১. ৱিভঙ্গৱাৰো

হেতুপচ্চযো

৯৪. ভাৱনায পহাতব্বহেতুকো ধম্মো ভাৱনায পহাতব্বহেতুকস্স ধম্মস্স হেতুপচ্চযেন পচ্চযো… ছ…পে… (দস্সনেন পহাতব্বহেতুকদুকসদিসা).

আৰম্মণপচ্চযো

৯৫. ভাৱনায পহাতব্বহেতুকো ধম্মো ভাৱনায পহাতব্বহেতুকস্স ধম্মস্স আৰম্মণপচ্চযেন পচ্চযো… তীণি (আৰব্ভ দস্সনেন পহাতব্বহেতুকদুকসদিসা).

৯৬. নভাৱনায পহাতব্বহেতুকো ধম্মো নভাৱনায পহাতব্বহেতুকস্স ধম্মস্স আৰম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৱা তং পচ্চৱেক্খতি অস্সাদেতি অভিনন্দতি, তং আৰব্ভ নভাৱনায পহাতব্বহেতুকো ৰাগো উপ্পজ্জতি, দিট্ঠি…পে… ৱিচিকিচ্ছা…পে… নভাৱনায পহাতব্বহেতুকং দোমনস্সং উপ্পজ্জতি, পুব্বে সুচিণ্ণানি…পে… ঝানা…পে… অৰিযা মগ্গা…পে… ফলস্স, আৱজ্জনায আৰম্মণপচ্চযেন পচ্চযো; অৰিযা নভাৱনায পহাতব্বহেতুকে পহীনে কিলেসে…পে… পুব্বে সমুদাচিণ্ণে…পে… চক্খুং…পে… ৱত্থুং নভাৱনায পহাতব্বহেতুকে খন্ধে চ মোহঞ্চ অনিচ্চতো…পে… ৱিপস্সতি অস্সাদেতি অভিনন্দতি, তং আৰব্ভ নভাৱনায পহাতব্বহেতুকো ৰাগো উপ্পজ্জতি, দিট্ঠি…পে… ৱিচিকিচ্ছা…পে… নভাৱনায পহাতব্বহেতুকং দোমনস্সং উপ্পজ্জতি; দিব্বেন চক্খুনা ৰূপং পস্সতি…পে… অনাগতংসঞাণস্স, আৱজ্জনায, মোহস্স চ আৰম্মণপচ্চযেন পচ্চযো. (১)

নভাৱনায পহাতব্বহেতুকো ধম্মো ভাৱনায পহাতব্বহেতুকস্স ধম্মস্স আৰম্মণপচ্চযেন পচ্চযো – দানং…পে… সীলং…পে… ঝানং…পে… চক্খুং…পে… ৱত্থুং নভাৱনায পহাতব্বহেতুকে খন্ধে চ মোহঞ্চ অস্সাদেতি অভিনন্দতি, তং আৰব্ভ ভাৱনায পহাতব্বহেতুকো ৰাগো উপ্পজ্জতি, উদ্ধচ্চং…পে… ভাৱনায পহাতব্বহেতুকং দোমনস্সং উপ্পজ্জতি. (২)

নভাৱনায পহাতব্বহেতুকো ধম্মো ভাৱনায পহাতব্বহেতুকস্স চ নভাৱনায পহাতব্বহেতুকস্স চ ধম্মস্স আৰম্মণপচ্চযেন পচ্চযো – চক্খুং…পে… ৱত্থুং নভাৱনায পহাতব্বহেতুকে খন্ধে চ মোহঞ্চ আৰব্ভ উদ্ধচ্চসহগতা খন্ধা চ মোহো চ উপ্পজ্জন্তি (ঘটনাৰম্মণা তীণিপি কাতব্বা). (৩)

অধিপতিপচ্চযাদি

৯৭. ভাৱনায পহাতব্বহেতুকো ধম্মো ভাৱনায পহাতব্বহেতুকস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – ভাৱনায পহাতব্বহেতুকং ৰাগং গৰুং কত্ৱা অস্সাদেতি অভিনন্দতি, তং গৰুং কত্ৱা ভাৱনায পহাতব্বহেতুকো ৰাগো উপ্পজ্জতি. সহজাতাধিপতি – ভাৱনায পহাতব্বহেতুকাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

ভাৱনায পহাতব্বহেতুকো ধম্মো নভাৱনায পহাতব্বহেতুকস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – ভাৱনায পহাতব্বহেতুকং ৰাগং গৰুং কত্ৱা অস্সাদেতি অভিনন্দতি, তং গৰুং কত্ৱা নভাৱনায পহাতব্বহেতুকো ৰাগো উপ্পজ্জতি, দিট্ঠি উপ্পজ্জতি. সহজাতাধিপতি – ভাৱনায পহাতব্বহেতুকাধিপতি চিত্তসমুট্ঠানানং ৰূপানং অধিপতিপচ্চযেন পচ্চযো. (২)

ভাৱনায পহাতব্বহেতুকো ধম্মো ভাৱনায পহাতব্বহেতুকস্স চ নভাৱনায পহাতব্বহেতুকস্স চ ধম্মস্স অধিপতিপচ্চযেন পচ্চযো. সহজাতাধিপতি – ভাৱনায পহাতব্বহেতুকাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৩)

৯৮. নভাৱনায পহাতব্বহেতুকো ধম্মো নভাৱনায পহাতব্বহেতুকস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং…পে… সীলং…পে… উপোসথকম্মং কত্ৱা তং গৰুং কত্ৱা পচ্চৱেক্খতি অস্সাদেতি অভিনন্দতি, তং গৰুং কত্ৱা নভাৱনায পহাতব্বহেতুকো ৰাগো উপ্পজ্জতি, দিট্ঠি উপ্পজ্জতি, পুব্বে…পে… ঝানা…পে… অৰিযা মগ্গা ৱুট্ঠহিত্ৱা…পে… ফলস্স অধিপতিপচ্চযেন পচ্চযো; চক্খুং…পে… ৱত্থুং নভাৱনায পহাতব্বহেতুকে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা নভাৱনায পহাতব্বহেতুকো ৰাগো উপ্পজ্জতি, দিট্ঠি উপ্পজ্জতি. সহজাতাধিপতি – নভাৱনায পহাতব্বহেতুকাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (১)

নভাৱনায পহাতব্বহেতুকো ধম্মো ভাৱনায পহাতব্বহেতুকস্স ধম্মস্স অধিপতিপচ্চযেন পচ্চযো – আৰম্মণাধিপতি – দানং…পে… ঝানং…পে… চক্খুং…পে… ৱত্থুং নভাৱনায পহাতব্বহেতুকে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা ভাৱনায পহাতব্বহেতুকো ৰাগো উপ্পজ্জতি. (২)

(অনন্তৰপচ্চযে নভাৱনায পহাতব্বহেতুককাৰণা ৱিচিকিচ্ছাসহগতো মোহো ন কাতব্বো, উদ্ধচ্চসহগতো মোহো কাতব্বো.) সমনন্তৰপচ্চযেন পচ্চযো… সহজাতপচ্চযেন পচ্চযো… নৱ… অঞ্ঞমঞ্ঞপচ্চযেন পচ্চযো… ছ… নিস্সযপচ্চযেন পচ্চযো… নৱ.

উপনিস্সযপচ্চযো

৯৯. ভাৱনায পহাতব্বহেতুকো ধম্মো ভাৱনায পহাতব্বহেতুকস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – ভাৱনায পহাতব্বহেতুকা খন্ধা ভাৱনায পহাতব্বহেতুকানং খন্ধানং উপনিস্সযপচ্চযেন পচ্চযো. (মূলং কাতব্বং.) ভাৱনায পহাতব্বহেতুকা খন্ধা নভাৱনায পহাতব্বহেতুকানং খন্ধানং মোহস্স চ উপনিস্সযপচ্চযেন পচ্চযো; সকভণ্ডে ছন্দৰাগো পৰভণ্ডে ছন্দৰাগস্স উপনিস্সযপচ্চযেন পচ্চযো; সকপৰিগ্গহে ছন্দৰাগো পৰপৰিগ্গহে ছন্দৰাগস্স উপনিস্সযপচ্চযেন পচ্চযো. (মূলং কাতব্বং.) ভাৱনায পহাতব্বহেতুকা খন্ধা উদ্ধচ্চসহগতানং খন্ধানং মোহস্স চ উপনিস্সযপচ্চযেন পচ্চযো. (৩)

১০০. নভাৱনায পহাতব্বহেতুকো ধম্মো নভাৱনায পহাতব্বহেতুকস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি…পে… সমাপত্তিং উপ্পাদেতি, দিট্ঠিং গণ্হাতি; সীলং…পে… পঞ্ঞং… নভাৱনায পহাতব্বহেতুকং ৰাগং… দোসং… মোহং… দিট্ঠিং… পত্থনং… কাযিকং সুখং… কাযিকং দুক্খং…পে… সেনাসনং উপনিস্সায দানং দেতি…পে… পাণং হনতি…পে… সঙ্ঘং ভিন্দতি; সদ্ধা…পে… সেনাসনং সদ্ধায…পে… পঞ্ঞায… নভাৱনায পহাতব্বহেতুকস্স ৰাগস্স … দোসস্স… মোহস্স… দিট্ঠিযা… পত্থনায… কাযিকস্স সুখস্স…পে… ফলসমাপত্তিযা উপনিস্সযপচ্চযেন পচ্চযো. (১)

নভাৱনায পহাতব্বহেতুকো ধম্মো ভাৱনায পহাতব্বহেতুকস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায মানং জপ্পেতি…পে… সদ্ধা …পে… সেনাসনং ভাৱনায পহাতব্বহেতুকস্স ৰাগস্স… দোসস্স… মোহস্স… মানস্স… পত্থনায উপনিস্সযপচ্চযেন পচ্চযো. (২)

নভাৱনায পহাতব্বহেতুকো ধম্মো ভাৱনায পহাতব্বহেতুকস্স চ নভাৱনায পহাতব্বহেতুকস্স চ ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধা…পে… পঞ্ঞা… কাযিকং সুখং…পে… সেনাসনং উদ্ধচ্চসহগতানং খন্ধানং মোহস্স চ উপনিস্সযপচ্চযেন পচ্চযো (ঘটনূপনিস্সযাপি তীণিপি কাতব্বা). (৩)

পুৰেজাতপচ্চযাদি

১০১. নভাৱনায পহাতব্বহেতুকো ধম্মো নভাৱনায পহাতব্বহেতুকস্স ধম্মস্স পুৰেজাতপচ্চযেন পচ্চযো… তীণি… পচ্ছাজাতপচ্চযেন পচ্চযো… তীণি… আসেৱনপচ্চযেন পচ্চযো… নৱ… কম্মপচ্চযেন পচ্চযো (নভাৱনায পহাতব্বভাজনকাৰণে নানাক্খণিকা লব্ভতি ) …পে… নোৱিগতপচ্চযেন পচ্চযো. (সংখিত্তং. যথা দস্সনেন পহাতব্বহেতুকদুকং এৱং ভাৱনায পহাতব্বহেতুকপচ্চযাপি পচ্চনীযাপি ৱিভাগোপি গণনাপি নিন্নানাকৰণা.)

নদস্সনেন পহাতব্বো ধম্মো নদস্সনেন পহাতব্বস্স ধম্মস্স…পে…. (পৰন্তেন সকভণ্ডছন্দৰাগোপি কাতব্বো.)

ভাৱনায পহাতব্বো ধম্মো নভাৱনায পহাতব্বস্স ধম্মস্স…পে…. (পৰন্তেন ‘‘সকভণ্ডছন্দৰাগো’’তি কাতব্বং.)

ভাৱনাযপহাতব্বহেতুকদুকং নিট্ঠিতং.