১. ৱিভঙ্গৱাৰো

নহেতু-নআৰম্মণপচ্চযা

২৩০. নৰূপাৱচৰং ধম্মং পটিচ্চ নৰূপাৱচৰো ধম্মো উপ্পজ্জতি নহেতুপচ্চযা – অহেতুকং নৰূপাৱচৰং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… অহেতুকপটিসন্ধিক্খণে…পে… খন্ধে পটিচ্চ ৱত্থু, ৱত্থুং পটিচ্চ খন্ধা, একং মহাভূতং…পে… (যাৱ অসঞ্ঞসত্তা) ৱিচিকিচ্ছাসহগতে উদ্ধচ্চসহগতে খন্ধে পটিচ্চ ৱিচিকিচ্ছাসহগতো উদ্ধচ্চসহগতো মোহো. (১)

নআৰম্মণপচ্চযা… তীণি.

নঅধিপতিপচ্চযাদি

২৩১. ৰূপাৱচৰং ধম্মং পটিচ্চ ৰূপাৱচৰো ধম্মো উপ্পজ্জতি নঅধিপতিপচ্চযা – ৰূপাৱচৰে খন্ধে পটিচ্চ ৰূপাৱচৰাধিপতি ৱিপাকং, ৰূপাৱচৰং একং খন্ধং পটিচ্চ তযো খন্ধা…পে… দ্ৱে খন্ধে…পে… পটিসন্ধিক্খণে…পে…. ৰূপাৱচৰং ধম্মং পটিচ্চ নৰূপাৱচৰো ধম্মো উপ্পজ্জতি নঅধিপতিপচ্চযা – ৱিপাকে ৰূপাৱচৰে খন্ধে পটিচ্চ চিত্তসমুট্ঠানং ৰূপং; পটিসন্ধিক্খণে…পে…. ৰূপাৱচৰং ধম্মং পটিচ্চ ৰূপাৱচৰো চ নৰূপাৱচৰো চ ধম্মা উপ্পজ্জন্তি নঅধিপতিপচ্চযা – ৱিপাকং ৰূপাৱচৰং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… পটিসন্ধিক্খণে…পে…. (৩)

নৰূপাৱচৰং ধম্মং পটিচ্চ নৰূপাৱচৰো ধম্মো উপ্পজ্জতি নঅধিপতিপচ্চযা – নৰূপাৱচৰং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… তীণি. (নকামাৱচৰং পটিচ্চৱাৰসদিসং নিন্নানং, ইধ সব্বে মহাভূতা কাতব্বা.) (৩)

২৩২. ৰূপাৱচৰঞ্চ নৰূপাৱচৰঞ্চ ধম্মং পটিচ্চ ৰূপাৱচৰো ধম্মো উপ্পজ্জতি নঅধিপতিপচ্চযা – পটিসন্ধিক্খণে ৰূপাৱচৰং একং খন্ধঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে চ…পে…. ৰূপাৱচৰঞ্চ নৰূপাৱচৰঞ্চ ধম্মং পটিচ্চ নৰূপাৱচৰো ধম্মো উপ্পজ্জতি নঅধিপতিপচ্চযা – ৱিপাকে ৰূপাৱচৰে খন্ধে চ মহাভূতে চ পটিচ্চ চিত্তসমুট্ঠানং ৰূপং; পটিসন্ধিক্খণে…পে…. ৰূপাৱচৰঞ্চ নৰূপাৱচৰঞ্চ ধম্মং পটিচ্চ ৰূপাৱচৰো চ নৰূপাৱচৰো চ ধম্মা উপ্পজ্জন্তি নঅধিপতিপচ্চযা – পটিসন্ধিক্খণে ৰূপাৱচৰং একং খন্ধঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে চ…পে… ৰূপাৱচৰে খন্ধে চ মহাভূতে চ পটিচ্চ কটত্তাৰূপং. (৩) নঅনন্তৰপচ্চযা…পে… নউপনিস্সযপচ্চযা.

নপুৰেজাতপচ্চযাদি

২৩৩. ৰূপাৱচৰং ধম্মং পটিচ্চ ৰূপাৱচৰো ধম্মো উপ্পজ্জতি নপুৰেজাতপচ্চযা – পটিসন্ধিক্খণে ৰূপাৱচৰং একং খন্ধং পটিচ্চ তযো খন্ধা…পে… দ্ৱে খন্ধে…পে…. ৰূপাৱচৰং ধম্মং পটিচ্চ নৰূপাৱচৰো ধম্মো উপ্পজ্জতি নপুৰেজাতপচ্চযা – ৰূপাৱচৰে খন্ধে পটিচ্চ চিত্তসমুট্ঠানং ৰূপং; পটিসন্ধিক্খণে…পে…. ৰূপাৱচৰং ধম্মং পটিচ্চ ৰূপাৱচৰো চ নৰূপাৱচৰো চ ধম্মা উপ্পজ্জন্তি নপুৰেজাতপচ্চযা – পটিসন্ধিক্খণে ৰূপাৱচৰং একং খন্ধং পটিচ্চ তযো খন্ধা কটত্তা চ ৰূপং…পে… দ্ৱে খন্ধে…পে…. (৩)

নৰূপাৱচৰং ধম্মং পটিচ্চ নৰূপাৱচৰো ধম্মো উপ্পজ্জতি নপুৰেজাতপচ্চযা – অৰূপে নৰূপাৱচৰং একং খন্ধং পটিচ্চ তযো খন্ধা…পে… দ্ৱে খন্ধে…পে… নৰূপাৱচৰে খন্ধে পটিচ্চ চিত্তসমুট্ঠানং ৰূপং; পটিসন্ধিক্খণে…পে… (যাৱ অসঞ্ঞসত্তা, ইতৰে পঞ্চপি পঞ্হা, অনুলোমং কাতব্বং) নপচ্ছাজাতপচ্চযা… নৱ.

নআসেৱনপচ্চযাদি

২৩৪. ৰূপাৱচৰং ধম্মং পটিচ্চ ৰূপাৱচৰো ধম্মো উপ্পজ্জতি নআসেৱনপচ্চযা – ৱিপাকং ৰূপাৱচৰং একং খন্ধং পটিচ্চ তযো খন্ধা…পে… দ্ৱে খন্ধে…পে… পটিসন্ধিক্খণে…পে…. ৰূপাৱচৰং ধম্মং পটিচ্চ নৰূপাৱচৰো ধম্মো উপ্পজ্জতি নআসেৱনপচ্চযা – ৰূপাৱচৰে খন্ধে পটিচ্চ চিত্তসমুট্ঠানং ৰূপং; পটিসন্ধিক্খণে…পে…. ৰূপাৱচৰং ধম্মং পটিচ্চ ৰূপাৱচৰো চ নৰূপাৱচৰো চ ধম্মা উপ্পজ্জন্তি নআসেৱনপচ্চযা – ৱিপাকং ৰূপাৱচৰং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… পটিসন্ধিক্খণে …পে…. (৩)

নৰূপাৱচৰং ধম্মং পটিচ্চ নৰূপাৱচৰো ধম্মো উপ্পজ্জতি নআসেৱনপচ্চযা… তীণি.

ৰূপাৱচৰঞ্চ নৰূপাৱচৰঞ্চ ধম্মং পটিচ্চ ৰূপাৱচৰো ধম্মো উপ্পজ্জতি নআসেৱনপচ্চযা (সংখিত্তং. মূলং. ইতৰেপি পঞ্হা কাতব্বা)… নকম্মপচ্চযা… দ্ৱে…পে… নসম্পযুত্তপচ্চযা.

২৩৫. নৰূপাৱচৰং ধম্মং পটিচ্চ নৰূপাৱচৰো ধম্মো উপ্পজ্জতি নৱিপ্পযুত্তপচ্চযা – অৰূপে নৰূপাৱচৰং একং খন্ধং পটিচ্চ তযো খন্ধা…পে… দ্ৱে খন্ধে…পে… বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং…পে… (সংখিত্তং).