১. ৱিভঙ্গৱাৰো

নহেতুপচ্চযো

১৭৯. উপেক্খাসহগতং ধম্মং পটিচ্চ উপেক্খাসহগতো ধম্মো উপ্পজ্জতি নহেতুপচ্চযা – অহেতুকং উপেক্খাসহগতং একং খন্ধং পটিচ্চ দ্ৱে খন্ধা, দ্ৱে খন্ধে…পে… অহেতুকপটিসন্ধিক্খণে…পে… ৱিচিকিচ্ছাসহগতে উদ্ধচ্চসহগতে খন্ধে পটিচ্চ ৱিচিকিচ্ছাসহগতো উদ্ধচ্চসহগতো মোহো. উপেক্খাসহগতং ধম্মং পটিচ্চ নউপেক্খাসহগতো ধম্মো উপ্পজ্জতি নহেতুপচ্চযা – অহেতুকে উপেক্খাসহগতে খন্ধে পটিচ্চ উপেক্খা চিত্তসমুট্ঠানঞ্চ ৰূপং; অহেতুকপটিসন্ধিক্খণে…পে…. উপেক্খাসহগতং ধম্মং পটিচ্চ উপেক্খাসহগতো চ নউপেক্খাসহগতো চ ধম্মা উপ্পজ্জন্তি নহেতুপচ্চযা – অহেতুকং উপেক্খাসহগতং একং খন্ধং পটিচ্চ দ্ৱে খন্ধা উপেক্খা চ চিত্তসমুট্ঠানঞ্চ ৰূপং, দ্ৱে খন্ধে…পে… অহেতুকপটিসন্ধিক্খণে…পে…. (৩)

১৮০. নউপেক্খাসহগতং ধম্মং পটিচ্চ নউপেক্খাসহগতো ধম্মো উপ্পজ্জতি নহেতুপচ্চযা – অহেতুকং নউপেক্খাসহগতং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… অহেতুকং উপেক্খং পটিচ্চ চিত্তসমুট্ঠানং ৰূপং; অহেতুকপটিসন্ধিক্খণে…পে… উপেক্খং পটিচ্চ ৱত্থু, ৱত্থুং পটিচ্চ উপেক্খা, একং মহাভূতং…পে… (যাৱ অসঞ্ঞসত্তা).

নউপেক্খাসহগতং ধম্মং পটিচ্চ উপেক্খাসহগতো ধম্মো উপ্পজ্জতি নহেতুপচ্চযা – অহেতুকং উপেক্খং পটিচ্চ সম্পযুত্তকা খন্ধা; অহেতুকপটিসন্ধিক্খণে উপেক্খং পটিচ্চ সম্পযুত্তকা খন্ধা; অহেতুকপটিসন্ধিক্খণে ৱত্থুং পটিচ্চ উপেক্খাসহগতা খন্ধা; ৱিচিকিচ্ছাসহগতং উদ্ধচ্চসহগতং উপেক্খং পটিচ্চ ৱিচিকিচ্ছাসহগতো উদ্ধচ্চসহগতো মোহো.

নউপেক্খাসহগতং ধম্মং পটিচ্চ উপেক্খাসহগতো চ নউপেক্খাসহগতো চ ধম্মা উপ্পজ্জন্তি নহেতুপচ্চযা – অহেতুকং উপেক্খং পটিচ্চ সম্পযুত্তকা খন্ধা চিত্তসমুট্ঠানঞ্চ ৰূপং, অহেতুকং উপেক্খং পটিচ্চ সম্পযুত্তকা খন্ধা, মহাভূতে পটিচ্চ চিত্তসমুট্ঠানং ৰূপং; অহেতুকপটিসন্ধিক্খণে উপেক্খং পটিচ্চ সম্পযুত্তকা খন্ধা কটত্তা চ ৰূপং, অহেতুকপটিসন্ধিক্খণে উপেক্খং পটিচ্চ সম্পযুত্তকা খন্ধা, মহাভূতে পটিচ্চ কটত্তাৰূপং, অহেতুকপটিসন্ধিক্খণে ৱত্থুং পটিচ্চ উপেক্খাসহগতা খন্ধা, মহাভূতে পটিচ্চ কটত্তাৰূপং, অহেতুকপটিসন্ধিক্খণে ৱত্থুং পটিচ্চ উপেক্খা চ সম্পযুত্তকা চ খন্ধা. (৩)

১৮১. উপেক্খাসহগতঞ্চ নউপেক্খাসহগতঞ্চ ধম্মং পটিচ্চ উপেক্খাসহগতো ধম্মো উপ্পজ্জতি নহেতুপচ্চযা – অহেতুকং উপেক্খাসহগতং একং খন্ধঞ্চ উপেক্খঞ্চ পটিচ্চ দ্ৱে খন্ধা, দ্ৱে খন্ধে…পে… অহেতুকপটিসন্ধিক্খণে উপেক্খাসহগতং একং খন্ধঞ্চ উপেক্খঞ্চ পটিচ্চ দ্ৱে খন্ধা, দ্ৱে খন্ধে…পে… অহেতুকপটিসন্ধিক্খণে উপেক্খাসহগতং একং খন্ধঞ্চ ৱত্থুঞ্চ পটিচ্চ দ্ৱে খন্ধা; দ্ৱে খন্ধে…পে… ৱিচিকিচ্ছাসহগতে উদ্ধচ্চসহগতে খন্ধে চ উপেক্খঞ্চ পটিচ্চ ৱিচিকিচ্ছাসহগতো উদ্ধচ্চসহগতো মোহো.

উপেক্খাসহগতঞ্চ নউপেক্খাসহগতঞ্চ ধম্মং পটিচ্চ নউপেক্খাসহগতো ধম্মো উপ্পজ্জতি নহেতুপচ্চযা – অহেতুকে উপেক্খাসহগতে খন্ধে চ উপেক্খঞ্চ পটিচ্চ চিত্তসমুট্ঠানং ৰূপং, অহেতুকে উপেক্খাসহগতে খন্ধে চ মহাভূতে চ পটিচ্চ চিত্তসমুট্ঠানং ৰূপং; অহেতুকপটিসন্ধিক্খণে উপেক্খাসহগতে খন্ধে চ উপেক্খঞ্চ পটিচ্চ কটত্তাৰূপং, অহেতুকপটিসন্ধিক্খণে উপেক্খাসহগতে খন্ধে চ মহাভূতে চ পটিচ্চ কটত্তাৰূপং, অহেতুকপটিসন্ধিক্খণে উপেক্খাসহগতে খন্ধে চ ৱত্থুঞ্চ পটিচ্চ উপেক্খা.

উপেক্খাসহগতঞ্চ নউপেক্খাসহগতঞ্চ ধম্মং পটিচ্চ উপেক্খাসহগতো চ নউপেক্খাসহগতো চ ধম্মা উপ্পজ্জন্তি নহেতুপচ্চযা – অহেতুকং উপেক্খাসহগতং একং খন্ধঞ্চ উপেক্খঞ্চ পটিচ্চ দ্ৱে খন্ধা চিত্তসমুট্ঠানঞ্চ ৰূপং, দ্ৱে খন্ধে…পে… অহেতুকং উপেক্খাসহগতং একং খন্ধঞ্চ উপেক্খঞ্চ পটিচ্চ দ্ৱে খন্ধা, দ্ৱে খন্ধে…পে… অহেতুকে উপেক্খাসহগতে খন্ধে চ উপেক্খঞ্চ মহাভূতে চ পটিচ্চ চিত্তসমুট্ঠানং ৰূপং; অহেতুকপটিসন্ধিক্খণে উপেক্খাসহগতং একং খন্ধঞ্চ উপেক্খঞ্চ পটিচ্চ দ্ৱে খন্ধা কটত্তা চ ৰূপং, দ্ৱে খন্ধে…পে… অহেতুকপটিসন্ধিক্খণে উপেক্খাসহগতং একং খন্ধঞ্চ উপেক্খঞ্চ পটিচ্চ দ্ৱে খন্ধা, দ্ৱে খন্ধে…পে… অহেতুকে উপেক্খাসহগতে খন্ধে চ উপেক্খঞ্চ মহাভূতে চ পটিচ্চ কটত্তাৰূপং; অহেতুকপটিসন্ধিক্খণে উপেক্খাসহগতং একং খন্ধঞ্চ ৱত্থুঞ্চ পটিচ্চ দ্ৱে খন্ধা উপেক্খা চ, দ্ৱে খন্ধে…পে… (সংখিত্তং). (৩)