১. ৱিভঙ্গৱাৰো

হেতুপচ্চযো

২৩৭. ৰূপাৱচৰং ধম্মং পচ্চযা ৰূপাৱচৰো ধম্মো উপ্পজ্জতি হেতুপচ্চযা… তীণি (পটিচ্চসদিসং).

নৰূপাৱচৰং ধম্মং পচ্চযা নৰূপাৱচৰো ধম্মো উপ্পজ্জতি হেতুপচ্চযা – নৰূপাৱচৰং একং খন্ধং পচ্চযা তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… (যাৱ অজ্ঝত্তিকং মহাভূতং) ৱত্থুং পচ্চযা নৰূপাৱচৰা খন্ধা. নৰূপাৱচৰং ধম্মং পচ্চযা ৰূপাৱচৰো ধম্মো উপ্পজ্জতি হেতুপচ্চযা – ৱত্থুং পচ্চযা ৰূপাৱচৰা খন্ধা; পটিসন্ধিক্খণে…পে…. নৰূপাৱচৰং ধম্মং পচ্চযা ৰূপাৱচৰো চ নৰূপাৱচৰো চ ধম্মা উপ্পজ্জন্তি হেতুপচ্চযা – ৱত্থুং পচ্চযা ৰূপাৱচৰা খন্ধা, মহাভূতে পচ্চযা চিত্তসমুট্ঠানং ৰূপং; পটিসন্ধিক্খণে…পে…. (৩)

২৩৮. ৰূপাৱচৰঞ্চ নৰূপাৱচৰঞ্চ ধম্মং পচ্চযা ৰূপাৱচৰো ধম্মো উপ্পজ্জতি হেতুপচ্চযা – ৰূপাৱচৰং একং খন্ধঞ্চ ৱত্থুঞ্চ পচ্চযা তযো খন্ধা…পে… দ্ৱে খন্ধে চ…পে… পটিসন্ধিক্খণে…পে…. ৰূপাৱচৰঞ্চ নৰূপাৱচৰঞ্চ ধম্মং পচ্চযা নৰূপাৱচৰো ধম্মো উপ্পজ্জতি হেতুপচ্চযা – ৰূপাৱচৰে খন্ধে চ মহাভূতে চ পচ্চযা চিত্তসমুট্ঠানং ৰূপং; পটিসন্ধিক্খণে…পে…. ৰূপাৱচৰঞ্চ নৰূপাৱচৰঞ্চ ধম্মং পচ্চযা ৰূপাৱচৰো চ নৰূপাৱচৰো চ ধম্মা উপ্পজ্জন্তি হেতুপচ্চযা – ৰূপাৱচৰং একং খন্ধঞ্চ ৱত্থুঞ্চ পচ্চযা তযো খন্ধা…পে… দ্ৱে খন্ধে চ…পে… ৰূপাৱচৰে খন্ধে চ মহাভূতে চ পচ্চযা চিত্তসমুট্ঠানং ৰূপং; পটিসন্ধিক্খণে…পে…. (৩) (সংখিত্তং.)