিয্যানিকং একং খন্ধং পটিচ্চ তযো খন্ধা…পে… দ্ৱে খন্ধে…পে… অনিয্যানিকে খন্ধে পটিচ্চ চিত্তসমুট্ঠানং ৰূপং; পটিসন্ধিক্খণে…পে… (যাৱ অসঞ্ঞসত্তা). (১)

নিয্যানিকঞ্চ অনিয্যানিকঞ্চ ধম্মং পটিচ্চ অনিয্যানিকো ধম্মো উপ্পজ্জতি নপুৰেজাতপচ্চযা – নিয্যানিকে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)