১. ৱিভঙ্গৱাৰো

হেতুপচ্চযো

১৯৪. কামাৱচৰং ধম্মং পটিচ্চ কামাৱচৰো ধম্মো উপ্পজ্জতি হেতুপচ্চযা – কামাৱচৰং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… পটিসন্ধিক্খণে…পে… একং মহাভূতং…পে… (সংখিত্তং). কামাৱচৰং ধম্মং পটিচ্চ নকামাৱচৰো ধম্মো উপ্পজ্জতি হেতুপচ্চযা – পটিসন্ধিক্খণে ৱত্থুং পটিচ্চ নকামাৱচৰা খন্ধা. কামাৱচৰং ধম্মং পটিচ্চ কামাৱচৰো চ নকামাৱচৰো চ ধম্মা উপ্পজ্জন্তি হেতুপচ্চযা – পটিসন্ধিক্খণে ৱত্থুং পটিচ্চ নকামাৱচৰা খন্ধা, মহাভূতে পটিচ্চ কটত্তাৰূপং. (৩)

১৯৫. নকামাৱচৰং ধম্মং পটিচ্চ নকামাৱচৰো ধম্মো উপ্পজ্জতি হেতুপচ্চযা – নকামাৱচৰং একং খন্ধং পটিচ্চ তযো খন্ধা…পে… দ্ৱে খন্ধে…পে… পটিসন্ধিক্খণে…পে…. নকামাৱচৰং ধম্মং পটিচ্চ কামাৱচৰো ধম্মো উপ্পজ্জতি হেতুপচ্চযা – নকামাৱচৰে খন্ধে পটিচ্চ চিত্তসমুট্ঠানং ৰূপং; পটিসন্ধিক্খণে নকামাৱচৰে খন্ধে পটিচ্চ কটত্তাৰূপং. নকামাৱচৰং ধম্মং পটিচ্চ কামাৱচৰো চ নকামাৱচৰো চ ধম্মা উপ্পজ্জন্তি হেতুপচ্চযা – নকামাৱচৰং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… পটিসন্ধিক্খণে…পে…. (৩)

১৯৬. কামাৱচৰঞ্চ নকামাৱচৰঞ্চ ধম্মং পটিচ্চ কামাৱচৰো ধম্মো উপ্পজ্জতি হেতুপচ্চযা – নকামাৱচৰে খন্ধে চ মহাভূতে চ পটিচ্চ চিত্তসমুট্ঠানং ৰূপং; পটিসন্ধিক্খণে নকামাৱচৰে খন্ধে চ মহাভূতে চ পটিচ্চ কটত্তাৰূপং. কামাৱচৰঞ্চ নকামাৱচৰঞ্চ ধম্মং পটিচ্চ নকামাৱচৰো ধম্মো উপ্পজ্জতি হেতুপচ্চযা – পটিসন্ধিক্খণে নকামাৱচৰং একং খন্ধঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে চ…পে…. কামাৱচৰঞ্চ নকামাৱচৰঞ্চ ধম্মং পটিচ্চ কামাৱচৰো চ নকামাৱচৰো চ ধম্মা উপ্পজ্জন্তি হেতুপচ্চযা – পটিসন্ধিক্খণে নকামাৱচৰং একং খন্ধঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে চ…পে… নকামাৱচৰে খন্ধে চ মহাভূতে চ পটিচ্চ কটত্তাৰূপং. (৩) (সংখিত্তং.)