১. ৱিভঙ্গৱাৰো

হেতুপচ্চযো

১১৬. সৱিতক্কো ধম্মো সৱিতক্কস্স ধম্মস্স হেতুপচ্চযেন পচ্চযো – সৱিতক্কা হেতূ সম্পযুত্তকানং খন্ধানং হেতুপচ্চযেন পচ্চযো; পটিসন্ধিক্খণে…পে…. সৱিতক্কো ধম্মো অৱিতক্কস্স ধম্মস্স হেতুপচ্চযেন পচ্চযো – সৱিতক্কা হেতূ ৱিতক্কস্স চিত্তসমুট্ঠানানঞ্চ ৰূপানং হেতুপচ্চযেন পচ্চযো; পটিসন্ধিক্খণে…পে…. (মূলং কাতব্বং.) সৱিতক্কা হেতূ সম্পযুত্তকানং খন্ধানং ৱিতক্কস্স চ চিত্তসমুট্ঠানানঞ্চ ৰূপানং হেতুপচ্চযেন পচ্চযো; পটিসন্ধিক্খণে…পে… (৩)

অৱিতক্কো ধম্মো অৱিতক্কস্স ধম্মস্স হেতুপচ্চযেন পচ্চযো – অৱিতক্কা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো; পটিসন্ধিক্খণে…পে…. (১)

আৰম্মণপচ্চযো

১১৭. সৱিতক্কো ধম্মো সৱিতক্কস্স ধম্মস্স আৰম্মণপচ্চযেন পচ্চযো – সৱিতক্কে খন্ধে আৰব্ভ সৱিতক্কা খন্ধা উপ্পজ্জন্তি. (মূলং কাতব্বং.) সৱিতক্কে খন্ধে আৰব্ভ অৱিতক্কা খন্ধা চ ৱিতক্কো চ উপ্পজ্জন্তি. (মূলং কাতব্বং.) সৱিতক্কে খন্ধে আৰব্ভ সৱিতক্কা খন্ধা চ ৱিতক্কো চ উপ্পজ্জন্তি. (৩)

১১৮. অৱিতক্কো ধম্মো অৱিতক্কস্স ধম্মস্স আৰম্মণপচ্চযেন পচ্চযো – অৰিযা অৱিতক্কা ঝানা ৱুট্ঠহিত্ৱা অৱিতক্কং ঝানং পচ্চৱেক্খন্তি, মগ্গা ৱুট্ঠহিত্ৱা মগ্গং পচ্চৱেক্খন্তি, ফলা ৱুট্ঠহিত্ৱা ফলং পচ্চৱেক্খন্তি, নিব্বানং পচ্চৱেক্খন্তি, নিব্বানং অৱিতক্কস্স মগ্গস্স, ফলস্স, ৱিতক্কস্স চ আৰম্মণপচ্চযেন পচ্চযো; চক্খুং…পে… ৱত্থুং অৱিতক্কে খন্ধে চ ৱিতক্কঞ্চ অনিচ্চতো…পে… ৱিপস্সতি অস্সাদেতি অভিনন্দতি, তং আৰব্ভ ৱিতক্কো উপ্পজ্জতি, দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি, চেতোপৰিযঞাণেন অৱিতক্কচিত্তসমঙ্গিস্স চিত্তং জানাতি, আকাসানঞ্চাযতনং…পে… আকিঞ্চঞ্ঞাযতনং…পে… ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং…পে… অৱিতক্কা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স যথাকম্মূপগঞাণস্স, অনাগতংসঞাণস্স, ৱিতক্কস্স চ আৰম্মণপচ্চযেন পচ্চযো; অৱিতক্কে খন্ধে চ ৱিতক্কঞ্চ আৰব্ভ অৱিতক্কা খন্ধা চ ৱিতক্কো চ উপ্পজ্জন্তি. (১)

অৱিতক্কো ধম্মো সৱিতক্কস্স ধম্মস্স আৰম্মণপচ্চযেন পচ্চযো – অৰিযা অৱিতক্কা ঝানা ৱুট্ঠহিত্ৱা…পে… মগ্গা ৱুট্ঠহিত্ৱা…পে… ফলা ৱুট্ঠহিত্ৱা ফলং পচ্চৱেক্খন্তি, নিব্বানং পচ্চৱেক্খন্তি, নিব্বানং গোত্ৰভুস্স, ৱোদানস্স, সৱিতক্কস্স মগ্গস্স, ফলস্স, আৱজ্জনায আৰম্মণপচ্চযেন পচ্চযো; চক্খুং…পে… ৱত্থুং অৱিতক্কে খন্ধে চ ৱিতক্কঞ্চ অনিচ্চতো…পে… ৱিপস্সতি অস্সাদেতি অভিনন্দতি, তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি; অৱিতক্কে খন্ধে চ ৱিতক্কঞ্চ আৰব্ভ সৱিতক্কা খন্ধা উপ্পজ্জন্তি. (২)

অৱিতক্কো ধম্মো সৱিতক্কস্স চ অৱিতক্কস্স চ ধম্মস্স আৰম্মণপচ্চযেন পচ্চযো – অৰিযা অৱিতক্কা ঝানা ৱুট্ঠহিত্ৱা…পে… মগ্গা ৱুট্ঠহিত্ৱা…পে… ফলা ৱুট্ঠহিত্ৱা ফলং পচ্চৱেক্খন্তি, নিব্বানং পচ্চৱেক্খন্তি, নিব্বানং গোত্ৰভুস্স, ৱোদানস্স, সৱিতক্কস্স মগ্গস্স, ফলস্স, আৱজ্জনায, ৱিতক্কস্স চ আৰম্মণপচ্চযেন পচ্চযো; চক্খুং…পে… ৱত্থুং অৱিতক্কে খন্ধে চ ৱিতক্কঞ্চ অনিচ্চতো…পে… ৱিপস্সতি অস্সাদেতি অভিনন্দতি, তং আৰব্ভ সৱিতক্কা খন্ধা চ ৱিতক্কো চ উপ্পজ্জন্তি, অৱিতক্কে খন্ধে চ ৱিতক্কঞ্চ আৰব্ভ সৱিতক্কা খন্ধা চ ৱিতক্কো চ উপ্পজ্জন্তি. (৩)

১১৯. সৱিতক্কো চ অৱিতক্কো চ ধম্মা সৱিতক্কস্স ধম্মস্স আৰম্মণপচ্চযেন পচ্চযো – সৱিতক্কে খন্ধে চ ৱিতক্কঞ্চ আৰব্ভ সৱিতক্কা খন্ধা উপ্পজ্জন্তি. (মূলং কাতব্বং.) সৱিতক্কে খন্ধে চ ৱিতক্কঞ্চ আৰব্ভ অৱিতক্কা খন্ধা চ ৱিতক্কো চ উপ্পজ্জন্তি. (মূলং কাতব্বং.) সৱিতক্কে খন্ধে চ ৱিতক্কঞ্চ আৰব্ভ সৱিতক্কা খন্ধা চ ৱিতক্কো চ উপ্পজ্জন্তি. (৩)

অধিপতিপচ্চযো

১২০. সৱিতক্কো ধম্মো সৱিতক্কস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – সৱিতক্কে খন্ধে গৰুং কত্ৱা সৱিতক্কা খন্ধা উপ্পজ্জন্তি. সহজাতাধিপতি – সৱিতক্কাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

সৱিতক্কো ধম্মো অৱিতক্কস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – সৱিতক্কে খন্ধে গৰুং কত্ৱা ৱিতক্কো উপ্পজ্জতি. সহজাতাধিপতি – সৱিতক্কাধিপতি ৱিতক্কস্স চ চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (২)

সৱিতক্কো ধম্মো সৱিতক্কস্স চ অৱিতক্কস্স চ ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – সৱিতক্কে খন্ধে গৰুং কত্ৱা সৱিতক্কা খন্ধা চ ৱিতক্কো চ উপ্পজ্জন্তি. সহজাতাধিপতি – সৱিতক্কাধিপতি সম্পযুত্তকানং খন্ধানং ৱিতক্কস্স চ চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৩)

১২১. অৱিতক্কো ধম্মো অৱিতক্কস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – অৰিযা অৱিতক্কা ঝানা ৱুট্ঠহিত্ৱা…পে… মগ্গা ৱুট্ঠহিত্ৱা…পে… ফলা ৱুট্ঠহিত্ৱা ফলং গৰুং কত্ৱা পচ্চৱেক্খন্তি, নিব্বানং গৰুং কত্ৱা পচ্চৱেক্খন্তি, নিব্বানং অৱিতক্কস্স মগ্গস্স, ফলস্স, ৱিতক্কস্স চ অধিপতিপচ্চযেন পচ্চযো; চক্খুং…পে… ৱত্থুং অৱিতক্কে খন্ধে চ ৱিতক্কঞ্চ গৰুং কত্ৱা অস্সাদেতি অভিনন্দতি, তং গৰুং কত্ৱা ৱিতক্কো উপ্পজ্জতি. সহজাতাধিপতি – অৱিতক্কাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (১)

অৱিতক্কো ধম্মো সৱিতক্কস্স ধম্মস্স অধিপতিপচ্চযেন পচ্চযো. আৰম্মণাধিপতি – অৰিযা অৱিতক্কা ঝানা ৱুট্ঠহিত্ৱা…পে… মগ্গা ৱুট্ঠহিত্ৱা…পে… ফলা ৱুট্ঠহিত্ৱা ফলং গৰুং কত্ৱা পচ্চৱেক্খন্তি, নিব্বানং গৰুং কত্ৱা পচ্চৱেক্খন্তি, নিব্বানং গোত্ৰভুস্স, ৱোদানস্স, সৱিতক্কস্স মগ্গস্স, ফলস্স অধিপতিপচ্চযেন পচ্চযো; চক্খুং…পে… ৱত্থুং অৱিতক্কে খন্ধে চ ৱিতক্কঞ্চ গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি, অৱিতক্কে খন্ধে চ ৱিতক্কঞ্চ গৰুং কত্ৱা সৱিতক্কা খন্ধা উপ্পজ্জন্তি. (২)

অৱিতক্কো ধম্মো সৱিতক্কস্স চ অৱিতক্কস্স চ ধম্মস্স অধিপতিপচ্চযেন পচ্চযো. আৰম্মণাধিপতি – অৰিযা অৱিতক্কা ঝানা ৱুট্ঠহিত্ৱা…পে… মগ্গা ৱুট্ঠহিত্ৱা…পে… ফলা ৱুট্ঠহিত্ৱা ফলং গৰুং কত্ৱা পচ্চৱেক্খন্তি, নিব্বানং গৰুং কত্ৱা পচ্চৱেক্খন্তি, নিব্বানং গোত্ৰভুস্স, ৱোদানস্স, সৱিতক্কস্স মগ্গস্স, ফলস্স, ৱিতক্কস্স চ অধিপতিপচ্চযেন পচ্চযো; চক্খুং…পে… ৱত্থুং অৱিতক্কে খন্ধে চ ৱিতক্কঞ্চ গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি; অৱিতক্কে খন্ধে চ ৱিতক্কঞ্চ গৰুং কত্ৱা সৱিতক্কা খন্ধা চ ৱিতক্কো চ উপ্পজ্জন্তি. (৩)

সৱিতক্কো চ অৱিতক্কো চ ধম্মা সৱিতক্কস্স ধম্মস্স অধিপতিপচ্চযেন পচ্চযো. আৰম্মণাধিপতি – সৱিতক্কে খন্ধে চ ৱিতক্কঞ্চ গৰুং কত্ৱা সৱিতক্কা খন্ধা উপ্পজ্জন্তি. (মূলং কাতব্বং.) সৱিতক্কে খন্ধে চ ৱিতক্কঞ্চ গৰুং কত্ৱা ৱিতক্কো উপ্পজ্জতি. (মূলং কাতব্বং.) সৱিতক্কে খন্ধে চ ৱিতক্কঞ্চ গৰুং কত্ৱা সৱিতক্কা খন্ধা চ ৱিতক্কো চ উপ্পজ্জন্তি. (৩)

অনন্তৰপচ্চযাদি

১২২. সৱিতক্কো ধম্মো সৱিতক্কস্স ধম্মস্স অনন্তৰপচ্চযেন পচ্চযো – পুৰিমা পুৰিমা সৱিতক্কা খন্ধা পচ্ছিমানং পচ্ছিমানং সৱিতক্কানং খন্ধানং অনন্তৰপচ্চযেন পচ্চযো. (১)

সৱিতক্কো ধম্মো অৱিতক্কস্স ধম্মস্স অনন্তৰপচ্চযেন পচ্চযো – পুৰিমা পুৰিমা সৱিতক্কা খন্ধা পচ্ছিমস্স পচ্ছিমস্স ৱিতক্কস্স অনন্তৰপচ্চযেন পচ্চযো; সৱিতক্কং চুতিচিত্তং অৱিতক্কস্স উপপত্তিচিত্তস্স অনন্তৰপচ্চযেন পচ্চযো; আৱজ্জনা পঞ্চন্নং ৱিঞ্ঞাণানং অনন্তৰপচ্চযেন পচ্চযো; সৱিতক্কা খন্ধা অৱিতক্কস্স ৱুট্ঠানস্স অনন্তৰপচ্চযেন পচ্চযো; দুতিযস্স ঝানস্স পৰিকম্মং দুতিযস্স ঝানস্স অনন্তৰপচ্চযেন পচ্চযো; ততিযস্স ঝানস্স পৰিকম্মং…পে… নেৱসঞ্ঞানাসঞ্ঞাযতনস্স পৰিকম্মং নেৱসঞ্ঞানাসঞ্ঞাযতনস্স…পে… দিব্বস্স চক্খুস্স পৰিকম্মং…পে… দিব্বায সোতধাতুযা পৰিকম্মং…পে… ইদ্ধিৱিধঞাণস্স পৰিকম্মং…পে… চেতোপৰিযঞাণস্স পৰিকম্মং…পে… পুব্বেনিৱাসানুস্সতিঞাণস্স পৰিকম্মং…পে… যথাকম্মূপগঞাণস্স পৰিকম্মং যথাকম্মূপগঞাণস্স…পে… অনাগতংসঞাণস্স পৰিকম্মং অনাগতংসঞাণস্স অনন্তৰপচ্চযেন পচ্চযো. গোত্ৰভু অৱিতক্কস্স মগ্গস্স… ৱোদানং অৱিতক্কস্স মগ্গস্স… অনুলোমং অৱিতক্কায ফলসমাপত্তিযা অনন্তৰপচ্চযেন পচ্চযো. (২)

সৱিতক্কো ধম্মো সৱিতক্কস্স চ অৱিতক্কস্স চ ধম্মস্স অনন্তৰপচ্চযেন পচ্চযো – পুৰিমা পুৰিমা সৱিতক্কা খন্ধা পচ্ছিমানং পচ্ছিমানং সৱিতক্কানং খন্ধানং ৱিতক্কস্স চ অনন্তৰপচ্চযেন পচ্চযো. (৩)

১২৩. অৱিতক্কো ধম্মো অৱিতক্কস্স ধম্মস্স অনন্তৰপচ্চযেন পচ্চযো – পুৰিমো পুৰিমো ৱিতক্কো পচ্ছিমস্স পচ্ছিমস্স ৱিতক্কস্স অনন্তৰপচ্চযেন পচ্চযো; পুৰিমা পুৰিমা অৱিতক্কা খন্ধা পচ্ছিমানং পচ্ছিমানং অৱিতক্কানং খন্ধানং অনন্তৰপচ্চযেন পচ্চযো; অৱিতক্কো মগ্গো অৱিতক্কস্স ফলস্স…পে… অৱিতক্কং ফলং অৱিতক্কস্স ফলস্স …পে… নিৰোধা ৱুট্ঠহন্তস্স নেৱসঞ্ঞানাসঞ্ঞাযতনং অৱিতক্কায ফলসমাপত্তিযা অনন্তৰপচ্চযেন পচ্চযো. (১)

অৱিতক্কো ধম্মো সৱিতক্কস্স ধম্মস্স অনন্তৰপচ্চযেন পচ্চযো – পুৰিমো পুৰিমো ৱিতক্কো পচ্ছিমানং পচ্ছিমানং সৱিতক্কানং খন্ধানং অনন্তৰপচ্চযেন পচ্চযো; অৱিতক্কং চুতিচিত্তং সৱিতক্কস্স উপপত্তিচিত্তস্স, অৱিতক্কং ভৱঙ্গং আৱজ্জনায, অৱিতক্কা খন্ধা সৱিতক্কস্স ৱুট্ঠানস্স অনন্তৰপচ্চযেন পচ্চযো. (২)

অৱিতক্কো ধম্মো সৱিতক্কস্স চ অৱিতক্কস্স চ ধম্মস্স অনন্তৰপচ্চযেন পচ্চযো – পুৰিমো পুৰিমো ৱিতক্কো পচ্ছিমানং পচ্ছিমানং সৱিতক্কানং খন্ধানং ৱিতক্কস্স চ অনন্তৰপচ্চযেন পচ্চযো. (৩)

১২৪. সৱিতক্কো চ অৱিতক্কো চ ধম্মা সৱিতক্কস্স ধম্মস্স অনন্তৰপচ্চযেন পচ্চযো – পুৰিমা পুৰিমা সৱিতক্কা খন্ধা চ ৱিতক্কো চ পচ্ছিমানং পচ্ছিমানং সৱিতক্কানং খন্ধানং অনন্তৰপচ্চযেন পচ্চযো. (১)

সৱিতক্কো চ অৱিতক্কো চ ধম্মা অৱিতক্কস্স ধম্মস্স অনন্তৰপচ্চযেন পচ্চযো – পুৰিমা পুৰিমা সৱিতক্কা খন্ধা চ ৱিতক্কো চ পচ্ছিমস্স পচ্ছিমস্স ৱিতক্কস্স অনন্তৰপচ্চযেন পচ্চযো; সৱিতক্কং চুতিচিত্তঞ্চ ৱিতক্কো চ অৱিতক্কস্স উপপত্তিচিত্তস্স…পে… আৱজ্জনা চ ৱিতক্কো চ পঞ্চন্নং ৱিঞ্ঞাণানং…পে… সৱিতক্কা খন্ধা চ ৱিতক্কো চ অৱিতক্কস্স ৱুট্ঠানস্স অনন্তৰপচ্চযেন পচ্চযো; দুতিযস্স ঝানস্স পৰিকম্মঞ্চ ৱিতক্কো চ…পে… (হেট্ঠা লিখিতং লেখং ইমিনা কাৰণেন দট্ঠব্বং); অনুলোমঞ্চ ৱিতক্কো চ অৱিতক্কায ফলসমাপত্তিযা অনন্তৰপচ্চযেন পচ্চযো. (২)

সৱিতক্কো চ অৱিতক্কো চ ধম্মা সৱিতক্কস্স চ অৱিতক্কস্স চ ধম্মস্স অনন্তৰপচ্চযেন পচ্চযো – পুৰিমা পুৰিমা সৱিতক্কা খন্ধা চ ৱিতক্কো চ পচ্ছিমানং পচ্ছিমানং সৱিতক্কানং খন্ধানং ৱিতক্কস্স চ অনন্তৰপচ্চযেন পচ্চযো. (৩)

সমনন্তৰপচ্চযেন পচ্চযো… সহজাতপচ্চযেন পচ্চযো… নৱ… অঞ্ঞমঞ্ঞপচ্চযেন পচ্চযো… নৱ… নিস্সযপচ্চযেন পচ্চযো… নৱ.

উপনিস্সযপচ্চযো

১২৫. সৱিতক্কো ধম্মো সৱিতক্কস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সৱিতক্কা খন্ধা সৱিতক্কানং খন্ধানং উপনিস্সযপচ্চযেন পচ্চযো. (মূলং কাতব্বং.) সৱিতক্কা খন্ধা অৱিতক্কানং খন্ধানং ৱিতক্কস্স চ উপনিস্সযপচ্চযেন পচ্চযো. (মূলং কাতব্বং.) সৱিতক্কা খন্ধা সৱিতক্কানং খন্ধানং ৱিতক্কস্স চ উপনিস্সযপচ্চযেন পচ্চযো. (৩)

১২৬. অৱিতক্কো ধম্মো অৱিতক্কস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – অৱিতক্কং সদ্ধং উপনিস্সায অৱিতক্কং ঝানং উপ্পাদেতি, মগ্গং উপ্পাদেতি, অভিঞ্ঞং উপ্পাদেতি, সমাপত্তিং উপ্পাদেতি; অৱিতক্কং সীলং…পে… পঞ্ঞং… কাযিকং সুখং… কাযিকং দুক্খং… উতুং… ভোজনং… সেনাসনং ৱিতক্কং উপনিস্সায অৱিতক্কং ঝানং উপ্পাদেতি, মগ্গং…পে… অভিঞ্ঞং…পে… সমাপত্তিং উপ্পাদেতি; অৱিতক্কা সদ্ধা…পে… সেনাসনং ৱিতক্কো চ অৱিতক্কায সদ্ধায…পে… পঞ্ঞায… কাযিকস্স সুখস্স… কাযিকস্স দুক্খস্স… অৱিতক্কস্স মগ্গস্স… ফলসমাপত্তিযা উপনিস্সযপচ্চযেন পচ্চযো. (১)

অৱিতক্কো ধম্মো সৱিতক্কস্স ধম্মস্স উপনিস্সযপচ্চযেন পচ্চযো (তীণিপি উপনিস্সযা সব্বত্থ কাতব্বা). অৱিতক্কং সদ্ধং উপনিস্সায দানং দেতি, সীলং সমাদিযতি, উপোসথকম্মং কৰোতি; সৱিতক্কং ঝানং উপ্পাদেতি, ৱিপস্সনং…পে… মগ্গং…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি; অৱিতক্কং সীলং…পে… সেনাসনং ৱিতক্কং উপনিস্সায দানং দেতি…পে… সমাপত্তিং উপ্পাদেতি, পাণং হনতি…পে… সঙ্ঘং ভিন্দতি; অৱিতক্কা সদ্ধা…পে… সেনাসনং ৱিতক্কো চ সৱিতক্কায সদ্ধায…পে… পঞ্ঞায… ৰাগস্স…পে… পত্থনায সৱিতক্কস্স মগ্গস্স, ফলসমাপত্তিযা উপনিস্সযপচ্চযেন পচ্চযো. (২)

অৱিতক্কো ধম্মো সৱিতক্কস্স চ অৱিতক্কস্স চ ধম্মস্স উপনিস্সযপচ্চযেন পচ্চযো – অৱিতক্কং সদ্ধং উপনিস্সায দানং দেতি…পে… (দুতিযৱাৰে লিখিতপদা সব্বে কাতব্বা) সমাপত্তিং উপ্পাদেতি, মানং জপ্পেতি, দিট্ঠিং গণ্হাতি; সীলং…পে… পঞ্ঞং…পে… সেনাসনং ৱিতক্কং উপনিস্সায দানং দেতি…পে… পাণং হনতি…পে… সঙ্ঘং ভিন্দতি; অৱিতক্কা সদ্ধা…পে… সেনাসনং ৱিতক্কো চ সৱিতক্কায সদ্ধায…পে… পঞ্ঞায… ৰাগস্স …পে… পত্থনায সৱিতক্কস্স মগ্গস্স, ফলসমাপত্তিযা ৱিতক্কস্স চ উপনিস্সযপচ্চযেন পচ্চযো. (৩)

১২৭. সৱিতক্কো চ অৱিতক্কো চ ধম্মা সৱিতক্কস্স ধম্মস্স উপনিস্সযপচ্চযেন পচ্চযো – সৱিতক্কা খন্ধা চ ৱিতক্কো চ সৱিতক্কানং খন্ধানং উপনিস্সযপচ্চযেন পচ্চযো. (মূলং কাতব্বং.) সৱিতক্কা খন্ধা চ ৱিতক্কো চ অৱিতক্কানং খন্ধানং ৱিতক্কস্স চ উপনিস্সযপচ্চযেন পচ্চযো. (মূলং কাতব্বং.) সৱিতক্কা খন্ধা চ ৱিতক্কো চ সৱিতক্কানং খন্ধানং ৱিতক্কস্স চ উপনিস্সযপচ্চযেন পচ্চযো. (৩)

পুৰেজাতপচ্চযো

১২৮. অৱিতক্কো ধম্মো অৱিতক্কস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অনিচ্চতো…পে… ৱিপস্সতি অস্সাদেতি অভিনন্দতি, তং আৰব্ভ ৱিতক্কো উপ্পজ্জতি, দিব্বেন চক্খুনা ৰূপং পস্সতি…পে… ফোট্ঠব্বাযতনং কাযৱিঞ্ঞাণস্স…পে…. ৱত্থুপুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু অৱিতক্কানং খন্ধানং ৱিতক্কস্স চ পুৰেজাতপচ্চযেন পচ্চযো.

অৱিতক্কো ধম্মো সৱিতক্কস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অনিচ্চতো…পে… ৱিপস্সতি অস্সাদেতি অভিনন্দতি, তং আৰব্ভ সৱিতক্কা খন্ধা উপ্পজ্জন্তি. ৱত্থুপুৰেজাতং – ৱত্থু সৱিতক্কানং খন্ধানং পুৰেজাতপচ্চযেন পচ্চযো.

অৱিতক্কো ধম্মো সৱিতক্কস্স চ অৱিতক্কস্স চ ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অনিচ্চতো…পে… ৱিপস্সতি, অস্সাদেতি অভিনন্দতি, তং আৰব্ভ সৱিতক্কা খন্ধা চ ৱিতক্কো চ উপ্পজ্জন্তি. ৱত্থুপুৰেজাতং – ৱত্থু সৱিতক্কানং খন্ধানং ৱিতক্কস্স চ পুৰেজাতপচ্চযেন পচ্চযো. (৩)

পচ্ছাজাতাসেৱনপচ্চযা

১২৯. সৱিতক্কো ধম্মো অৱিতক্কস্স ধম্মস্স পচ্ছাজাতপচ্চযেন পচ্চযো (তীণি, পচ্ছাজাতা)… আসেৱনপচ্চযেন পচ্চযো… নৱ.

কম্মপচ্চযাদি

১৩০. সৱিতক্কো ধম্মো সৱিতক্কস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – সৱিতক্কা চেতনা সম্পযুত্তকানং খন্ধানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – সৱিতক্কা চেতনা ৱিপাকানং সৱিতক্কানং খন্ধানং কম্মপচ্চযেন পচ্চযো. (এৱং চত্তাৰি, সহজাতাপি নানাক্খণিকাপি কাতব্বা.)

ৱিপাকপচ্চযেন পচ্চযো… নৱ… আহাৰপচ্চযেন পচ্চযো… চত্তাৰি… ইন্দ্ৰিযপচ্চযেন পচ্চযো… চত্তাৰি… ঝানপচ্চযেন পচ্চযো… নৱ… মগ্গপচ্চযেন পচ্চযো… নৱ… সম্পযুত্তপচ্চযেন পচ্চযো… ছ.

১৩১. সৱিতক্কো ধম্মো সৱিতক্কস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং (সংখিত্তং). (১)

অৱিতক্কো ধম্মো অৱিতক্কস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং (সংখিত্তং). অৱিতক্কো ধম্মো সৱিতক্কস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং (সংখিত্তং). অৱিতক্কো ধম্মো সৱিতক্কস্স চ অৱিতক্কস্স চ ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং. সহজাতং – পটিসন্ধিক্খণে ৱত্থু ৱিতক্কস্স সম্পযুত্তকানঞ্চ খন্ধানং ৱিপ্পযুত্তপচ্চযেন পচ্চযো. পুৰেজাতং – ৱত্থু ৱিতক্কস্স সম্পযুত্তকানঞ্চ খন্ধানং ৱিপ্পযুত্তপচ্চযেন পচ্চযো. (৩)

সৱিতক্কো চ অৱিতক্কো চ ধম্মা অৱিতক্কস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং (সংখিত্তং).

অত্থিপচ্চযাদি

১৩২. সৱিতক্কো ধম্মো সৱিতক্কস্স ধম্মস্স অত্থিপচ্চযেন পচ্চযো (একং, পটিচ্চসদিসং). সৱিতক্কো ধম্মো অৱিতক্কস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং (সংখিত্তং). সৱিতক্কো ধম্মো সৱিতক্কস্স চ অৱিতক্কস্স চ ধম্মস্স অত্থিপচ্চযেন পচ্চযো (পটিচ্চসদিসং). (৩)

অৱিতক্কো ধম্মো অৱিতক্কস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং (সংখিত্তং). অৱিতক্কো ধম্মো সৱিতক্কস্স ধম্মস্স অত্থিপচ্চযেন পচ্চযো – সহজাতং, পুৰেজাতং (সংখিত্তং). অৱিতক্কো ধম্মো সৱিতক্কস্স চ অৱিতক্কস্স চ ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – ৱিতক্কো সম্পযুত্তকানং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো; পটিসন্ধিক্খণে ৱিতক্কো সম্পযুত্তকানং খন্ধানং কটত্তা চ ৰূপানং অত্থিপচ্চযেন পচ্চযো, পটিসন্ধিক্খণে ৱত্থু ৱিতক্কস্স সম্পযুত্তকানঞ্চ খন্ধানং অত্থিপচ্চযেন পচ্চযো. পুৰেজাতং – চক্খুং…পে… ৱত্থুং অনিচ্চতো…পে… ৱিপস্সতি অস্সাদেতি অভিনন্দতি, তং আৰব্ভ ৱিতক্কো চ সম্পযুত্তকা চ খন্ধা উপ্পজ্জন্তি, ৱত্থু ৱিতক্কস্স সম্পযুত্তকানঞ্চ খন্ধানং অত্থিপচ্চযেন পচ্চযো. (৩)

১৩৩. সৱিতক্কো চ অৱিতক্কো চ ধম্মা সৱিতক্কস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – সৱিতক্কো একো খন্ধো চ ৱিতক্কো চ তিণ্ণন্নং খন্ধানং অত্থিপচ্চযেন পচ্চযো…পে… দ্ৱে খন্ধা চ…পে…. সহজাতো – সৱিতক্কো একো খন্ধো চ ৱত্থু চ তিণ্ণন্নং খন্ধানং অত্থিপচ্চযেন পচ্চযো…পে… দ্ৱে খন্ধা চ…পে… (পটিসন্ধিক্খণে সহজাতাপি দ্ৱেপি কাতব্বা). (১)

সৱিতক্কো চ অৱিতক্কো চ ধম্মা অৱিতক্কস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং. সহজাতা – সৱিতক্কা খন্ধা চ ৱিতক্কো চ চিত্তসমুট্ঠানানং ৰূপানং অত্থিপচ্চযেন পচ্চযো. সহজাতা – সৱিতক্কা খন্ধা চ ৱত্থু চ ৱিতক্কস্স অত্থিপচ্চযেন পচ্চযো (পটিসন্ধিক্খণে, তীণি). পচ্ছাজাতা – সৱিতক্কা খন্ধা চ ৱিতক্কো চ পুৰেজাতস্স ইমস্স কাযস্স অত্থিপচ্চযেন পচ্চযো. পচ্ছাজাতা – সৱিতক্কা খন্ধা চ ৱিতক্কো চ কবড়ীকাৰো আহাৰো চ ইমস্স কাযস্স অত্থিপচ্চযেন পচ্চযো. পচ্ছাজাতা – সৱিতক্কা খন্ধা চ ৱিতক্কো চ ৰূপজীৱিতিন্দ্ৰিযঞ্চ কটত্তাৰূপানং অত্থিপচ্চযেন পচ্চযো. (৩)

সৱিতক্কো চ অৱিতক্কো চ ধম্মা সৱিতক্কস্স চ অৱিতক্কস্স চ ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – সৱিতক্কো একো খন্ধো চ ৱিতক্কো চ তিণ্ণন্নং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো…পে… দ্ৱে খন্ধা চ…পে…. সহজাতো – সৱিতক্কো একো খন্ধো চ ৱত্থু চ তিণ্ণন্নং খন্ধানং ৱিতক্কস্স চ অত্থিপচ্চযেন পচ্চযো…পে… দ্ৱে খন্ধা চ…পে… (পটিসন্ধিযাপি দ্ৱে). (৩)

নত্থিপচ্চযেন পচ্চযো… ৱিগতপচ্চযেন পচ্চযো… অৱিগতপচ্চযেন পচ্চযো.