১. ৱিভঙ্গৱাৰো

হেতুপচ্চযো

১১০. সৱিতক্কং ধম্মং পচ্চযা সৱিতক্কো ধম্মো উপ্পজ্জতি হেতুপচ্চযা… তীণি (পটিচ্চৱাৰসদিসা).

অৱিতক্কং ধম্মং পচ্চযা অৱিতক্কো ধম্মো উপ্পজ্জতি হেতুপচ্চযা – অৱিতক্কং একং খন্ধং পচ্চযা তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… ৱিতক্কং পচ্চযা চিত্তসমুট্ঠানং ৰূপং; পটিসন্ধিক্খণে অৱিতক্কং একং খন্ধং পচ্চযা তযো খন্ধা কটত্তা চ ৰূপং…পে… দ্ৱে খন্ধে…পে… পটিসন্ধিক্খণে ৱিতক্কং পচ্চযা কটত্তাৰূপং, খন্ধে পচ্চযা ৱত্থু, ৱত্থুং পচ্চযা খন্ধা, ৱিতক্কং পচ্চযা ৱত্থু, ৱত্থুং পচ্চযা ৱিতক্কো, একং মহাভূতং পচ্চযা তযো মহাভূতা…পে… ৱত্থুং পচ্চযা অৱিতক্কা খন্ধা, ৱত্থুং পচ্চযা ৱিতক্কো.

অৱিতক্কং ধম্মং পচ্চযা সৱিতক্কো ধম্মো উপ্পজ্জতি হেতুপচ্চযা – ৱিতক্কং পচ্চযা সম্পযুত্তকা খন্ধা, ৱত্থুং পচ্চযা সৱিতক্কা খন্ধা (পটিসন্ধিযাপি দ্ৱে).

অৱিতক্কং ধম্মং পচ্চযা সৱিতক্কো চ অৱিতক্কো চ ধম্মা উপ্পজ্জন্তি হেতুপচ্চযা – ৱিতক্কং পচ্চযা সম্পযুত্তকা খন্ধা চিত্তসমুট্ঠানঞ্চ ৰূপং, ৱিতক্কং পচ্চযা সম্পযুত্তকা খন্ধা, মহাভূতে পচ্চযা চিত্তসমুট্ঠানং ৰূপং, ৱত্থুং পচ্চযা সৱিতক্কা খন্ধা, মহাভূতে পচ্চযা চিত্তসমুট্ঠানং ৰূপং, ৱত্থুং পচ্চযা ৱিতক্কো সম্পযুত্তকা চ খন্ধা; পটিসন্ধিক্খণে…পে… (পটিসন্ধিযাপি পৱত্তিসদিসাযেৱ). (৩)

১১১. সৱিতক্কঞ্চ অৱিতক্কঞ্চ ধম্মং পচ্চযা সৱিতক্কো ধম্মো উপ্পজ্জতি হেতুপচ্চযা – সৱিতক্কং একং খন্ধঞ্চ ৱিতক্কঞ্চ পচ্চযা তযো খন্ধা…পে… দ্ৱে খন্ধে…পে… সৱিতক্কং একং খন্ধঞ্চ ৱত্থুঞ্চ পচ্চযা তযো খন্ধা…পে… দ্ৱে খন্ধে…পে… (পটিসন্ধিক্খণে দ্ৱে কাতব্বা). (১)

সৱিতক্কঞ্চ অৱিতক্কঞ্চ ধম্মং পচ্চযা অৱিতক্কো ধম্মো উপ্পজ্জতি হেতুপচ্চযা – সৱিতক্কে খন্ধে চ ৱিতক্কঞ্চ পচ্চযা চিত্তসমুট্ঠানং ৰূপং, সৱিতক্কে খন্ধে চ ৱিতক্কঞ্চ মহাভূতে চ পচ্চযা চিত্তসমুট্ঠানং ৰূপং, সৱিতক্কে খন্ধে চ ৱত্থুঞ্চ পচ্চযা ৱিতক্কো; পটিসন্ধিক্খণে…পে… (তীণি, পটিসন্ধিযাপি). (২)

সৱিতক্কঞ্চ অৱিতক্কঞ্চ ধম্মং পচ্চযা সৱিতক্কো চ অৱিতক্কো চ ধম্মা উপ্পজ্জন্তি হেতুপচ্চযা – সৱিতক্কং একং খন্ধঞ্চ ৱিতক্কঞ্চ পচ্চযা তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… সৱিতক্কং একং খন্ধঞ্চ ৱিতক্কঞ্চ ৱত্থুঞ্চ পচ্চযা তযো খন্ধা…পে… দ্ৱে খন্ধে…পে… সৱিতক্কে খন্ধে চ ৱিতক্কঞ্চ মহাভূতে চ পচ্চযা চিত্তসমুট্ঠানং ৰূপং, সৱিতক্কং একং খন্ধঞ্চ ৱত্থুঞ্চ পচ্চযা তযো খন্ধা ৱিতক্কো চ…পে… দ্ৱে খন্ধে…পে… পটিসন্ধিক্খণে…পে…. (৩)