১. ৱিভঙ্গৱাৰো

নহেতুপচ্চযাদি

১৯৮. কামাৱচৰং ধম্মং পটিচ্চ কামাৱচৰো ধম্মো উপ্পজ্জতি নহেতুপচ্চযা – অহেতুকং কামাৱচৰং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… অহেতুকপটিসন্ধিক্খণে…পে… (যাৱ অসঞ্ঞসত্তা) ৱিচিকিচ্ছাসহগতে উদ্ধচ্চসহগতে খন্ধে পটিচ্চ ৱিচিকিচ্ছাসহগতো উদ্ধচ্চসহগতো মোহো. (১)

নআৰম্মণপচ্চযা… তীণি.

নঅধিপতিপচ্চযাদি

১৯৯. কামাৱচৰং ধম্মং পটিচ্চ কামাৱচৰো ধম্মো উপ্পজ্জতি নঅধিপতিপচ্চযা… তীণি.

নকামাৱচৰং ধম্মং পটিচ্চ নকামাৱচৰো ধম্মো উপ্পজ্জতি নঅধিপতিপচ্চযা – নকামাৱচৰে খন্ধে পটিচ্চ নকামাৱচৰাধিপতি, ৱিপাকং নকামাৱচৰং একং খন্ধং পটিচ্চ তযো খন্ধা…পে… দ্ৱে খন্ধে…পে… পটিসন্ধিক্খণে…পে…. নকামাৱচৰং ধম্মং পটিচ্চ কামাৱচৰো ধম্মো উপ্পজ্জতি নঅধিপতিপচ্চযা – ৱিপাকে নকামাৱচৰে খন্ধে পটিচ্চ চিত্তসমুট্ঠানং ৰূপং; পটিসন্ধিক্খণে…পে…. নকামাৱচৰং ধম্মং পটিচ্চ কামাৱচৰো চ নকামাৱচৰো চ ধম্মা উপ্পজ্জন্তি নঅধিপতিপচ্চযা – ৱিপাকং নকামাৱচৰং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… পটিসন্ধিক্খণে…পে…. (৩)

কামাৱচৰঞ্চ নকামাৱচৰঞ্চ ধম্মং পটিচ্চ কামাৱচৰো ধম্মো উপ্পজ্জতি নঅধিপতিপচ্চযা – ৱিপাকে নকামাৱচৰে খন্ধে চ মহাভূতে চ পটিচ্চ চিত্তসমুট্ঠানং ৰূপং; পটিসন্ধিক্খণে…পে… (ইতৰে দ্ৱে পাকতিকা) নঅনন্তৰপচ্চযা…পে… নপুৰেজাতপচ্চযা… নপচ্ছাজাতপচ্চযা.

নআসেৱনপচ্চযো

২০০. কামাৱচৰং ধম্মং পটিচ্চ কামাৱচৰো ধম্মো উপ্পজ্জতি নআসেৱনপচ্চযা… তীণি.

নকামাৱচৰং ধম্মং পটিচ্চ নকামাৱচৰো ধম্মো উপ্পজ্জতি নআসেৱনপচ্চযা – ৱিপাকং নকামাৱচৰং একং খন্ধং পটিচ্চ তযো খন্ধা…পে… দ্ৱে খন্ধে…পে… পটিসন্ধিক্খণে…পে…. নকামাৱচৰং ধম্মং পটিচ্চ কামাৱচৰো ধম্মো উপ্পজ্জতি নআসেৱনপচ্চযা – নকামাৱচৰে খন্ধে পটিচ্চ চিত্তসমুট্ঠানং ৰূপং; পটিসন্ধিক্খণে…পে… (মূলং কাতব্বং) ৱিপাকং নকামাৱচৰং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… পটিসন্ধিক্খণে…পে…. (৩)

(অৱসেসা তীণি পাকতিকা. সংখিত্তং.)