১. ৱিভঙ্গৱাৰো

হেতুপচ্চযো

১৪৯. সপ্পীতিকো ধম্মো সপ্পীতিকস্স ধম্মস্স হেতুপচ্চযেন পচ্চযো – সপ্পীতিকা হেতূ সম্পযুত্তকানং খন্ধানং হেতুপচ্চযেন পচ্চযো; পটিসন্ধিক্খণে…পে…. সপ্পীতিকো ধম্মো অপ্পীতিকস্স ধম্মস্স হেতুপচ্চযেন পচ্চযো – সপ্পীতিকা হেতূ পীতিযা চ চিত্তসমুট্ঠানানঞ্চ ৰূপানং হেতুপচ্চযেন পচ্চযো; পটিসন্ধিক্খণে…পে…. (মূলং কাতব্বং.) সপ্পীতিকা হেতূ সম্পযুত্তকানং খন্ধানং পীতিযা চ চিত্তসমুট্ঠানানঞ্চ ৰূপানং হেতুপচ্চযেন পচ্চযো; পটিসন্ধিক্খণে…পে…. (৩)

অপ্পীতিকো ধম্মো অপ্পীতিকস্স ধম্মস্স হেতুপচ্চযেন পচ্চযো – অপ্পীতিকা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো; পটিসন্ধিক্খণে…পে…. (১)

আৰম্মণপচ্চযো

১৫০. সপ্পীতিকো ধম্মো সপ্পীতিকস্স ধম্মস্স আৰম্মণপচ্চযেন পচ্চযো – সপ্পীতিকে খন্ধে আৰব্ভ সপ্পীতিকা খন্ধা উপ্পজ্জন্তি. (মূলং কাতব্বং.) সপ্পীতিকে খন্ধে আৰব্ভ অপ্পীতিকা খন্ধা চ পীতি চ উপ্পজ্জন্তি. (মূলং কাতব্বং.) সপ্পীতিকে খন্ধে আৰব্ভ সপ্পীতিকা খন্ধা চ পীতি চ উপ্পজ্জন্তি. (৩)

১৫১. অপ্পীতিকো ধম্মো অপ্পীতিকস্স ধম্মস্স আৰম্মণপচ্চযেন পচ্চযো – অপ্পীতিকেন চিত্তেন দানং দত্ৱা সীলং…পে… উপোসথকম্মং কত্ৱা অপ্পীতিকেন চিত্তেন পচ্চৱেক্খতি, অস্সাদেতি অভিনন্দতি, তং আৰব্ভ অপ্পীতিকো ৰাগো উপ্পজ্জতি, দিট্ঠি উপ্পজ্জতি, ৱিচিকিচ্ছা উপ্পজ্জতি, উদ্ধচ্চং উপ্পজ্জতি, দোমনস্সং উপ্পজ্জতি; অপ্পীতিকা ঝানা ৱুট্ঠহিত্ৱা…পে… মগ্গা ৱুট্ঠহিত্ৱা…পে… ফলা ৱুট্ঠহিত্ৱা অপ্পীতিকেন চিত্তেন ফলং পচ্চৱেক্খতি, অৰিযা অপ্পীতিকেন চিত্তেন নিব্বানং পচ্চৱেক্খন্তি, নিব্বানং অপ্পীতিকস্স গোত্ৰভুস্স, ৱোদানস্স, মগ্গস্স, ফলস্স, আৱজ্জনায পীতিযা চ আৰম্মণপচ্চযেন পচ্চযো; অৰিযা অপ্পীতিকেন চিত্তেন অপ্পীতিকে পহীনে কিলেসে…পে… ৱিক্খম্ভিতে কিলেসে…পে… পুব্বে…পে… চক্খুং…পে… ৱত্থুং অপ্পীতিকে খন্ধে চ পীতিঞ্চ অপ্পীতিকেন চিত্তেন অনিচ্চতো…পে… ৱিপস্সতি অস্সাদেতি অভিনন্দতি, তং আৰব্ভ অপ্পীতিকো ৰাগো উপ্পজ্জতি…পে… দোমনস্সং উপ্পজ্জতি; দিব্বেন চক্খুনা ৰূপং পস্সতি…পে… ফোট্ঠব্বাযতনং কাযৱিঞ্ঞাণস্স আৰম্মণপচ্চযেন পচ্চযো; অপ্পীতিকা খন্ধা ইদ্ধিৱিধঞাণস্স চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায পীতিযা চ আৰম্মণপচ্চযেন পচ্চযো; অপ্পীতিকে খন্ধে চ পীতিঞ্চ আৰব্ভ অপ্পীতিকা খন্ধা চ পীতি চ উপ্পজ্জন্তি. (১)

অপ্পীতিকো ধম্মো সপ্পীতিকস্স ধম্মস্স আৰম্মণপচ্চযেন পচ্চযো – অপ্পীতিকেন চিত্তেন দানং দত্ৱা সীলং…পে… উপোসথকম্মং…পে… সপ্পীতিকেন চিত্তেন পচ্চৱেক্খতি অস্সাদেতি অভিনন্দতি, তং আৰব্ভ সপ্পীতিকো ৰাগো উপ্পজ্জতি, দিট্ঠি উপ্পজ্জতি; অপ্পীতিকা ঝানা ৱুট্ঠহিত্ৱা…পে… মগ্গা ৱুট্ঠহিত্ৱা…পে… ফলা ৱুট্ঠহিত্ৱা সপ্পীতিকেন চিত্তেন ফলং পচ্চৱেক্খতি, অৰিযা সপ্পীতিকেন চিত্তেন নিব্বানং পচ্চৱেক্খন্তি, নিব্বানং সপ্পীতিকস্স গোত্ৰভুস্স, ৱোদানস্স, মগ্গস্স, ফলস্স আৰম্মণপচ্চযেন পচ্চযো; অৰিযা সপ্পীতিকেন চিত্তেন অপ্পীতিকে পহীনে কিলেসে…পে… ৱিক্খম্ভিতে কিলেসে …পে… পুব্বে…পে… চক্খুং…পে… ৱত্থুং অপ্পীতিকে খন্ধে চ পীতিঞ্চ সপ্পীতিকেন চিত্তেন অনিচ্চতো…পে… ৱিপস্সতি অস্সাদেতি অভিনন্দতি, তং আৰব্ভ সপ্পীতিকো ৰাগো উপ্পজ্জতি, দিট্ঠি উপ্পজ্জতি; অপ্পীতিকে খন্ধে চ পীতিঞ্চ আৰব্ভ সপ্পীতিকা খন্ধা উপ্পজ্জন্তি. (২)

অপ্পীতিকো ধম্মো সপ্পীতিকস্স চ অপ্পীতিকস্স চ ধম্মস্স আৰম্মণপচ্চযেন পচ্চযো – অপ্পীতিকেন চিত্তেন দানং দত্ৱা সীলং…পে… উপোসথকম্মং…পে… সপ্পীতিকেন চিত্তেন পচ্চৱেক্খতি অস্সাদেতি অভিনন্দতি, তং আৰব্ভ সপ্পীতিকা খন্ধা চ পীতি চ উপ্পজ্জন্তি, অপ্পীতিকা ঝানা…পে… মগ্গা…পে… ফলা ৱুট্ঠহিত্ৱা সপ্পীতিকেন চিত্তেন ফলং পচ্চৱেক্খতি, অৰিযা সপ্পীতিকেন চিত্তেন নিব্বানং পচ্চৱেক্খন্তি, নিব্বানং সপ্পীতিকস্স গোত্ৰভুস্স, ৱোদানস্স, মগ্গস্স, ফলস্স, পীতিযা চ আৰম্মণপচ্চযেন পচ্চযো; অৰিযা সপ্পীতিকেন চিত্তেন অপ্পীতিকে পহীনে কিলেসে পচ্চৱেক্খন্তি, ৱিক্খম্ভিতে কিলেসে…পে… পুব্বে…পে… চক্খুং…পে… ৱত্থুং অপ্পীতিকে খন্ধে চ পীতিঞ্চ সপ্পীতিকেন চিত্তেন অনিচ্চতো…পে… ৱিপস্সতি অস্সাদেতি অভিনন্দতি, তং আৰব্ভ সপ্পীতিকা খন্ধা চ পীতি চ উপ্পজ্জন্তি, অপ্পীতিকে খন্ধে চ পীতিঞ্চ আৰব্ভ সপ্পীতিকা খন্ধা চ পীতি চ উপ্পজ্জন্তি. (৩)

১৫২. সপ্পীতিকো চ অপ্পীতিকো চ ধম্মা সপ্পীতিকস্স ধম্মস্স আৰম্মণপচ্চযেন পচ্চযো – সপ্পীতিকে খন্ধে চ পীতিঞ্চ আৰব্ভ সপ্পীতিকা খন্ধা উপ্পজ্জন্তি. (মূলং কাতব্বং.) সপ্পীতিকে খন্ধে চ পীতিঞ্চ আৰব্ভ অপ্পীতিকা খন্ধা চ পীতি চ উপ্পজ্জন্তি.

(মূলং কাতব্বং.) সপ্পীতিকে খন্ধে চ পীতিঞ্চ আৰব্ভ সপ্পীতিকা খন্ধা চ পীতি চ উপ্পজ্জন্তি. (৩)

অধিপতিপচ্চযো

১৫৩. সপ্পীতিকো ধম্মো সপ্পীতিকস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – সপ্পীতিকে খন্ধে গৰুং কত্ৱা সপ্পীতিকা খন্ধা উপ্পজ্জন্তি. সহজাতাধিপতি – সপ্পীতিকাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

সপ্পীতিকো ধম্মো অপ্পীতিকস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – সপ্পীতিকে খন্ধে গৰুং কত্ৱা অপ্পীতিকা খন্ধা চ পীতি চ উপ্পজ্জন্তি. সহজাতাধিপতি – সপ্পীতিকাধিপতি পীতিযা চ চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (২)

সপ্পীতিকো ধম্মো সপ্পীতিকস্স চ অপ্পীতিকস্স চ ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – সপ্পীতিকে খন্ধে গৰুং কত্ৱা সপ্পীতিকা খন্ধা চ পীতি চ উপ্পজ্জন্তি. সহজাতাধিপতি – সপ্পীতিকাধিপতি সম্পযুত্তকানং খন্ধানং পীতিযা চ চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৩)

১৫৪. অপ্পীতিকো ধম্মো অপ্পীতিকস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – অপ্পীতিকেন চিত্তেন দানং…পে… সীলং…পে… উপোসথকম্মং…পে… অপ্পীতিকেন চিত্তেন তং গৰুং কত্ৱা পচ্চৱেক্খতি অস্সাদেতি অভিনন্দতি, তং গৰুং কত্ৱা অপ্পীতিকো ৰাগো উপ্পজ্জতি, দিট্ঠি উপ্পজ্জতি; অপ্পীতিকা ঝানা…পে… মগ্গা…পে… ফলা ৱুট্ঠহিত্ৱা অপ্পীতিকেন চিত্তেন ফলং গৰুং কত্ৱা পচ্চৱেক্খতি; অৰিযা অপ্পীতিকেন চিত্তেন নিব্বানং গৰুং কত্ৱা পচ্চৱেক্খন্তি, নিব্বানং অপ্পীতিকস্স গোত্ৰভুস্স, ৱোদানস্স, মগ্গস্স, ফলস্স অধিপতিপচ্চযেন পচ্চযো; চক্খুং…পে… ৱত্থুং অপ্পীতিকে খন্ধে চ পীতিঞ্চ অপ্পীতিকেন চিত্তেন গৰুং কত্ৱা অস্সাদেতি অভিনন্দতি, তং গৰুং কত্ৱা অপ্পীতিকো ৰাগো উপ্পজ্জতি, দিট্ঠি উপ্পজ্জতি, অপ্পীতিকে খন্ধে চ পীতিঞ্চ গৰুং কত্ৱা অপ্পীতিকা খন্ধা চ পীতি চ উপ্পজ্জন্তি. সহজাতাধিপতি – অপ্পীতিকাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (১)

অপ্পীতিকো ধম্মো সপ্পীতিকস্স ধম্মস্স অধিপতিপচ্চযেন পচ্চযো. আৰম্মণাধিপতি – অপ্পীতিকেন চিত্তেন দানং…পে… সীলং…পে… উপোসথকম্মং…পে… (সংখিত্তং) নিব্বানং সপ্পীতিকস্স গোত্ৰভুস্স, ৱোদানস্স, মগ্গস্স, ফলস্স অধিপতিপচ্চযেন পচ্চযো; চক্খুং…পে… ৱত্থুং অপ্পীতিকে খন্ধে চ পীতিঞ্চ সপ্পীতিকেন চিত্তেন গৰুং কত্ৱা অস্সাদেতি অভিনন্দতি, তং গৰুং কত্ৱা সপ্পীতিকো ৰাগো উপ্পজ্জতি, দিট্ঠি উপ্পজ্জতি; অপ্পীতিকে খন্ধে চ পীতিঞ্চ গৰুং কত্ৱা সপ্পীতিকা খন্ধা উপ্পজ্জন্তি. (২)

অপ্পীতিকো ধম্মো সপ্পীতিকস্স চ অপ্পীতিকস্স চ ধম্মস্স অধিপতিপচ্চযেন পচ্চযো. আৰম্মণাধিপতি – দানং…পে… (সংখিত্তং) নিব্বানং সপ্পীতিকস্স গোত্ৰভুস্স, ৱোদানস্স, মগ্গস্স, ফলস্স, পীতিযা চ অধিপতিপচ্চযেন পচ্চযো; চক্খুং…পে… ৱত্থুং অপ্পীতিকে খন্ধে চ পীতিঞ্চ সপ্পীতিকেন চিত্তেন গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি অপ্পীতিকে খন্ধে চ পীতিঞ্চ গৰুং কত্ৱা সপ্পীতিকা খন্ধা চ পীতি চ উপ্পজ্জন্তি. (৩)

১৫৫. সপ্পীতিকো চ অপ্পীতিকো চ ধম্মা সপ্পীতিকস্স ধম্মস্স অধিপতিপচ্চযেন পচ্চযো. আৰম্মণাধিপতি – সপ্পীতিকে খন্ধে চ পীতিঞ্চ গৰুং কত্ৱা সপ্পীতিকা খন্ধা উপ্পজ্জন্তি. (মূলং কাতব্বং.) সপ্পীতিকে খন্ধে চ পীতিঞ্চ গৰুং কত্ৱা অপ্পীতিকা খন্ধা চ পীতি চ উপ্পজ্জন্তি. (মূলং কাতব্বং.) সপ্পীতিকে খন্ধে চ পীতিঞ্চ গৰুং কত্ৱা সপ্পীতিকা খন্ধা চ পীতি চ উপ্পজ্জন্তি. (৩)

অনন্তৰপচ্চযাদি

১৫৬. সপ্পীতিকো ধম্মো সপ্পীতিকস্স ধম্মস্স অনন্তৰপচ্চযেন পচ্চযো – পুৰিমা পুৰিমা সপ্পীতিকা খন্ধা পচ্ছিমানং পচ্ছিমানং সপ্পীতিকানং খন্ধানং অনন্তৰপচ্চযেন পচ্চযো. (মূলং কাতব্বং.) পুৰিমা পুৰিমা সপ্পীতিকা খন্ধা পচ্ছিমায পচ্ছিমায পীতিযা অনন্তৰপচ্চযেন পচ্চযো – সপ্পীতিকং চুতিচিত্তং অপ্পীতিকস্স উপপত্তিচিত্তস্স, সপ্পীতিকং ভৱঙ্গং আৱজ্জনায, সপ্পীতিকা খন্ধা অপ্পীতিকস্স ৱুট্ঠানস্স, পীতিসহগতা ৱিপাকমনোৱিঞ্ঞাণধাতু কিৰিযমনোৱিঞ্ঞাণধাতুযা, সপ্পীতিকং ভৱঙ্গং অপ্পীতিকস্স ভৱঙ্গস্স, সপ্পীতিকং কুসলাকুসলং অপ্পীতিকস্স ৱুট্ঠানস্স, কিৰিযং ৱুট্ঠানস্স, ফলং ৱুট্ঠানস্স অনন্তৰপচ্চযেন পচ্চযো. (মূলং কাতব্বং.) পুৰিমা পুৰিমা সপ্পীতিকা খন্ধা পচ্ছিমানং পচ্ছিমানং সপ্পীতিকানং খন্ধানং পীতিযা চ অনন্তৰপচ্চযেন পচ্চযো. (৩)

১৫৭. অপ্পীতিকো ধম্মো অপ্পীতিকস্স ধম্মস্স অনন্তৰপচ্চযেন পচ্চযো – পুৰিমা পুৰিমা পীতি পচ্ছিমায পচ্ছিমায পীতিযা অনন্তৰপচ্চযেন পচ্চযো; পুৰিমা পুৰিমা অপ্পীতিকা খন্ধা পচ্ছিমানং পচ্ছিমানং অপ্পীতিকানং খন্ধানং অনন্তৰপচ্চযেন পচ্চযো; অনুলোমং গোত্ৰভুস্স…পে… অপ্পীতিকায ফলসমাপত্তিযা পীতিযা চ অনন্তৰপচ্চযেন পচ্চযো. (মূলং কাতব্বং.) পুৰিমা পুৰিমা পীতি পচ্ছিমানং পচ্ছিমানং সপ্পীতিকানং খন্ধানং অনন্তৰপচ্চযেন পচ্চযো; অপ্পীতিকং চুতিচিত্তং সপ্পীতিকস্স উপপত্তিচিত্তস্স, আৱজ্জনা সপ্পীতিকানং খন্ধানং, অপ্পীতিকা খন্ধা সপ্পীতিকস্স ৱুট্ঠানস্স, ৱিপাকমনোধাতু সপ্পীতিকায ৱিপাকমনোৱিঞ্ঞাণধাতুযা, অপ্পীতিকং ভৱঙ্গং সপ্পীতিকস্স ভৱঙ্গস্স, অপ্পীতিকং কুসলাকুসলং সপ্পীতিকস্স ৱুট্ঠানস্স, কিৰিযং ৱুট্ঠানস্স, ফলং ৱুট্ঠানস্স অনন্তৰপচ্চযেন পচ্চযো; নিৰোধা ৱুট্ঠহন্তস্স নেৱসঞ্ঞানাসঞ্ঞাযতনং সপ্পীতিকায ফলসমাপত্তিযা অনন্তৰপচ্চযেন পচ্চযো. (২)

অপ্পীতিকো ধম্মো সপ্পীতিকস্স চ অপ্পীতিকস্স চ ধম্মস্স অনন্তৰপচ্চযেন পচ্চযো – পুৰিমা পুৰিমা পীতি পচ্ছিমানং পচ্ছিমানং সপ্পীতিকানং খন্ধানং পীতিযা চ অনন্তৰপচ্চযেন পচ্চযো. (৩)

১৫৮. সপ্পীতিকো চ অপ্পীতিকো চ ধম্মা সপ্পীতিকস্স ধম্মস্স অনন্তৰপচ্চযেন পচ্চযো – পুৰিমা পুৰিমা সপ্পীতিকা খন্ধা চ পীতি চ পচ্ছিমানং পচ্ছিমানং সপ্পীতিকানং খন্ধানং অনন্তৰপচ্চযেন পচ্চযো. (১)

সপ্পীতিকো চ অপ্পীতিকো চ ধম্মা অপ্পীতিকস্স ধম্মস্স অনন্তৰপচ্চযেন পচ্চযো – পুৰিমা পুৰিমা সপ্পীতিকা খন্ধা চ পীতি চ পচ্ছিমায পচ্ছিমায পীতিযা অনন্তৰপচ্চযেন পচ্চযো; সপ্পীতিকং চুতিচিত্তঞ্চ পীতি চ অপ্পীতিকস্স উপপত্তিচিত্তস্স… সপ্পীতিকং ভৱঙ্গঞ্চ পীতি চ আৱজ্জনায… সপ্পীতিকা খন্ধা চ পীতি চ অপ্পীতিকস্স ৱুট্ঠানস্স… সপ্পীতিকা ৱিপাকমনোৱিঞ্ঞাণধাতু চ পীতি চ কিৰিযমনোৱিঞ্ঞাণধাতুযা… সপ্পীতিকং ভৱঙ্গঞ্চ পীতি চ অপ্পীতিকস্স ভৱঙ্গস্স… সপ্পীতিকং কুসলাকুসলঞ্চ পীতি চ অপ্পীতিকস্স ৱুট্ঠানস্স… কিৰিযঞ্চ পীতি চ ৱুট্ঠানস্স… ফলঞ্চ পীতি চ ৱুট্ঠানস্স অনন্তৰপচ্চযেন পচ্চযো. (২)

সপ্পীতিকো চ অপ্পীতিকো চ ধম্মা সপ্পীতিকস্স চ অপ্পীতিকস্স চ ধম্মস্স অনন্তৰপচ্চযেন পচ্চযো – পুৰিমা পুৰিমা সপ্পীতিকা খন্ধা চ পীতি চ পচ্ছিমানং পচ্ছিমানং সপ্পীতিকানং খন্ধানং পীতিযা চ অনন্তৰপচ্চযেন পচ্চযো. (৩)

সমনন্তৰপচ্চযেন পচ্চযো… নৱ… সহজাতপচ্চযেন পচ্চযো… নৱ… অঞ্ঞমঞ্ঞপচ্চযেন পচ্চযো… নৱ… নিস্সযপচ্চযেন পচ্চযো… নৱ.

উপনিস্সযপচ্চযো

১৫৯. সপ্পীতিকো ধম্মো সপ্পীতিকস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সপ্পীতিকা খন্ধা সপ্পীতিকানং খন্ধানং উপনিস্সযপচ্চযেন পচ্চযো. (মূলং কাতব্বং.) সপ্পীতিকা খন্ধা অপ্পীতিকানং খন্ধানং পীতিযা চ উপনিস্সযপচ্চযেন পচ্চযো. (মূলং কাতব্বং.) সপ্পীতিকা খন্ধা সপ্পীতিকানং খন্ধানং পীতিযা চ উপনিস্সযপচ্চযেন পচ্চযো. (৩)

১৬০. অপ্পীতিকো ধম্মো অপ্পীতিকস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – অপ্পীতিকং সদ্ধং উপনিস্সায অপ্পীতিকেন চিত্তেন দানং দেতি, সীলং সমাদিযতি, উপোসথকম্মং কৰোতি; অপ্পীতিকং ঝানং…পে… ৱিপস্সনং… মগ্গং… অভিঞ্ঞং… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি; অপ্পীতিকং সীলং…পে… পঞ্ঞং… ৰাগং… দোসং… মোহং… মানং… দিট্ঠিং… পত্থনং… কাযিকং সুখং… কাযিকং দুক্খং… উতুং… ভোজনং… সেনাসনং… পীতিং উপনিস্সায অপ্পীতিকেন চিত্তেন দানং দেতি…পে… সমাপত্তিং উপ্পাদেতি, পাণং হনতি…পে… সঙ্ঘং ভিন্দতি; অপ্পীতিকা সদ্ধা…পে… সেনাসনং পীতি চ অপ্পীতিকায সদ্ধায…পে… পত্থনায… কাযিকস্স সুখস্স… কাযিকস্স দুক্খস্স… মগ্গস্স ফলসমাপত্তিযা পীতিযা চ উপনিস্সযপচ্চযেন পচ্চযো. (১)

অপ্পীতিকো ধম্মো সপ্পীতিকস্স ধম্মস্স উপনিস্সযপচ্চযেন পচ্চযো (তীণি উপনিস্সযা). অপ্পীতিকং সদ্ধং উপনিস্সায সপ্পীতিকেন চিত্তেন দানং দেতি…পে… অপ্পীতিকা ঝানা…পে… মানং জপ্পেতি, দিট্ঠিং গণ্হাতি; অপ্পীতিকং সীলং…পে… সেনাসনং পীতিং উপনিস্সায সপ্পীতিকেন চিত্তেন দানং দেতি…পে… সমাপত্তিং উপ্পাদেতি; সপ্পীতিকেন চিত্তেন অদিন্নং আদিযতি, মুসা…পে… পিসুণং…পে… সম্ফং…পে… সন্ধিং…পে… নিল্লোপং…পে… একাগাৰিকং…পে… পৰিপন্থে…পে… পৰদাৰং…পে… গামঘাতং…পে… নিগমঘাতং কৰোতি; অপ্পীতিকা সদ্ধা…পে… সেনাসনং পীতি চ সপ্পীতিকায সদ্ধায…পে… পঞ্ঞায ৰাগস্স, মোহস্স… মানস্স… দিট্ঠিযা… পত্থনায… মগ্গস্স, ফলসমাপত্তিযা উপনিস্সযপচ্চযেন পচ্চযো. (২)

অপ্পীতিকো ধম্মো সপ্পীতিকস্স চ অপ্পীতিকস্স চ ধম্মস্স উপনিস্সযপচ্চযেন পচ্চযো (তীণি উপনিস্সযা). অপ্পীতিকং সদ্ধং উপনিস্সায সপ্পীতিকেন চিত্তেন দানং দেতি…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি; অপ্পীতিকং সীলং…পে… সেনাসনং পীতিং উপনিস্সায সপ্পীতিকেন চিত্তেন দানং দেতি…পে… সমাপত্তিং উপ্পাদেতি; সপ্পীতিকেন চিত্তেন অদিন্নং আদিযতি…পে… (দুতিযৱাৰসদিসং) নিগমঘাতং কৰোতি; অপ্পীতিকা সদ্ধা…পে… সেনাসনং পীতি চ সপ্পীতিকায সদ্ধায…পে… পঞ্ঞায… ৰাগস্স… মোহস্স… মানস্স… দিট্ঠিযা… পত্থনায… মগ্গস্স, ফলসমাপত্তিযা পীতিযা চ উপনিস্সযপচ্চযেন পচ্চযো. (৩)

সপ্পীতিকো চ অপ্পীতিকো চ ধম্মা সপ্পীতিকস্স ধম্মস্স উপনিস্সযপচ্চযেন পচ্চযো (তীণিপি উপনিস্সযা). সপ্পীতিকা খন্ধা চ পীতি চ সপ্পীতিকানং খন্ধানং উপনিস্সযপচ্চযেন পচ্চযো. (মূলং কাতব্বং.) সপ্পীতিকা খন্ধা চ পীতি চ অপ্পীতিকানং খন্ধানং পীতিযা চ উপনিস্সযপচ্চযেন পচ্চযো. (মূলং কাতব্বং.) সপ্পীতিকা খন্ধা চ পীতি চ সপ্পীতিকানং খন্ধানং পীতিযা চ উপনিস্সযপচ্চযেন পচ্চযো. (৩)

পুৰেজাতপচ্চযো

১৬১. অপ্পীতিকো ধম্মো অপ্পীতিকস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অপ্পীতিকেন চিত্তেন অনিচ্চতো…পে… ৱিপস্সতি, অস্সাদেতি অভিনন্দতি, তং আৰব্ভ অপ্পীতিকো ৰাগো…পে… দোমনস্সং উপ্পজ্জতি, পীতি উপ্পজ্জতি, দিব্বেন চক্খুনা ৰূপং পস্সতি…পে… ফোট্ঠব্বাযতনং কাযৱিঞ্ঞাণস্স…পে…. ৱত্থুপুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু অপ্পীতিকানং খন্ধানং পীতিযা চ পুৰেজাতপচ্চযেন পচ্চযো. (১)

অপ্পীতিকো ধম্মো সপ্পীতিকস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং সপ্পীতিকেন চিত্তেন অনিচ্চতো…পে… ৱিপস্সতি, অস্সাদেতি অভিনন্দতি, তং আৰব্ভ সপ্পীতিকো ৰাগো উপ্পজ্জতি, দিট্ঠি উপ্পজ্জতি. ৱত্থুপুৰেজাতং – ৱত্থু সপ্পীতিকানং খন্ধানং পুৰেজাতপচ্চযেন পচ্চযো. (২)

অপ্পীতিকো ধম্মো সপ্পীতিকস্স চ অপ্পীতিকস্স চ ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং সপ্পীতিকেন চিত্তেন অনিচ্চতো…পে… ৱিপস্সতি অস্সাদেতি অভিনন্দতি, তং আৰব্ভ পীতি চ সম্পযুত্তকা খন্ধা চ উপ্পজ্জন্তি. ৱত্থুপুৰেজাতং – ৱত্থু সপ্পীতিকানং খন্ধানং পীতিযা চ পুৰেজাতপচ্চযেন পচ্চযো. (৩)

পচ্ছাজাতপচ্চযাদি

১৬২. সপ্পীতিকো ধম্মো অপ্পীতিকস্স ধম্মস্স পচ্ছাজাতপচ্চযেন পচ্চযো… তীণি… আসেৱনপচ্চযেন পচ্চযো… নৱ… কম্মপচ্চযেন পচ্চযো… ছ (সহজাতাপি নানাক্খণিকাপি কাতব্বা… দ্ৱে নানাক্খণিকা)… ৱিপাকপচ্চযেন পচ্চযো… নৱ… আহাৰপচ্চযেন পচ্চযো… চত্তাৰি… ইন্দ্ৰিযপচ্চযেন পচ্চযো… চত্তাৰি… ঝানপচ্চযেন পচ্চযো… নৱ… মগ্গপচ্চযেন পচ্চযো… চত্তাৰি… সম্পযুত্তপচ্চযেন পচ্চযো… ছ… ৱিপ্পযুত্তপচ্চযেন পচ্চযো… পঞ্চ… অত্থিপচ্চযেন পচ্চযো… নৱ (সংখিত্তং. সৱিতক্কদুকসদিসং কাতব্বং.)… নত্থিপচ্চযেন পচ্চযো… ৱিগতপচ্চযেন পচ্চযো… অৱিগতপচ্চযেন পচ্চযো… নৱ.