১. ৱিভঙ্গৱাৰো

হেতুপচ্চযাদি

১৮৬. উপেক্খাসহগতো ধম্মো উপেক্খাসহগতস্স ধম্মস্স হেতুপচ্চযেন পচ্চযো – উপেক্খাসহগতা হেতূ সম্পযুত্তকানং খন্ধানং হেতুপচ্চযেন পচ্চযো; পটিসন্ধিক্খণে…পে…. (এৱং চত্তাৰি পঞ্হা যথা সৱিতক্কদুকস্স.)

উপেক্খাসহগতো ধম্মো উপেক্খাসহগতস্স ধম্মস্স আৰম্মণপচ্চযেন পচ্চযো… অধিপতিপচ্চযেন পচ্চযো. (যথা সপ্পীতিকদুকং এৱং আৰম্মণম্পি অধিপতিপি ৱিত্থাৰেতব্বা, ‘‘উপেক্খা’’তি নানং.)

অনন্তৰপচ্চযাদি

১৮৭. উপেক্খাসহগতো ধম্মো উপেক্খাসহগতস্স ধম্মস্স অনন্তৰপচ্চযেন পচ্চযো – পুৰিমা পুৰিমা উপেক্খাসহগতা খন্ধা পচ্ছিমানং পচ্ছিমানং উপেক্খাসহগতানং খন্ধানং অনন্তৰপচ্চযেন পচ্চযো. (১)

উপেক্খাসহগতো ধম্মো নউপেক্খাসহগতস্স ধম্মস্স অনন্তৰপচ্চযেন পচ্চযো – পুৰিমা পুৰিমা উপেক্খাসহগতা খন্ধা পচ্ছিমায পচ্ছিমায উপেক্খায অনন্তৰপচ্চযেন পচ্চযো; উপেক্খাসহগতং চুতিচিত্তং নউপেক্খাসহগতস্স উপপত্তিচিত্তস্স… আৱজ্জনা নউপেক্খাসহগতানং খন্ধানং… ৱিপাকমনোধাতু নউপেক্খাসহগতায ৱিপাকমনোৱিঞ্ঞাণধাতুযা… উপেক্খাসহগতং ভৱঙ্গং নউপেক্খাসহগতস্স ভৱঙ্গস্স… উপেক্খাসহগতং কুসলাকুসলং নউপেক্খাসহগতস্স ৱুট্ঠানস্স… কিৰিযং ৱুট্ঠানস্স… ফলং ৱুট্ঠানস্স… নিৰোধা ৱুট্ঠহন্তস্স নেৱসঞ্ঞানাসঞ্ঞাযতনং নউপেক্খাসহগতায ফলসমাপত্তিযা অনন্তৰপচ্চযেন পচ্চযো. (২)

উপেক্খাসহগতো ধম্মো উপেক্খাসহগতস্স চ নউপেক্খাসহগতস্স চ ধম্মস্স অনন্তৰপচ্চযেন পচ্চযো – পুৰিমা পুৰিমা উপেক্খাসহগতা খন্ধা পচ্ছিমানং পচ্ছিমানং উপেক্খাসহগতানং খন্ধানং উপেক্খায চ অনন্তৰপচ্চযেন পচ্চযো. (৩)

১৮৮. নউপেক্খাসহগতো ধম্মো নউপেক্খাসহগতস্স ধম্মস্স অনন্তৰপচ্চযেন পচ্চযো – পুৰিমা পুৰিমা উপেক্খা পচ্ছিমায পচ্ছিমায উপেক্খায অনন্তৰপচ্চযেন পচ্চযো; পুৰিমা পুৰিমা নউপেক্খাসহগতা খন্ধা পচ্ছিমানং পচ্ছিমানং নউপেক্খাসহগতানং খন্ধানং অনন্তৰপচ্চযেন পচ্চযো; অনুলোমং গোত্ৰভুস্স…পে… অনুলোমং ফলসমাপত্তিযা অনন্তৰপচ্চযেন পচ্চযো. (মূলং কাতব্বং.) পুৰিমা পুৰিমা উপেক্খা পচ্ছিমানং পচ্ছিমানং উপেক্খাসহগতানং খন্ধানং অনন্তৰপচ্চযেন পচ্চযো; নউপেক্খাসহগতং চুতিচিত্তং উপেক্খাসহগতস্স উপপত্তিচিত্তস্স… নউপেক্খাসহগতং ভৱঙ্গং আৱজ্জনায… কাযৱিঞ্ঞাণধাতু ৱিপাকমনোধাতুযা… নউপেক্খাসহগতা ৱিপাকমনোৱিঞ্ঞাণধাতু কিৰিযমনোৱিঞ্ঞাণধাতুযা… নউপেক্খাসহগতং ভৱঙ্গং উপেক্খাসহগতস্স ভৱঙ্গস্স… নউপেক্খাসহগতং কুসলাকুসলং উপেক্খাসহগতস্স ৱুট্ঠানস্স… কিৰিযং ৱুট্ঠানস্স… ফলং ৱুট্ঠানস্স অনন্তৰপচ্চযেন পচ্চযো. (২)

নউপেক্খাসহগতো ধম্মো উপেক্খাসহগতস্স চ নউপেক্খাসহগতস্স চ ধম্মস্স অনন্তৰপচ্চযেন পচ্চযো – পুৰিমা পুৰিমা উপেক্খা পচ্ছিমানং পচ্ছিমানং উপেক্খাসহগতানং খন্ধানং উপেক্খায চ অনন্তৰপচ্চযেন পচ্চযো. (৩)

১৮৯. উপেক্খাসহগতো চ নউপেক্খাসহগতো চ ধম্মা উপেক্খাসহগতস্স ধম্মস্স অনন্তৰপচ্চযেন পচ্চযো – পুৰিমা পুৰিমা উপেক্খাসহগতা খন্ধা চ উপেক্খা চ পচ্ছিমানং পচ্ছিমানং উপেক্খাসহগতানং খন্ধানং অনন্তৰপচ্চযেন পচ্চযো. (মূলং কাতব্বং.) পুৰিমা পুৰিমা উপেক্খাসহগতা খন্ধা চ উপেক্খা চ পচ্ছিমায পচ্ছিমায উপেক্খায অনন্তৰপচ্চযেন পচ্চযো; উপেক্খাসহগতং চুতিচিত্তঞ্চ উপেক্খা চ নউপেক্খাসহগতস্স উপপত্তিচিত্তস্স… আৱজ্জনা চ উপেক্খা চ নউপেক্খাসহগতানং খন্ধানং… ৱিপাকমনোধাতু চ উপেক্খা চ নউপেক্খাসহগতায ৱিপাকমনোৱিঞ্ঞাণধাতুযা… উপেক্খাসহগতং ভৱঙ্গঞ্চ উপেক্খা চ নউপেক্খাসহগতস্স ভৱঙ্গস্স… উপেক্খাসহগতং কুসলাকুসলঞ্চ উপেক্খা চ নউপেক্খাসহগতস্স ৱুট্ঠানস্স… কিৰিযঞ্চ উপেক্খা চ ৱুট্ঠানস্স… ফলঞ্চ উপেক্খা চ ৱুট্ঠানস্স… নিৰোধা ৱুট্ঠহন্তস্স নেৱসঞ্ঞানাসঞ্ঞাযতনঞ্চ উপেক্খা চ নউপেক্খাসহগতায ফলসমাপত্তিযা অনন্তৰপচ্চযেন পচ্চযো. (মূলং কাতব্বং.) পুৰিমা পুৰিমা উপেক্খাসহগতা খন্ধা চ উপেক্খা চ পচ্ছিমানং পচ্ছিমানং উপেক্খাসহগতানং খন্ধানং উপেক্খায চ অনন্তৰপচ্চযেন পচ্চযো. (৩)

সমনন্তৰপচ্চযেন পচ্চযো… সহজাতপচ্চযেন পচ্চযো… নৱ… অঞ্ঞমঞ্ঞপচ্চযেন পচ্চযো… নৱ… নিস্সযপচ্চযেন পচ্চযো… নৱ.

উপনিস্সযপচ্চযো

১৯০. উপেক্খাসহগতো ধম্মো উপেক্খাসহগতস্স ধম্মস্স উপনিস্সযপচ্চযেন পচ্চযো… তীণি.

নউপেক্খাসহগতো ধম্মো নউপেক্খাসহগতস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – নউপেক্খাসহগতং সদ্ধং উপনিস্সায নউপেক্খাসহগতেন চিত্তেন দানং দেতি, সীলং…পে… উপোসথকম্মং…পে… নউপেক্খাসহগতং ঝানং…পে… ৱিপস্সনং…পে… মগ্গং…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি; নউপেক্খাসহগতং সীলং…পে… পঞ্ঞং… ৰাগং… দোসং… মোহং… মানং… দিট্ঠিং… পত্থনং… কাযিকং সুখং… কাযিকং দুক্খং… উতুং… ভোজনং… সেনাসনং উপেক্খং উপনিস্সায নউপেক্খাসহগতেন চিত্তেন দানং দেতি…পে… সমাপত্তিং উপ্পাদেতি, পাণং হনতি…পে… সঙ্ঘং ভিন্দতি; নউপেক্খাসহগতা সদ্ধা…পে… সেনাসনং উপেক্খা চ নউপেক্খাসহগতায সদ্ধায…পে… পঞ্ঞায… ৰাগস্স…পে… পত্থনায… কাযিকস্স সুখস্স… কাযিকস্স দুক্খস্স … মগ্গস্স, ফলসমাপত্তিযা উপেক্খায চ উপনিস্সযপচ্চযেন পচ্চযো. (১)

নউপেক্খাসহগতো ধম্মো উপেক্খাসহগতস্স ধম্মস্স উপনিস্সযপচ্চযেন পচ্চযো (তীণিপি উপনিস্সযা). নউপেক্খাসহগতং সদ্ধং উপনিস্সায উপেক্খাসহগতেন চিত্তেন দানং দেতি…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি; নউপেক্খাসহগতং সীলং…পে… সেনাসনং উপেক্খং উপনিস্সায উপেক্খাসহগতেন চিত্তেন দানং দেতি…পে… সমাপত্তিং উপ্পাদেতি, উপেক্খাসহগতেন চিত্তেন অদিন্নং আদিযতি, মুসা ভণতি, পিসুণং…পে… সম্ফং…পে… সন্ধিং…পে… নিল্লোপং…পে… একাগাৰিকং…পে… পৰিপন্থে…পে… পৰদাৰং…পে… গামঘাতং…পে… নিগমঘাতং কৰোতি; নউপেক্খাসহগতা সদ্ধা…পে… সেনাসনং উপেক্খা চ উপেক্খাসহগতায সদ্ধায…পে… পত্থনায… মগ্গস্স, ফলসমাপত্তিযা উপনিস্সযপচ্চযেন পচ্চযো.

নউপেক্খাসহগতো ধম্মো উপেক্খাসহগতস্স চ নউপেক্খাসহগতস্স চ ধম্মস্স উপনিস্সযপচ্চযেন পচ্চযো (তীণি উপনিস্সযা দুতিযগমনসদিসা). (৩)

উপেক্খাসহগতো চ নউপেক্খাসহগতো চ ধম্মা উপেক্খাসহগতস্স ধম্মস্স উপনিস্সযপচ্চযেন পচ্চযো… তীণি.

পুৰেজাতপচ্চযো

১৯১. নউপেক্খাসহগতো ধম্মো নউপেক্খাসহগতস্স ধম্মস্স পুৰেজাতপচ্চযেন পচ্চযো… তীণি (সপ্পীতিকদুকসদিসা).

পচ্ছাজাতপচ্চযাদি

১৯২. উপেক্খাসহগতো ধম্মো নউপেক্খাসহগতস্স ধম্মস্স পচ্ছাজাতপচ্চযেন পচ্চযো… তীণি… আসেৱনপচ্চযেন পচ্চযো… নৱ… কম্মপচ্চযেন পচ্চযো… ছ. (চত্তাৰি সহজাতা নানাক্খণিকা কাতব্বা, দ্ৱে নানাক্খণিকা চ.)… ৱিপাকপচ্চযেন পচ্চযো… নৱ… আহাৰপচ্চযেন পচ্চযো… চত্তাৰি… ইন্দ্ৰিযপচ্চযেন পচ্চযো… নৱ… ঝানপচ্চযেন পচ্চযো… নৱ… মগ্গপচ্চযেন পচ্চযো… চত্তাৰি… সম্পযুত্তপচ্চযেন পচ্চযো… ছ… ৱিপ্পযুত্তপচ্চযেন পচ্চযো… পঞ্চ… অত্থিপচ্চযেন পচ্চযো… নৱ… নত্থিপচ্চযেন পচ্চযো… ৱিগতপচ্চযেন পচ্চযো… অৱিগতপচ্চযেন পচ্চযো. (ইমানি পচ্চযানি সপ্পীতিককৰণেন ৱিভজিতব্বানি.)