১-৪. পচ্চযানুলোমাদি

হেতুপচ্চযো

২০২. কামাৱচৰং ধম্মং পচ্চযা কামাৱচৰো ধম্মো উপ্পজ্জতি হেতুপচ্চযা – কামাৱচৰং একং খন্ধং পচ্চযা তযো খন্ধা চিত্তসমুট্ঠানঞ্চ ৰূপং …পে… দ্ৱে খন্ধে…পে… পটিসন্ধিক্খণে…পে… (যাৱ অজ্ঝত্তিকা মহাভূতা) ৱত্থুং পচ্চযা কামাৱচৰা খন্ধা. কামাৱচৰং ধম্মং পচ্চযা নকামাৱচৰো ধম্মো উপ্পজ্জতি হেতুপচ্চযা – ৱত্থুং পচ্চযা নকামাৱচৰা খন্ধা; পটিসন্ধিক্খণে…পে…. কামাৱচৰং ধম্মং পচ্চযা কামাৱচৰো চ নকামাৱচৰো চ ধম্মা উপ্পজ্জন্তি হেতুপচ্চযা – ৱত্থুং পচ্চযা নকামাৱচৰা খন্ধা, মহাভূতে পচ্চযা চিত্তসমুট্ঠানং ৰূপং; পটিসন্ধিক্খণে…পে…. (৩)

নকামাৱচৰং ধম্মং পচ্চযা নকামাৱচৰো ধম্মো উপ্পজ্জতি হেতুপচ্চযা… তীণি (পটিচ্চসদিসা).

কামাৱচৰঞ্চ নকামাৱচৰঞ্চ ধম্মং পচ্চযা কামাৱচৰো ধম্মো উপ্পজ্জতি হেতুপচ্চযা (পটিচ্চসদিসা). কামাৱচৰঞ্চ নকামাৱচৰঞ্চ ধম্মং পচ্চযা নকামাৱচৰো ধম্মো উপ্পজ্জতি হেতুপচ্চযা – নকামাৱচৰং একং খন্ধঞ্চ ৱত্থুঞ্চ পচ্চযা তযো খন্ধা…পে… দ্ৱে খন্ধে চ…পে… পটিসন্ধিক্খণে…পে…. কামাৱচৰঞ্চ নকামাৱচৰঞ্চ ধম্মং পচ্চযা কামাৱচৰো চ নকামাৱচৰো চ ধম্মা উপ্পজ্জন্তি হেতুপচ্চযা – নকামাৱচৰং একং খন্ধঞ্চ ৱত্থুঞ্চ পচ্চযা তযো খন্ধা…পে… দ্ৱে খন্ধে চ…পে… নকামাৱচৰে খন্ধে চ মহাভূতে চ পচ্চযা চিত্তসমুট্ঠানং ৰূপং; পটিসন্ধিক্খণে…পে…. (৩) (সংখিত্তং.)

হেতুযা নৱ, আৰম্মণে চত্তাৰি, অধিপতিযা নৱ, অনন্তৰে চত্তাৰি, সমনন্তৰে চত্তাৰি, সহজাতে নৱ, অঞ্ঞমঞ্ঞে ছ, নিস্সযে নৱ, উপনিস্সযে চত্তাৰি, পুৰেজাতে চত্তাৰি, আসেৱনে চত্তাৰি, কম্মে নৱ…পে… অৱিগতে নৱ.

অনুলোমং.

নহেতুপচ্চযাদি

২০৩. কামাৱচৰং ধম্মং পচ্চযা কামাৱচৰো ধম্মো উপ্পজ্জতি নহেতুপচ্চযা – অহেতুকং কামাৱচৰং একং খন্ধং পচ্চযা…পে… অহেতুকপটিসন্ধিক্খণে…পে… (যাৱ অসঞ্ঞসত্তা) চক্খাযতনং পচ্চযা চক্খুৱিঞ্ঞাণং…পে… কাযাযতনং পচ্চযা কাযৱিঞ্ঞাণং, ৱত্থুং পচ্চযা অহেতুকা কামাৱচৰা খন্ধা, ৱিচিকিচ্ছাসহগতে উদ্ধচ্চসহগতে খন্ধে চ ৱত্থুঞ্চ পচ্চযা ৱিচিকিচ্ছাসহগতো উদ্ধচ্চসহগতো মোহো. (১)

নআৰম্মণপচ্চযা… তীণি.

নঅধিপতিপচ্চযাদি

২০৪. কামাৱচৰং ধম্মং পচ্চযা কামাৱচৰো ধম্মো উপ্পজ্জতি নঅধিপতিপচ্চযা… একং (যাৱ অসঞ্ঞসত্তা). কামাৱচৰং ধম্মং পচ্চযা নকামাৱচৰো ধম্মো উপ্পজ্জতি নঅধিপতিপচ্চযা – ৱত্থুং পচ্চযা নকামাৱচৰাধিপতি, ৱত্থুং পচ্চযা ৱিপাকা নকামাৱচৰা খন্ধা; পটিসন্ধিক্খণে…পে…. কামাৱচৰং ধম্মং পচ্চযা কামাৱচৰো চ নকামাৱচৰো চ ধম্মা উপ্পজ্জন্তি নঅধিপতিপচ্চযা – ৱত্থুং পচ্চযা ৱিপাকা নকামাৱচৰা খন্ধা, মহাভূতে পচ্চযা চিত্তসমুট্ঠানং ৰূপং; পটিসন্ধিক্খণে…পে…. (৩)

নকামাৱচৰং ধম্মং পচ্চযা নকামাৱচৰো ধম্মো উপ্পজ্জতি নঅধিপতিপচ্চযা… তীণি (পটিচ্চসদিসা).

কামাৱচৰঞ্চ নকামাৱচৰঞ্চ ধম্মং পচ্চযা কামাৱচৰো ধম্মো উপ্পজ্জতি নঅধিপতিপচ্চযা (পটিচ্চসদিসা. মূলং কাতব্বং.) নকামাৱচৰে খন্ধে চ ৱত্থুঞ্চ পচ্চযা নকামাৱচৰাধিপতি, ৱিপাকং নকামাৱচৰং একং খন্ধঞ্চ ৱত্থুঞ্চ পচ্চযা তযো খন্ধা…পে… দ্ৱে খন্ধে চ…পে… পটিসন্ধিক্খণে…পে…. (মূলং কাতব্বং.) ৱিপাকং নকামাৱচৰং একং খন্ধঞ্চ ৱত্থুঞ্চ পচ্চযা তযো খন্ধা…পে… দ্ৱে খন্ধে চ…পে… ৱিপাকে নকামাৱচৰে খন্ধে চ মহাভূতে চ পচ্চযা চিত্তসমুট্ঠানং ৰূপং; পটিসন্ধিক্খণে…পে…. (৩)

নউপনিস্সযপচ্চযা… তীণি… নআসেৱনপচ্চযা (সুদ্ধকে অৰূপমিস্সকে চ ‘‘ৱিপাক’’ন্তি নিযামেতব্বং, ৰূপমিস্সকে নত্থি. সংখিত্তং).

সুদ্ধং

নহেতুযা একং, নআৰম্মণে তীণি, নঅধিপতিযা নৱ, নঅনন্তৰে তীণি, নসমনন্তৰে তীণি, নউপনিস্সযে তীণি, নপুৰেজাতে নৱ, নপচ্ছাজাতে নৱ, নআসেৱনে নৱ, নকম্মে চত্তাৰি, নৱিপাকে নৱ, নআহাৰে একং, নইন্দ্ৰিযে একং, নঝানে একং, নমগ্গে একং, নসম্পযুত্তে তীণি, নৱিপ্পযুত্তে দ্ৱে, নোনত্থিযা তীণি, নোৱিগতে তীণি.

পচ্চনীযং.