১. ৱিভঙ্গৱাৰো

হেতুপচ্চযো

১০২. সৱিতক্কং ধম্মং পটিচ্চ সৱিতক্কো ধম্মো উপ্পজ্জতি হেতুপচ্চযা – সৱিতক্কং একং খন্ধং পটিচ্চ তযো খন্ধা…পে… দ্ৱে খন্ধে…পে… পটিসন্ধিক্খণে…পে…. সৱিতক্কং ধম্মং পটিচ্চ অৱিতক্কো ধম্মো উপ্পজ্জতি হেতুপচ্চযা – সৱিতক্কে খন্ধে পটিচ্চ ৱিতক্কো চিত্তসমুট্ঠানঞ্চ ৰূপং; পটিসন্ধিক্খণে…পে…. সৱিতক্কং ধম্মং পটিচ্চ সৱিতক্কো চ অৱিতক্কো চ ধম্মা উপ্পজ্জন্তি হেতুপচ্চযা – সৱিতক্কং একং খন্ধং পটিচ্চ তযো খন্ধা ৱিতক্কো চ চিত্তসমুট্ঠানঞ্চ ৰূপং…পে… দ্ৱে খন্ধে…পে… পটিসন্ধিক্খণে…পে…. (৩)

১০৩. অৱিতক্কং ধম্মং পটিচ্চ অৱিতক্কো ধম্মো উপ্পজ্জতি হেতুপচ্চযা – অৱিতক্কং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… ৱিতক্কং পটিচ্চ চিত্তসমুট্ঠানং ৰূপং; পটিসন্ধিক্খণে অৱিতক্কং একং খন্ধং পটিচ্চ তযো খন্ধা কটত্তা চ ৰূপং…পে… দ্ৱে খন্ধে…পে… ৱিতক্কং পটিচ্চ কটত্তাৰূপং, খন্ধে পটিচ্চ ৱত্থু, ৱত্থুং পটিচ্চ খন্ধা, ৱিতক্কং পটিচ্চ ৱত্থু, ৱত্থুং পটিচ্চ ৱিতক্কো, একং মহাভূতং…পে…. (১)

অৱিতক্কং ধম্মং পটিচ্চ সৱিতক্কো ধম্মো উপ্পজ্জতি হেতুপচ্চযা – ৱিতক্কং পটিচ্চ সম্পযুত্তকা খন্ধা; পটিসন্ধিক্খণে ৱিতক্কং পটিচ্চ সম্পযুত্তকা খন্ধা, পটিসন্ধিক্খণে ৱত্থুং পটিচ্চ সৱিতক্কা খন্ধা. (২)

অৱিতক্কং ধম্মং পটিচ্চ সৱিতক্কো চ অৱিতক্কো চ ধম্মা উপ্পজ্জন্তি হেতুপচ্চযা – ৱিতক্কং পটিচ্চ সম্পযুত্তকা খন্ধা চিত্তসমুট্ঠানঞ্চ ৰূপং, ৱিতক্কং পটিচ্চ সৱিতক্কা খন্ধা, মহাভূতে পটিচ্চ চিত্তসমুট্ঠানং ৰূপং; পটিসন্ধিক্খণে ৱিতক্কং পটিচ্চ সম্পযুত্তকা খন্ধা কটত্তা চ ৰূপং, পটিসন্ধিক্খণে ৱিতক্কং পটিচ্চ সৱিতক্কা খন্ধা, মহাভূতে পটিচ্চ কটত্তাৰূপং, পটিসন্ধিক্খণে ৱত্থুং পটিচ্চ সৱিতক্কা খন্ধা, মহাভূতে পটিচ্চ কটত্তাৰূপং, পটিসন্ধিক্খণে ৱত্থুং পটিচ্চ ৱিতক্কো সম্পযুত্তকা চ খন্ধা. (৩)

১০৪. সৱিতক্কঞ্চ অৱিতক্কঞ্চ ধম্মং পটিচ্চ সৱিতক্কো ধম্মো উপ্পজ্জতি হেতুপচ্চযা – সৱিতক্কং একং খন্ধঞ্চ ৱিতক্কঞ্চ পটিচ্চ তযো খন্ধা…পে… দ্ৱে খন্ধে …পে… পটিসন্ধিক্খণে সৱিতক্কং একং খন্ধঞ্চ ৱিতক্কঞ্চ পটিচ্চ তযো খন্ধা…পে… দ্ৱে খন্ধে…পে… পটিসন্ধিক্খণে সৱিতক্কং একং খন্ধঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে…পে…. (১)

সৱিতক্কঞ্চ অৱিতক্কঞ্চ ধম্মং পটিচ্চ অৱিতক্কো ধম্মো উপ্পজ্জতি হেতুপচ্চযা – সৱিতক্কে খন্ধে চ ৱিতক্কঞ্চ মহাভূতে চ পটিচ্চ চিত্তসমুট্ঠানং ৰূপং; পটিসন্ধিক্খণে সৱিতক্কে খন্ধে চ ৱিতক্কঞ্চ মহাভূতে চ পটিচ্চ কটত্তাৰূপং, পটিসন্ধিক্খণে সৱিতক্কে খন্ধে চ ৱত্থুঞ্চ পটিচ্চ ৱিতক্কো. (২)

সৱিতক্কঞ্চ অৱিতক্কঞ্চ ধম্মং পটিচ্চ সৱিতক্কো চ অৱিতক্কো চ ধম্মা উপ্পজ্জন্তি হেতুপচ্চযা – সৱিতক্কং একং খন্ধঞ্চ ৱিতক্কঞ্চ পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… সৱিতক্কং একং খন্ধঞ্চ ৱিতক্কঞ্চ পটিচ্চ তযো খন্ধা…পে… দ্ৱে খন্ধে…পে… সৱিতক্কে খন্ধে চ ৱিতক্কঞ্চ মহাভূতে চ পটিচ্চ চিত্তসমুট্ঠানং ৰূপং; পটিসন্ধিক্খণে সৱিতক্কং একং খন্ধঞ্চ ৱিতক্কঞ্চ পটিচ্চ তযো খন্ধা কটত্তা চ ৰূপং…পে… দ্ৱে খন্ধে…পে… পটিসন্ধিক্খণে সৱিতক্কং একং খন্ধঞ্চ ৱিতক্কঞ্চ পটিচ্চ তযো খন্ধা…পে… দ্ৱে খন্ধে…পে… সৱিতক্কে খন্ধে চ ৱিতক্কঞ্চ মহাভূতে চ পটিচ্চ কটত্তাৰূপং, পটিসন্ধিক্খণে সৱিতক্কং একং খন্ধঞ্চ ৱত্থুঞ্চ পটিচ্চ তযো খন্ধা ৱিতক্কো চ…পে… দ্ৱে খন্ধে…পে…. (৩) (সংখিত্তং.)