১. ৱিভঙ্গৱাৰো

নহেতুপচ্চযো

২৪০. নৰূপাৱচৰং ধম্মং পচ্চযা নৰূপাৱচৰো ধম্মো উপ্পজ্জতি নহেতুপচ্চযা – অহেতুকং নৰূপাৱচৰং একং খন্ধং পচ্চযা তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… অহেতুকপটিসন্ধিক্খণে…পে… (যাৱ অসঞ্ঞসত্তা) চক্খাযতনং পচ্চযা চক্খুৱিঞ্ঞাণং…পে… কাযাযতনং পচ্চযা কাযৱিঞ্ঞাণং, ৱত্থুং পচ্চযা অহেতুকা নৰূপাৱচৰা খন্ধা, ৱিচিকিচ্ছাসহগতে উদ্ধচ্চসহগতে খন্ধে চ ৱত্থুঞ্চ পচ্চযা ৱিচিকিচ্ছাসহগতো উদ্ধচ্চসহগতো মোহো. (১) (সংখিত্তং.)

নঅধিপতিপচ্চযো

২৪১. ৰূপাৱচৰং ধম্মং পচ্চযা ৰূপাৱচৰো ধম্মো উপ্পজ্জতি নঅধিপতিপচ্চযা… তীণি (পটিচ্চৱাৰসদিসং).

নৰূপাৱচৰং ধম্মং পচ্চযা নৰূপাৱচৰো ধম্মো উপ্পজ্জতি নঅধিপতিপচ্চযা (পটিচ্চৱাৰসদিসং). নৰূপাৱচৰং ধম্মং পচ্চযা ৰূপাৱচৰো ধম্মো উপ্পজ্জতি নঅধিপতিপচ্চযা – ৱত্থুং পচ্চযা ৰূপাৱচৰাধিপতি, ৱত্থুং পচ্চযা ৱিপাকা ৰূপাৱচৰা খন্ধা; পটিসন্ধিক্খণে…পে…. নৰূপাৱচৰং ধম্মং পচ্চযা ৰূপাৱচৰো চ নৰূপাৱচৰো চ ধম্মা উপ্পজ্জন্তি নঅধিপতিপচ্চযা – ৱত্থুং পচ্চযা ৱিপাকা ৰূপাৱচৰা খন্ধা, মহাভূতে পচ্চযা চিত্তসমুট্ঠানং ৰূপং; পটিসন্ধিক্খণে…পে…. (৩)

২৪২. ৰূপাৱচৰঞ্চ নৰূপাৱচৰঞ্চ ধম্মং পচ্চযা ৰূপাৱচৰো ধম্মো উপ্পজ্জতি নঅধিপতিপচ্চযা – ৰূপাৱচৰে খন্ধে চ ৱত্থুঞ্চ পচ্চযা ৰূপাৱচৰাধিপতি, ৱিপাকং ৰূপাৱচৰং একং খন্ধঞ্চ ৱত্থুঞ্চ পচ্চযা তযো খন্ধা…পে… দ্ৱে খন্ধে চ…পে… পটিসন্ধিক্খণে ৰূপাৱচৰং একং খন্ধঞ্চ ৱত্থুঞ্চ পচ্চযা তযো খন্ধা…পে… দ্ৱে খন্ধে চ…পে…. ৰূপাৱচৰঞ্চ নৰূপাৱচৰঞ্চ ধম্মং পচ্চযা নৰূপাৱচৰো ধম্মো উপ্পজ্জতি নঅধিপতিপচ্চযা – ৱিপাকে ৰূপাৱচৰে খন্ধে চ মহাভূতে চ পচ্চযা চিত্তসমুট্ঠানং ৰূপং; পটিসন্ধিক্খণে…পে…. ৰূপাৱচৰঞ্চ নৰূপাৱচৰঞ্চ ধম্মং পচ্চযা ৰূপাৱচৰো চ নৰূপাৱচৰো চ ধম্মা উপ্পজ্জন্তি নঅধিপতিপচ্চযা – ৱিপাকং ৰূপাৱচৰং একং খন্ধঞ্চ ৱত্থুঞ্চ পচ্চযা তযো খন্ধা…পে… দ্ৱে খন্ধে চ…পে… ৱিপাকে ৰূপাৱচৰে খন্ধে চ মহাভূতে চ পচ্চযা চিত্তসমুট্ঠানং ৰূপং; পটিসন্ধিক্খণে…পে…. (৩) (সংখিত্তং.)