১-৪. পচ্চযানুলোমাদি

হেতুপচ্চযো

১১৫. সৱিতক্কং ধম্মং সংসট্ঠো সৱিতক্কো ধম্মো উপ্পজ্জতি হেতুপচ্চযা – সৱিতক্কং একং খন্ধং সংসট্ঠা তযো খন্ধা…পে… দ্ৱে খন্ধে…পে… পটিসন্ধিক্খণে…পে…. সৱিতক্কং ধম্মং সংসট্ঠো অৱিতক্কো ধম্মো উপ্পজ্জতি হেতুপচ্চযা – সৱিতক্কে খন্ধে সংসট্ঠো ৱিতক্কো; পটিসন্ধিক্খণে…পে…. সৱিতক্কং ধম্মং সংসট্ঠো সৱিতক্কো চ অৱিতক্কো চ ধম্মা উপ্পজ্জন্তি হেতুপচ্চযা – সৱিতক্কং একং খন্ধং সংসট্ঠা তযো খন্ধা ৱিতক্কো চ…পে… দ্ৱে খন্ধে…পে… পটিসন্ধিক্খণে…পে…. (৩)

অৱিতক্কং ধম্মং সংসট্ঠো অৱিতক্কো ধম্মো উপ্পজ্জতি হেতুপচ্চযা – অৱিতক্কং একং খন্ধং সংসট্ঠা তযো খন্ধা…পে… দ্ৱে খন্ধে…পে… পটিসন্ধিক্খণে…পে…. অৱিতক্কং ধম্মং সংসট্ঠো সৱিতক্কো ধম্মো উপ্পজ্জতি হেতুপচ্চযা – ৱিতক্কং সংসট্ঠা সম্পযুত্তকা খন্ধা; পটিসন্ধিক্খণে…পে…. (২)

সৱিতক্কঞ্চ অৱিতক্কঞ্চ ধম্মং সংসট্ঠো সৱিতক্কো ধম্মো উপ্পজ্জতি হেতুপচ্চযা – সৱিতক্কং একং খন্ধঞ্চ ৱিতক্কঞ্চ সংসট্ঠা তযো খন্ধা…পে… দ্ৱে খন্ধে…পে… পটিসন্ধিক্খণে…পে…. (১) (সংখিত্তং.)

হেতুযা ছ, আৰম্মণে ছ, অধিপতিযা ছ (সব্বত্থ ছ) অৱিগতে ছ.

অনুলোমং.

সৱিতক্কং ধম্মং সংসট্ঠো সৱিতক্কো ধম্মো উপ্পজ্জতি নহেতুপচ্চযা. (এৱং ছ পঞ্হা কাতব্বা অনুলোমসদিসা, অহেতুকাতি নিযামেতব্বা, তীণিযেৱ, মোহো উদ্ধৰিতব্বো.)

নহেতুযা ছ, নঅধিপতিযা ছ, নপুৰেজাতে ছ, নপচ্ছাজাতে ছ, নআসেৱনে ছ, নকম্মে চত্তাৰি, নৱিপাকে ছ, নঝানে একং, নমগ্গে ছ, নৱিপ্পযুত্তে ছ.

পচ্চনীযং.