১. ৱিভঙ্গৱাৰো

হেতুপচ্চযো

২০৬. কামাৱচৰো ধম্মো কামাৱচৰস্স ধম্মস্স হেতুপচ্চযেন পচ্চযো – কামাৱচৰা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো; পটিসন্ধিক্খণে…পে…. (১)

নকামাৱচৰো ধম্মো নকামাৱচৰস্স ধম্মস্স হেতুপচ্চযেন পচ্চযো – নকামাৱচৰা হেতূ সম্পযুত্তকানং খন্ধানং হেতুপচ্চযেন পচ্চযো; পটিসন্ধিক্খণে…পে…. নকামাৱচৰো ধম্মো কামাৱচৰস্স ধম্মস্স হেতুপচ্চযেন পচ্চযো – নকামাৱচৰা হেতূ চিত্তসমুট্ঠানানং ৰূপানং হেতুপচ্চযেন পচ্চযো; পটিসন্ধিক্খণে…পে…. (মূলং কাতব্বং.) নকামাৱচৰা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো; পটিসন্ধিক্খণে…পে…. (৩)

আৰম্মণপচ্চযো

২০৭. কামাৱচৰো ধম্মো কামাৱচৰস্স ধম্মস্স আৰম্মণপচ্চযেন পচ্চযো – দানং দত্ৱা সীলং…পে… উপোসথকম্মং…পে… পুব্বে সুচিণ্ণানি পচ্চৱেক্খতি অস্সাদেতি অভিনন্দতি, তং আৰব্ভ ৰাগো…পে… দোমনস্সং উপ্পজ্জতি; অৰিযা গোত্ৰভুং পচ্চৱেক্খন্তি, ৱোদানং পচ্চৱেক্খন্তি; পহীনে কিলেসে…পে… ৱিক্খম্ভিতে কিলেসে…পে… পুব্বে সুচিণ্ণানি…পে… চক্খুং…পে… ৱত্থুং কামাৱচৰে খন্ধে অনিচ্চতো…পে… দোমনস্সং উপ্পজ্জতি; ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স আৰম্মণপচ্চযেন পচ্চযো. (১)

কামাৱচৰো ধম্মো নকামাৱচৰস্স ধম্মস্স আৰম্মণপচ্চযেন পচ্চযো – দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি, চেতোপৰিযঞাণেন কামাৱচৰচিত্তসমঙ্গিস্স চিত্তং জানাতি, কামাৱচৰা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স আৰম্মণপচ্চযেন পচ্চযো. (২)

২০৮. নকামাৱচৰো ধম্মো নকামাৱচৰস্স ধম্মস্স আৰম্মণপচ্চযেন পচ্চযো – নিব্বানং মগ্গস্স, ফলস্স আৰম্মণপচ্চযেন পচ্চযো; চেতোপৰিযঞাণেন নকামাৱচৰচিত্তসমঙ্গিস্স চিত্তং জানাতি, আকাসানঞ্চাযতনং ৱিঞ্ঞাণঞ্চাযতনস্স…পে… আকিঞ্চঞ্ঞাযতনং নেৱসঞ্ঞানাসঞ্ঞাযতনস্স…পে… নকামাৱচৰা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স আৰম্মণপচ্চযেন পচ্চযো. (১)

নকামাৱচৰো ধম্মো কামাৱচৰস্স ধম্মস্স আৰম্মণপচ্চযেন পচ্চযো – ঝানা ৱুট্ঠহিত্ৱা ঝানং পচ্চৱেক্খতি অস্সাদেতি অভিনন্দতি, তং আৰব্ভ ৰাগো উপ্পজ্জতি, দিট্ঠি উপ্পজ্জতি…পে… অৰিযা মগ্গা ৱুট্ঠহিত্ৱা মগ্গং পচ্চৱেক্খন্তি; ফলং…পে… নিব্বানং পচ্চৱেক্খন্তি, নিব্বানং গোত্ৰভুস্স, ৱোদানস্স, আৱজ্জনায আৰম্মণপচ্চযেন পচ্চযো; আকাসানঞ্চাযতনং পচ্চৱেক্খতি, ৱিঞ্ঞাণঞ্চাযতনং পচ্চৱেক্খতি, আকিঞ্চঞ্ঞাযতনং পচ্চৱেক্খতি, নেৱসঞ্ঞানাসঞ্ঞাযতনং পচ্চৱেক্খতি, দিব্বং চক্খুং পচ্চৱেক্খতি, দিব্বং সোতধাতুং পচ্চৱেক্খতি, ইদ্ধিৱিধঞাণং পচ্চৱেক্খতি, চেতোপৰিযঞাণং…পে… পুব্বেনিৱাসানুস্সতিঞাণং…পে… যথাকম্মূপগঞাণং…পে… অনাগতংসঞাণং পচ্চৱেক্খতি, নকামাৱচৰে খন্ধে অনিচ্চতো…পে… দোমনস্সং উপ্পজ্জতি. (২)

অধিপতিপচ্চযো

২০৯. কামাৱচৰো ধম্মো কামাৱচৰস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং…পে… সীলং…পে… উপোসথকম্মং…পে… পুব্বে সুচিণ্ণানি গৰুং কত্ৱা পচ্চৱেক্খতি অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি, সেক্খা গোত্ৰভুং গৰুং কত্ৱা পচ্চৱেক্খন্তি, ৱোদানং গৰুং কত্ৱা পচ্চৱেক্খন্তি, চক্খুং…পে… ৱত্থুং কামাৱচৰে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. সহজাতাধিপতি – কামাৱচৰাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (১)

২১০. নকামাৱচৰো ধম্মো নকামাৱচৰস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – নিব্বানং মগ্গস্স, ফলস্স অধিপতিপচ্চযেন পচ্চযো. সহজাতাধিপতি – নকামাৱচৰাধিপতি সম্পযুত্তকানং খন্ধানং অধিপতিপচ্চযেন পচ্চযো. নকামাৱচৰো ধম্মো কামাৱচৰস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – ঝানা ৱুট্ঠহিত্ৱা ঝানং গৰুং কত্ৱা পচ্চৱেক্খতি অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি, অৰিযা মগ্গা ৱুট্ঠহিত্ৱা মগ্গং গৰুং কত্ৱা পচ্চৱেক্খন্তি, ফলং…পে… নিব্বানং গৰুং কত্ৱা পচ্চৱেক্খন্তি, নিব্বানং গোত্ৰভুস্স, ৱোদানস্স অধিপতিপচ্চযেন পচ্চযো; আকাসানঞ্চাযতনং গৰুং কত্ৱা পচ্চৱেক্খতি ৱিঞ্ঞাণঞ্চাযতনং…পে… আকিঞ্চঞ্ঞাযতনং…পে… নেৱসঞ্ঞানাসঞ্ঞাযতনং গৰুং কত্ৱা পচ্চৱেক্খতি, দিব্বং চক্খুং…পে… দিব্বং সোতধাতুং…পে… ইদ্ধিৱিধঞাণং…পে… অনাগতংসঞাণং গৰুং কত্ৱা পচ্চৱেক্খতি, নকামাৱচৰে খন্ধে গৰুং কত্ৱা অস্সাদেতি অভিনন্দতি তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. সহজাতাধিপতি – নকামাৱচৰাধিপতি চিত্তসমুট্ঠানানং ৰূপানং অধিপতিপচ্চযেন পচ্চযো; নকামাৱচৰো ধম্মো কামাৱচৰস্স চ নকামাৱচৰস্স চ ধম্মস্স অধিপতিপচ্চযেন পচ্চযো. সহজাতাধিপতি – নকামাৱচৰাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৩)

অনন্তৰপচ্চযাদি

২১১. কামাৱচৰো ধম্মো কামাৱচৰস্স ধম্মস্স অনন্তৰপচ্চযেন পচ্চযো – পুৰিমা পুৰিমা কামাৱচৰা খন্ধা পচ্ছিমানং পচ্ছিমানং কামাৱচৰানং খন্ধানং অনন্তৰপচ্চযেন পচ্চযো; অনুলোমং গোত্ৰভুস্স… অনুলোমং ৱোদানস্স… আৱজ্জনা কামাৱচৰানং খন্ধানং অনন্তৰপচ্চযেন পচ্চযো.

কামাৱচৰো ধম্মো নকামাৱচৰস্স ধম্মস্স অনন্তৰপচ্চযেন পচ্চযো – কামাৱচৰং চুতিচিত্তং নকামাৱচৰস্স উপপত্তিচিত্তস্স… আৱজ্জনা নকামাৱচৰানং খন্ধানং অনন্তৰপচ্চযেন পচ্চযো; কামাৱচৰা খন্ধা নকামাৱচৰস্স ৱুট্ঠানস্স অনন্তৰপচ্চযেন পচ্চযো; পঠমস্স ঝানস্স পৰিকম্মং পঠমস্স ঝানস্স অনন্তৰপচ্চযেন পচ্চযো…পে… চতুত্থস্স ঝানস্স…পে… নেৱসঞ্ঞানাসঞ্ঞাযতনস্স পৰিকম্মং…পে… দিব্বস্স চক্খুস্স…পে… দিব্বায সোতধাতুযা…পে… ইদ্ধিৱিধঞাণস্স…পে… চেতোপৰিযঞাণস্স…পে… পুব্বেনিৱাসানুস্সতিঞাণস্স…পে… যথাকম্মূপগঞাণস্স…পে… অনাগতংসঞাণস্স পৰিকম্মং অনাগতংসঞাণস্স অনন্তৰপচ্চযেন পচ্চযো; গোত্ৰভু মগ্গস্স… ৱোদানং মগ্গস্স… অনুলোমং ফলসমাপত্তিযা অনন্তৰপচ্চযেন পচ্চযো. (২)

২১২. নকামাৱচৰো ধম্মো নকামাৱচৰস্স ধম্মস্স অনন্তৰপচ্চযেন পচ্চযো – পুৰিমা পুৰিমা নকামাৱচৰা খন্ধা পচ্ছিমানং পচ্ছিমানং নকামাৱচৰানং খন্ধানং অনন্তৰপচ্চযেন পচ্চযো; মগ্গো ফলস্স, ফলং ফলস্স, নিৰোধা ৱুট্ঠহন্তস্স, নেৱসঞ্ঞানাসঞ্ঞাযতনং ফলসমাপত্তিযা অনন্তৰপচ্চযেন পচ্চযো. নকামাৱচৰো ধম্মো কামাৱচৰস্স ধম্মস্স অনন্তৰপচ্চযেন পচ্চযো – নকামাৱচৰং চুতিচিত্তং কামাৱচৰস্স উপপত্তিচিত্তস্স, নকামাৱচৰং ভৱঙ্গং আৱজ্জনায, নকামাৱচৰা খন্ধা কামাৱচৰস্স ৱুট্ঠানস্স অনন্তৰপচ্চযেন পচ্চযো…. (২)

সমনন্তৰপচ্চযেন পচ্চযো… সহজাতপচ্চযেন পচ্চযো… সত্ত… অঞ্ঞমঞ্ঞপচ্চযেন পচ্চযো… ছ… নিস্সযপচ্চযেন পচ্চযো… সত্ত.

উপনিস্সযপচ্চযো

২১৩. কামাৱচৰো ধম্মো কামাৱচৰস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – কামাৱচৰং সদ্ধং উপনিস্সায দানং দেতি…পে… সীলং…পে… উপোসথকম্মং…পে… ৱিপস্সনং উপ্পাদেতি, মানং জপ্পেতি, দিট্ঠিং গণ্হাতি; কামাৱচৰং সীলং…পে… পঞ্ঞং… ৰাগং…পে… পত্থনং… কাযিকং সুখং… কাযিকং দুক্খং… উতুং… ভোজনং… সেনাসনং উপনিস্সায দানং দেতি…পে… ৱিপস্সনং উপ্পাদেতি, পাণং হনতি…পে… সঙ্ঘং ভিন্দতি; কামাৱচৰা সদ্ধা…পে… সেনাসনং কামাৱচৰায সদ্ধায…পে… পত্থনায… কাযিকস্স সুখস্স… কাযিকস্স দুক্খস্স উপনিস্সযপচ্চযেন পচ্চযো. (১)

কামাৱচৰো ধম্মো নকামাৱচৰস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – কামাৱচৰং সদ্ধং উপনিস্সায নকামাৱচৰং ঝানং উপ্পাদেতি, মগ্গং…পে… অভিঞ্ঞং…পে… সমাপত্তিং উপ্পাদেতি; কামাৱচৰং সীলং…পে… সেনাসনং উপনিস্সায নকামাৱচৰং ঝানং উপ্পাদেতি, মগ্গং…পে… অভিঞ্ঞং…পে… সমাপত্তিং উপ্পাদেতি; কামাৱচৰা সদ্ধা…পে… সেনাসনং নকামাৱচৰায সদ্ধায…পে… পঞ্ঞায… মগ্গস্স, ফলসমাপত্তিযা উপনিস্সযপচ্চযেন পচ্চযো; পঠমস্স ঝানস্স পৰিকম্মং পঠমস্স ঝানস্স…পে… চতুত্থস্স ঝানস্স…পে… আকাসানঞ্চাযতনস্স…পে… পঠমস্স মগ্গস্স…পে… চতুত্থস্স মগ্গস্স পৰিকম্মং চতুত্থস্স মগ্গস্স উপনিস্সযপচ্চযেন পচ্চযো. (২)

২১৪. নকামাৱচৰো ধম্মো নকামাৱচৰস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – নকামাৱচৰং সদ্ধং উপনিস্সায ঝানং উপ্পাদেতি, মগ্গং…পে… অভিঞ্ঞং…পে… সমাপত্তিং উপ্পাদেতি; নকামাৱচৰং সীলং …পে… পঞ্ঞং উপনিস্সায নকামাৱচৰং ঝানং উপ্পাদেতি…পে… মগ্গং…পে… অভিঞ্ঞং…পে… সমাপত্তিং উপ্পাদেতি; নকামাৱচৰা সদ্ধা…পে… পঞ্ঞা নকামাৱচৰায সদ্ধায…পে… পঞ্ঞায, মগ্গস্স, ফলসমাপত্তিযা উপনিস্সযপচ্চযেন পচ্চযো; পঠমং ঝানং দুতিযস্স ঝানস্স উপনিস্সযপচ্চযেন পচ্চযো…পে… ততিযং ঝানং…পে… চতুত্থং ঝানং…পে… আকাসানঞ্চাযতনং ৱিঞ্ঞাণঞ্চাযতনস্স …পে… আকিঞ্চঞ্ঞাযতনং নেৱসঞ্ঞানাসঞ্ঞাযতনস্স উপনিস্সযপচ্চযেন পচ্চযো; পঠমো মগ্গো দুতিযস্স মগ্গস্স…পে… দুতিযো মগ্গো ততিযস্স মগ্গস্স…পে… ততিযো মগ্গো চতুত্থস্স মগ্গস্স উপনিস্সযপচ্চযেন পচ্চযো; মগ্গো ফলসমাপত্তিযা উপনিস্সযপচ্চযেন পচ্চযো. (১)

নকামাৱচৰো ধম্মো কামাৱচৰস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – নকামাৱচৰং সদ্ধং উপনিস্সায দানং দেতি, সীলং…পে… উপোসথকম্মং…পে… ৱিপস্সনং উপ্পাদেতি, মানং জপ্পেতি, দিট্ঠিং গণ্হাতি; নকামাৱচৰং সীলং…পে… পঞ্ঞং উপনিস্সায দানং দেতি, সীলং…পে… উপোসথকম্মং…পে… ৱিপস্সনং উপ্পাদেতি, মানং জপ্পেতি, দিট্ঠিং গণ্হাতি; নকামাৱচৰা সদ্ধা…পে… পঞ্ঞা কামাৱচৰায সদ্ধায…পে… পঞ্ঞায, ৰাগস্স…পে… পত্থনায কাযিকস্স সুখস্স, কাযিকস্স দুক্খস্স উপনিস্সযপচ্চযেন পচ্চযো; অৰিযা মগ্গং উপনিস্সায সঙ্খাৰে অনিচ্চতো…পে… ৱিপস্সন্তি, মগ্গো অৰিযানং অত্থপটিসম্ভিদায… ধম্মপটিসম্ভিদায… নিৰুত্তিপটিসম্ভিদায… পটিভানপটিসম্ভিদায… ঠানাঠানকোসল্লস্স উপনিস্সযপচ্চযেন পচ্চযো; ফলসমাপত্তি কাযিকস্স সুখস্স উপনিস্সযপচ্চযেন পচ্চযো. (২)

পুৰেজাতপচ্চযাদি

২১৫. কামাৱচৰো ধম্মো কামাৱচৰস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অনিচ্চতো…পে… দোমনস্সং উপ্পজ্জতি; ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স …পে…. ৱত্থুপুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু কামাৱচৰানং খন্ধানং পুৰেজাতপচ্চযেন পচ্চযো. কামাৱচৰো ধম্মো নকামাৱচৰস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৱত্থুপুৰেজাতং – ৱত্থু নকামাৱচৰানং খন্ধানং পুৰেজাতপচ্চযেন পচ্চযো. (২)

পচ্ছাজাতপচ্চযেন পচ্চযো… দ্ৱে… আসেৱনপচ্চযেন পচ্চযো… তীণি.

কম্মপচ্চযাদি

২১৬. কামাৱচৰো ধম্মো কামাৱচৰস্স ধম্মস্স কম্মপচ্চযেন পচ্চযো – সহজাতা, নানাক্খণিকা (সংখিত্তং).

নকামাৱচৰো ধম্মো নকামাৱচৰস্স ধম্মস্স কম্মপচ্চযেন পচ্চযো – সহজাতা, নানাক্খণিকা (সংখিত্তং). নকামাৱচৰো ধম্মো কামাৱচৰস্স ধম্মস্স কম্মপচ্চযেন পচ্চযো – সহজাতা, নানাক্খণিকা (সংখিত্তং). নকামাৱচৰো ধম্মো কামাৱচৰস্স চ নকামাৱচৰস্স চ ধম্মস্স কম্মপচ্চযেন পচ্চযো – সহজাতা, নানাক্খণিকা (সংখিত্তং). (৩)

ৱিপাকপচ্চযেন পচ্চযো… চত্তাৰি… আহাৰপচ্চযেন পচ্চযো… চত্তাৰি… ইন্দ্ৰিযপচ্চযেন পচ্চযো… চত্তাৰি… ঝানপচ্চযেন পচ্চযো… চত্তাৰি… মগ্গপচ্চযেন পচ্চযো… চত্তাৰি… সম্পযুত্তপচ্চযেন পচ্চযো… দ্ৱে.

ৱিপ্পযুত্তপচ্চযো

২১৭. কামাৱচৰো ধম্মো কামাৱচৰস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং (সংখিত্তং). কামাৱচৰো ধম্মো নকামাৱচৰস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং. সহজাতং (সংখিত্তং) পটিসন্ধিক্খণে ৱত্থু নকামাৱচৰানং খন্ধানং ৱিপ্পযুত্তপচ্চযেন পচ্চযো. পুৰেজাতং – ৱত্থু নকামাৱচৰানং খন্ধানং ৱিপ্পযুত্তপচ্চযেন পচ্চযো. (২)

নকামাৱচৰো ধম্মো কামাৱচৰস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – নকামাৱচৰা খন্ধা চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো; পটিসন্ধিক্খণে…পে…. পচ্ছাজাতা – নকামাৱচৰা খন্ধা পুৰেজাতস্স ইমস্স কাযস্স ৱিপ্পযুত্তপচ্চযেন পচ্চযো. (১)

অত্থিপচ্চযাদি

২১৮. কামাৱচৰো ধম্মো কামাৱচৰস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং (সংখিত্তং). কামাৱচৰো ধম্মো নকামাৱচৰস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতং – পটিসন্ধিক্খণে ৱত্থু নকামাৱচৰানং খন্ধানং অত্থিপচ্চযেন পচ্চযো. পুৰেজাতং – দিব্বেন চক্খুনা ৰূপং পস্সতি…পে… (পুৰেজাতসদিসং). (২)

নকামাৱচৰো ধম্মো নকামাৱচৰস্স ধম্মস্স অত্থিপচ্চযেন পচ্চযো – সহজাতং (সংখিত্তং). নকামাৱচৰো ধম্মো কামাৱচৰস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং (ৱিপ্পযুত্তসদিসং). নকামাৱচৰো ধম্মো কামাৱচৰস্স চ নকামাৱচৰস্স চ ধম্মস্স অত্থিপচ্চযেন পচ্চযো (পটিচ্চসদিসং). (৩)

২১৯. কামাৱচৰো চ নকামাৱচৰো চ ধম্মা কামাৱচৰস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহাৰং, ইন্দ্ৰিযং. সহজাতা – নকামাৱচৰা খন্ধা চ মহাভূতা চ চিত্তসমুট্ঠানানং ৰূপানং অত্থিপচ্চযেন পচ্চযো; পটিসন্ধিক্খণে…পে…. পচ্ছাজাতা – নকামাৱচৰা খন্ধা চ কবড়ীকাৰো আহাৰো চ ইমস্স কাযস্স অত্থিপচ্চযেন পচ্চযো. পচ্ছাজাতা – নকামাৱচৰা খন্ধা চ ৰূপজীৱিতিন্দ্ৰিযঞ্চ কটত্তাৰূপানং অত্থিপচ্চযেন পচ্চযো. কামাৱচৰো চ নকামাৱচৰো চ ধম্মা নকামাৱচৰস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – নকামাৱচৰো একো খন্ধো চ ৱত্থু চ তিণ্ণন্নং খন্ধানং অত্থিপচ্চযেন পচ্চযো…পে… দ্ৱে খন্ধা চ…পে… পটিসন্ধিক্খণে…পে…. নত্থিপচ্চযেন পচ্চযো… ৱিগতপচ্চযেন পচ্চযো… অৱিগতপচ্চযেন পচ্চযো. (২)