১-৪. পচ্চযানুলোমাদি

১৪৭. সপ্পীতিকং ধম্মং পচ্চযা সপ্পীতিকো ধম্মো উপ্পজ্জতি হেতুপচ্চযা. (সংখিত্তং. যথা সৱিতক্কদুকে অনুলোমপচ্চযৱাৰং, এৱং পৱত্তিপটিসন্ধি নৱ পঞ্হা পৰিপুণ্ণা পীতি নিন্নানাকৰণা.)

হেতুযা নৱ, আৰম্মণে নৱ, অধিপতিযা নৱ…পে… অৱিগতে নৱ.

অনুলোমং.

সপ্পীতিকং ধম্মং পচ্চযা সপ্পীতিকো ধম্মো উপ্পজ্জতি নহেতুপচ্চযা… তীণি (পটিচ্চসদিসা).

অপ্পীতিকং ধম্মং পচ্চযা অপ্পীতিকো ধম্মো উপ্পজ্জতি নহেতুপচ্চযা. (পৱত্তিপটিসন্ধি কাতব্বা পটিচ্চৱাৰসদিসা, যাৱ অসঞ্ঞসত্তা.) চক্খাযতনং পচ্চযা চক্খুৱিঞ্ঞাণং…পে… কাযাযতনং পচ্চযা কাযৱিঞ্ঞাণং, ৱত্থুং পচ্চযা অহেতুকা অপ্পীতিকা খন্ধা পীতি চ, ৱিচিকিচ্ছাসহগতে উদ্ধচ্চসহগতে খন্ধে চ ৱত্থুঞ্চ পচ্চযা ৱিচিকিচ্ছাসহগতো উদ্ধচ্চসহগতো মোহো. (অনুলোমসদিসা নৱ পঞ্হা, পৱত্তিযেৱ পটিসন্ধি নত্থি, একোযেৱ মোহো.)

নহেতুযা নৱ, নআৰম্মণে তীণি, নঅধিপতিযা নৱ, নঅনন্তৰে তীণি…পে… নউপনিস্সযে তীণি, নপুৰেজাতে নৱ, নপচ্ছাজাতে নৱ, নআসেৱনে নৱ, নকম্মে নৱ, নৱিপাকে নৱ, নআহাৰে একং, নইন্দ্ৰিযে একং, নঝানে একং, নমগ্গে নৱ, নসম্পযুত্তে তীণি, নৱিপ্পযুত্তে ছ, নোনত্থিযা তীণি, নোৱিগতে তীণি.

পচ্চনীযং.