১. ৱিভঙ্গৱাৰো

হেতুপচ্চযো

১৭০. সুখসহগতো ধম্মো সুখসহগতস্স ধম্মস্স হেতুপচ্চযেন পচ্চযো… চত্তাৰি. (আৰম্মণেপি অধিপতিযাপি সপ্পীতিকদুকসদিসা, সুখন্তি নানাকৰণং.)

অনন্তৰপচ্চযাদি

১৭১. সুখসহগতো ধম্মো সুখসহগতস্স ধম্মস্স অনন্তৰপচ্চযেন পচ্চযো – পুৰিমা পুৰিমা সুখসহগতা খন্ধা পচ্ছিমানং পচ্ছিমানং সুখসহগতানং খন্ধানং অনন্তৰপচ্চযেন পচ্চযো. (মূলং কাতব্বং.) পুৰিমা পুৰিমা সুখসহগতা খন্ধা পচ্ছিমস্স পচ্ছিমস্স সুখস্স অনন্তৰপচ্চযেন পচ্চযো. সুখসহগতং চুতিচিত্তং নসুখসহগতস্স উপপত্তিচিত্তস্স… সুখসহগতং ভৱঙ্গং আৱজ্জনায… সুখসহগতং কাযৱিঞ্ঞাণং ৱিপাকমনোধাতুযা… সুখসহগতা ৱিপাকমনোৱিঞ্ঞাণধাতু কিৰিযমনোৱিঞ্ঞাণধাতুযা… সুখসহগতং ভৱঙ্গং নসুখসহগতস্স ভৱঙ্গস্স… সুখসহগতং কুসলাকুসলং নসুখসহগতস্স ৱুট্ঠানস্স… কিৰিযং ৱুট্ঠানস্স… ফলং ৱুট্ঠানস্স অনন্তৰপচ্চযেন পচ্চযো. (মূলং কাতব্বং.) পুৰিমা পুৰিমা সুখসহগতা খন্ধা পচ্ছিমানং পচ্ছিমানং সুখসহগতানং খন্ধানং সুখস্স চ অনন্তৰপচ্চযেন পচ্চযো. (১)

নসুখসহগতো ধম্মো নসুখসহগতস্স ধম্মস্স অনন্তৰপচ্চযেন পচ্চযো – পুৰিমা পুৰিমা নসুখসহগতা…পে…. (মূলং. তীণিপি সপ্পীতিকদুকসদিসা.)

১৭২. সুখসহগতো চ নসুখসহগতো চ ধম্মা সুখসহগতস্স ধম্মস্স অনন্তৰপচ্চযেন পচ্চযো – পুৰিমা পুৰিমা সুখসহগতা খন্ধা চ সুখঞ্চ পচ্ছিমানং পচ্ছিমানং সুখসহগতানং খন্ধানং অনন্তৰপচ্চযেন পচ্চযো. (মূলং কাতব্বং.) পুৰিমা পুৰিমা সুখসহগতা খন্ধা চ সুখঞ্চ পচ্ছিমস্স পচ্ছিমস্স সুখস্স অনন্তৰপচ্চযেন পচ্চযো; সুখসহগতং চুতিচিত্তঞ্চ সুখঞ্চ নসুখসহগতস্স উপপত্তিচিত্তস্স সুখসহগতং ভৱঙ্গঞ্চ সুখঞ্চ আৱজ্জনায … সুখসহগতং কাযৱিঞ্ঞাণঞ্চ সুখঞ্চ ৱিপাকমনোধাতুযা… সুখসহগতা ৱিপাকমনোৱিঞ্ঞাণধাতু চ সুখঞ্চ কিৰিযমনোৱিঞ্ঞাণধাতুযা… সুখসহগতং ভৱঙ্গঞ্চ সুখঞ্চ নসুখসহগতস্স ভৱঙ্গস্স… সুখসহগতং কুসলাকুসলঞ্চ সুখঞ্চ নসুখসহগতস্স ৱুট্ঠানস্স… কিৰিযং ৱুট্ঠানস্স… ফলং ৱুট্ঠানস্স অনন্তৰপচ্চযেন পচ্চযো. (মূলং কাতব্বং.) পুৰিমা পুৰিমা সুখসহগতা খন্ধা চ সুখঞ্চ পচ্ছিমানং পচ্ছিমানং সুখসহগতানং খন্ধানং সুখস্স চ অনন্তৰপচ্চযেন পচ্চযো. (৩)

সমনন্তৰপচ্চযেন পচ্চযো… সহজাতপচ্চযেন পচ্চযো… অঞ্ঞমঞ্ঞপচ্চযেন পচ্চযো… নিস্সযপচ্চযেন পচ্চযো.

উপনিস্সযপচ্চযো

১৭৩. সুখসহগতো ধম্মো সুখসহগতস্স ধম্মস্স উপনিস্সযপচ্চযেন পচ্চযো… তীণি.

নসুখসহগতো ধম্মো নসুখসহগতস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – নসুখসহগতং সদ্ধং উপনিস্সায নসুখসহগতেন চিত্তেন দানং দেতি, সীলং…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি; নসুখসহগতং সীলং…পে… পঞ্ঞং… ৰাগং…পে… পত্থনং… কাযিকং সুখং… কাযিকং দুক্খং… উতুং… ভোজনং… সেনাসনং সুখং উপনিস্সায নসুখসহগতেন চিত্তেন দানং দেতি…পে… সমাপত্তিং উপ্পাদেতি, পাণং হনতি…পে… সঙ্ঘং ভিন্দতি; নসুখসহগতা সদ্ধা…পে… সেনাসনং সুখঞ্চ নসুখসহগতায সদ্ধায…পে… পঞ্ঞায… ৰাগস্স… দোসস্স…পে… পত্থনায… কাযিকস্স সুখস্স, কাযিকস্স দুক্খস্স, মগ্গস্স, ফলসমাপত্তিযা সুখস্স চ উপনিস্সযপচ্চযেন পচ্চযো. (১)

নসুখসহগতো ধম্মো সুখসহগতস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – নসুখসহগতং সদ্ধং উপনিস্সায সুখসহগতেন চিত্তেন দানং দেতি…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি; নসুখসহগতং সীলং…পে… পঞ্ঞং… ৰাগং…পে… পত্থনং… কাযিকং সুখং… কাযিকং দুক্খং… উতুং… ভোজনং… সেনাসনং সুখং উপনিস্সায সুখসহগতেন চিত্তেন দানং দেতি…পে… সমাপত্তিং উপ্পাদেতি; সুখসহগতেন চিত্তেন অদিন্নং আদিযতি; মুসা…পে… পিসুণং…পে… সম্ফং…পে… সন্ধিং…পে… নিল্লোপং…পে… একাগাৰিকং…পে… পৰিপন্থে…পে… পৰদাৰং…পে… গামঘাতং…পে… নিগমঘাতং কৰোতি; নসুখসহগতা সদ্ধা…পে… সেনাসনং সুখঞ্চ সুখসহগতায সদ্ধায…পে… পঞ্ঞায… ৰাগস্স… মানস্স… দিট্ঠিযা… পত্থনায… কাযিকস্স সুখস্স… মগ্গস্স ফলসমাপত্তিযা উপনিস্সযপচ্চযেন পচ্চযো. (২)

নসুখসহগতো ধম্মো সুখসহগতস্স চ নসুখসহগতস্স চ ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – নসুখসহগতং সদ্ধং উপনিস্সায সুখসহগতেন চিত্তেন দানং দেতি…পে… (দুতিযগমনসদিসং) মানং জপ্পেতি, দিট্ঠিং গণ্হাতি; নসুখসহগতং সীলং…পে… সেনাসনং সুখং উপনিস্সায দানং দেতি…পে… সমাপত্তিং উপ্পাদেতি, সুখসহগতেন চিত্তেন অদিন্নং আদিযতি…পে… নসুখসহগতা সদ্ধা…পে… সেনাসনং সুখঞ্চ সুখসহগতায … সদ্ধায…পে… পত্থনায … কাযিকস্স সুখস্স, মগ্গস্স, ফলসমাপত্তিযা সুখস্স চ উপনিস্সযপচ্চযেন পচ্চযো. (৩)

সুখসহগতো চ নসুখসহগতো চ ধম্মা সুখসহগতস্স ধম্মস্স উপনিস্সযপচ্চযেন পচ্চযো… তীণি.

পুৰেজাতপচ্চযাদি

১৭৪. নসুখসহগতো ধম্মো নসুখসহগতস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং নসুখসহগতেন চিত্তেন অনিচ্চতো…পে… ৱিপস্সতি অস্সাদেতি অভিনন্দতি, তং আৰব্ভ নসুখসহগতো ৰাগো উপ্পজ্জতি…পে… দোমনস্সং উপ্পজ্জতি, সুখং উপ্পজ্জতি, দিব্বেন চক্খুনা ৰূপং পস্সতি…পে… ফোট্ঠব্বাযতনং কাযৱিঞ্ঞাণস্স…পে…. ৱত্থুপুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু নসুখসহগতানং খন্ধানং সুখস্স চ পুৰেজাতপচ্চযেন পচ্চযো. (১)

নসুখসহগতো ধম্মো সুখসহগতস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং সুখসহগতেন চিত্তেন অনিচ্চতো…পে… ৱিপস্সতি, অস্সাদেতি অভিনন্দতি, তং আৰব্ভ সুখসহগতো ৰাগো উপ্পজ্জতি, দিট্ঠি উপ্পজ্জতি. ৱত্থুপুৰেজাতং – ৱত্থু সুখসহগতানং খন্ধানং পুৰেজাতপচ্চযেন পচ্চযো. (২)

নসুখসহগতো ধম্মো সুখসহগতস্স চ নসুখসহগতস্স চ ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং সুখসহগতেন চিত্তেন অনিচ্চতো…পে… ৱিপস্সতি, অস্সাদেতি অভিনন্দতি, তং আৰব্ভ সুখঞ্চ সম্পযুত্তকা খন্ধা চ উপ্পজ্জন্তি. ৱত্থুপুৰেজাতং – ৱত্থু সুখসহগতানং খন্ধানং সুখস্স চ পুৰেজাতপচ্চযেন পচ্চযো. (৩)

পচ্ছাজাতপচ্চযেন পচ্চযো… তীণি… আসেৱনপচ্চযেন পচ্চযো… নৱ.

কম্মপচ্চযাদি

১৭৫. সুখসহগতো ধম্মো সুখসহগতস্স ধম্মস্স কম্মপচ্চযেন পচ্চযো – সহজাতা, নানাক্খণিকা. (ছ কম্মানি চত্তাৰি সহজাতাপি নানাক্খণিকাপি কাতব্বা, দ্ৱে নানাক্খণিকা.)… ৱিপাকপচ্চযেন পচ্চযো… নৱ… আহাৰপচ্চযেন পচ্চযো… চত্তাৰি… ইন্দ্ৰিযপচ্চযেন পচ্চযো… নৱ… ঝানপচ্চযেন পচ্চযো… নৱ… মগ্গপচ্চযেন পচ্চযো… চত্তাৰি… সম্পযুত্তপচ্চযেন পচ্চযো… ছ… ৱিপ্পযুত্তপচ্চযেন পচ্চযো… পঞ্চ… অত্থিপচ্চযেন পচ্চযো… নৱ… নত্থিপচ্চযেন পচ্চযো… নৱ… ৱিগতপচ্চযেন পচ্চযো… নৱ… অৱিগতপচ্চযেন পচ্চযো… নৱ.