১. ৱিভঙ্গৱাৰো

হেতুপচ্চযো

৬৮. দস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স হেতুপচ্চযেন পচ্চযো – দস্সনেন পহাতব্বহেতুকা হেতূ সম্পযুত্তকানং খন্ধানং হেতুপচ্চযেন পচ্চযো. (মূলং কাতব্বং.) দস্সনেন পহাতব্বহেতুকা হেতূ চিত্তসমুট্ঠানানং ৰূপানং হেতুপচ্চযেন পচ্চযো. (মূলং কাতব্বং.) দস্সনেন পহাতব্বহেতুকা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (৩)

৬৯. নদস্সনেন পহাতব্বহেতুকো ধম্মো নদস্সনেন পহাতব্বহেতুকস্স ধম্মস্স হেতুপচ্চযেন পচ্চযো – নদস্সনেন পহাতব্বহেতুকা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো, ৱিচিকিচ্ছাসহগতো মোহো চিত্তসমুট্ঠানানং ৰূপানং হেতুপচ্চযেন পচ্চযো; পটিসন্ধিক্খণে…পে…. (মূলং কাতব্বং.) ৱিচিকিচ্ছাসহগতো মোহো সম্পযুত্তকানং খন্ধানং হেতুপচ্চযেন পচ্চযো. (মূলং কাতব্বং.) ৱিচিকিচ্ছাসহগতো মোহো সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (৩)

আৰম্মণপচ্চযো

৭০. দস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স আৰম্মণপচ্চযেন পচ্চযো – দস্সনেন পহাতব্বহেতুকে খন্ধে আৰব্ভ দস্সনেন পহাতব্বহেতুকা খন্ধা উপ্পজ্জন্তি. (মূলং কাতব্বং.) দস্সনেন পহাতব্বহেতুকে খন্ধে আৰব্ভ নদস্সনেন পহাতব্বহেতুকা খন্ধা চ মোহো চ উপ্পজ্জন্তি. (মূলং কাতব্বং.) দস্সনেন পহাতব্বহেতুকে খন্ধে আৰব্ভ ৱিচিকিচ্ছাসহগতা খন্ধা চ মোহো চ উপ্পজ্জন্তি. (৩)

৭১. নদস্সনেন পহাতব্বহেতুকো ধম্মো নদস্সনেন পহাতব্বহেতুকস্স ধম্মস্স আৰম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৱা তং পচ্চৱেক্খতি, অস্সাদেতি অভিনন্দতি, তং আৰব্ভ নদস্সনেন পহাতব্বহেতুকো ৰাগো উপ্পজ্জতি, উদ্ধচ্চং উপ্পজ্জতি, নদস্সনেন পহাতব্বহেতুকং দোমনস্সং উপ্পজ্জতি, পুব্বে সুচিণ্ণানি …পে… ঝানা ৱুট্ঠহিত্ৱা…পে… অৰিযা মগ্গা ৱুট্ঠহিত্ৱা মগ্গং পচ্চৱেক্খন্তি…পে… অৰিযা নদস্সনেন পহাতব্বহেতুকে পহীনে কিলেসে পচ্চৱেক্খন্তি, ৱিক্খম্ভিতে কিলেসে…পে… পুব্বে সমুদাচিণ্ণে কিলেসে জানন্তি, চক্খুং…পে… ৱত্থুং নদস্সনেন পহাতব্বহেতুকে খন্ধে চ মোহঞ্চ অনিচ্চতো…পে… ৱিপস্সতি, অস্সাদেতি অভিনন্দতি, তং আৰব্ভ নদস্সনেন পহাতব্বহেতুকো ৰাগো উপ্পজ্জতি, উদ্ধচ্চং উপ্পজ্জতি, নদস্সনেন পহাতব্বহেতুকং দোমনস্সং উপ্পজ্জতি, দিব্বেন চক্খুনা ৰূপং পস্সতি…পে… অনাগতংসঞাণস্স, আৱজ্জনায, মোহস্স চ আৰম্মণপচ্চযেন পচ্চযো.

নদস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স আৰম্মণপচ্চযেন পচ্চযো – দানং…পে… ঝানং…পে… চক্খুং…পে… ৱত্থুং নদস্সনেন পহাতব্বহেতুকে খন্ধে চ মোহঞ্চ অস্সাদেতি অভিনন্দতি, তং আৰব্ভ দস্সনেন পহাতব্বহেতুকো ৰাগো উপ্পজ্জতি, দিট্ঠি…পে… ৱিচিকিচ্ছা…পে… দস্সনেন পহাতব্বহেতুকং দোমনস্সং উপ্পজ্জতি.

নদস্সনেন পহাতব্বহেতুকো ধম্মো দস্সনেন পহাতব্বহেতুকস্স চ নদস্সনেন পহাতব্বহেতুকস্স চ ধম্মস্স আৰম্মণপচ্চযেন পচ্চযো – চক্খুং…পে… ৱত্থুং নদস্সনেন পহাতব্বহেতুকে খন্ধে চ মোহঞ্চ আৰব্ভ ৱিচিকিচ্ছাসহগতা খন্ধা চ মোহো চ উপ্পজ্জন্তি. (৩)

৭২. দস্সনেন পহাতব্বহেতুকো চ নদস্সনেন পহাতব্বহেতুকো চ ধম্মা দস্সনেন পহাতব্বহেতুকস্স ধম্মস্স আৰম্মণপচ্চযেন পচ্চযো – ৱিচিকিচ্ছাসহগতে খন্ধে চ মোহঞ্চ আৰব্ভ দস্সনেন পহাতব্বহেতুকা খন্ধা উপ্পজ্জন্তি. (মূলং কাতব্বং.) ৱিচিকিচ্ছাসহগতে খন্ধে চ মোহঞ্চ আৰব্ভ নদস্সনেন পহাতব্বহেতুকা খন্ধা চ মোহো চ উপ্পজ্জন্তি. (মূলং কাতব্বং.) ৱিচিকিচ্ছাসহগতে খন্ধে চ মোহঞ্চ আৰব্ভ ৱিচিকিচ্ছাসহগতা খন্ধা চ মোহো চ উপ্পজ্জন্তি. (৩)

অধিপতিপচ্চযো

৭৩. দস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দস্সনেন পহাতব্বহেতুকে খন্ধে গৰুং কত্ৱা দস্সনেন পহাতব্বহেতুকা খন্ধা উপ্পজ্জন্তি. সহজাতাধিপতি – দস্সনেন পহাতব্বহেতুকাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

দস্সনেন পহাতব্বহেতুকো ধম্মো নদস্সনেন পহাতব্বহেতুকস্স ধম্মস্স অধিপতিপচ্চযেন পচ্চযো. সহজাতাধিপতি – দস্সনেন পহাতব্বহেতুকাধিপতি চিত্তসমুট্ঠানানং ৰূপানং অধিপতিপচ্চযেন পচ্চযো. (২)

দস্সনেন পহাতব্বহেতুকো ধম্মো দস্সনেন পহাতব্বহেতুকস্স চ নদস্সনেন পহাতব্বহেতুকস্স চ ধম্মস্স অধিপতিপচ্চযেন পচ্চযো. সহজাতাধিপতি – দস্সনেন পহাতব্বহেতুকাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৩)

৭৪. নদস্সনেন পহাতব্বহেতুকো ধম্মো নদস্সনেন পহাতব্বহেতুকস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং…পে… সীলং…পে… উপোসথকম্মং কত্ৱা তং গৰুং কত্ৱা পচ্চৱেক্খতি অস্সাদেতি অভিনন্দতি, তং গৰুং কত্ৱা নদস্সনেন পহাতব্বহেতুকো ৰাগো উপ্পজ্জতি, পুব্বে সুচিণ্ণানি…পে… ঝানা…পে… অৰিযা মগ্গা ৱুট্ঠহিত্ৱা মগ্গং গৰুং কত্ৱা…পে… ফলস্স অধিপতিপচ্চযেন পচ্চযো; চক্খুং…পে… ৱত্থুং নদস্সনেন পহাতব্বহেতুকে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা নদস্সনেন পহাতব্বহেতুকো ৰাগো উপ্পজ্জতি. সহজাতাধিপতি – নদস্সনেন পহাতব্বহেতুকাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (১)

নদস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স অধিপতিপচ্চযেন পচ্চযো. আৰম্মণাধিপতি – দানং…পে… সীলং…পে… উপোসথকম্মং কত্ৱা…পে… ঝানা…পে… চক্খুং…পে… ৱত্থুং নদস্সনেন পহাতব্বহেতুকে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা দস্সনেন পহাতব্বহেতুকো ৰাগো উপ্পজ্জতি, দিট্ঠি উপ্পজ্জতি. (২)

অনন্তৰপচ্চযো

৭৫. দস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স অনন্তৰপচ্চযেন পচ্চযো – পুৰিমা পুৰিমা দস্সনেন পহাতব্বহেতুকা খন্ধা পচ্ছিমানং পচ্ছিমানং দস্সনেন পহাতব্বহেতুকানং খন্ধানং অনন্তৰপচ্চযেন পচ্চযো. (মূলং কাতব্বং.) পুৰিমা পুৰিমা ৱিচিকিচ্ছাসহগতা খন্ধা পচ্ছিমস্স পচ্ছিমস্স ৱিচিকিচ্ছাসহগতস্স মোহস্স অনন্তৰপচ্চযেন পচ্চযো; দস্সনেন পহাতব্বহেতুকা খন্ধা ৱুট্ঠানস্স অনন্তৰপচ্চযেন পচ্চযো. (মূলং কাতব্বং.) পুৰিমা পুৰিমা ৱিচিকিচ্ছাসহগতা খন্ধা পচ্ছিমানং পচ্ছিমানং ৱিচিকিচ্ছাসহগতানং খন্ধানং মোহস্স চ অনন্তৰপচ্চযেন পচ্চযো. (৩)

৭৬. নদস্সনেন পহাতব্বহেতুকো ধম্মো নদস্সনেন পহাতব্বহেতুকস্স ধম্মস্স অনন্তৰপচ্চযেন পচ্চযো – পুৰিমো পুৰিমো ৱিচিকিচ্ছাসহগতো মোহো পচ্ছিমস্স পচ্ছিমস্স ৱিচিকিচ্ছাসহগতস্স মোহস্স অনন্তৰপচ্চযেন পচ্চযো; পুৰিমা পুৰিমা নদস্সনেন পহাতব্বহেতুকা খন্ধা…পে… ফলসমাপত্তিযা অনন্তৰপচ্চযেন পচ্চযো. (মূলং কাতব্বং.) পুৰিমো পুৰিমো ৱিচিকিচ্ছাসহগতো মোহো পচ্ছিমানং পচ্ছিমানং ৱিচিকিচ্ছাসহগতানং খন্ধানং অনন্তৰপচ্চযেন পচ্চযো; আৱজ্জনা দস্সনেন পহাতব্বহেতুকানং খন্ধানং অনন্তৰপচ্চযেন পচ্চযো. (মূলং কাতব্বং.) পুৰিমো পুৰিমো ৱিচিকিচ্ছাসহগতো মোহো পচ্ছিমানং পচ্ছিমানং ৱিচিকিচ্ছাসহগতানং খন্ধানং মোহস্স চ অনন্তৰপচ্চযেন পচ্চযো; আৱজ্জনা ৱিচিকিচ্ছাসহগতানং খন্ধানং মোহস্স চ অনন্তৰপচ্চযেন পচ্চযো. (৩)

৭৭. দস্সনেন পহাতব্বহেতুকো চ নদস্সনেন পহাতব্বহেতুকো চ ধম্মা দস্সনেন পহাতব্বহেতুকস্স ধম্মস্স অনন্তৰপচ্চযেন পচ্চযো – পুৰিমা পুৰিমা ৱিচিকিচ্ছাসহগতা খন্ধা চ মোহো চ পচ্ছিমানং পচ্ছিমানং ৱিচিকিচ্ছাসহগতানং খন্ধানং অনন্তৰপচ্চযেন পচ্চযো. (মূলং কাতব্বং.) পুৰিমা পুৰিমা ৱিচিকিচ্ছাসহগতা খন্ধা চ মোহো চ পচ্ছিমস্স পচ্ছিমস্স ৱিচিকিচ্ছাসহগতস্স মোহস্স অনন্তৰপচ্চযেন পচ্চযো; ৱিচিকিচ্ছাসহগতা খন্ধা চ মোহো চ ৱুট্ঠানস্স অনন্তৰপচ্চযেন পচ্চযো. (মূলং কাতব্বং.) পুৰিমা পুৰিমা ৱিচিকিচ্ছাসহগতা খন্ধা চ মোহো চ পচ্ছিমানং পচ্ছিমানং ৱিচিকিচ্ছাসহগতানং খন্ধানং মোহস্স চ অনন্তৰপচ্চযেন পচ্চযো. (৩)

সমনন্তৰপচ্চযেন পচ্চযো… নৱ… সহজাতপচ্চযেন পচ্চযো… নৱ… অঞ্ঞমঞ্ঞপচ্চযেন পচ্চযো… ছ… নিস্সযপচ্চযেন পচ্চযো… নৱ.

উপনিস্সযপচ্চযো

৭৮. দস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – দস্সনেন পহাতব্বহেতুকা খন্ধা দস্সনেন পহাতব্বহেতুকানং খন্ধানং উপনিস্সযপচ্চযেন পচ্চযো. (অৱসেসেসু দ্ৱীসু অনন্তৰূপনিস্সযো, পকতূপনিস্সযো.) (মূলং কাতব্বং.) দস্সনেন পহাতব্বহেতুকা খন্ধা নদস্সনেন পহাতব্বহেতুকানং খন্ধানং মোহস্স চ উপনিস্সযপচ্চযেন পচ্চযো. (মূলং কাতব্বং.) দস্সনেন পহাতব্বহেতুকা খন্ধা ৱিচিকিচ্ছাসহগতানং খন্ধানং মোহস্স চ উপনিস্সযপচ্চযেন পচ্চযো. (৩)

৭৯. নদস্সনেন পহাতব্বহেতুকো ধম্মো নদস্সনেন পহাতব্বহেতুকস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি…পে… সমাপত্তিং উপ্পাদেতি মানং জপ্পেতি; সীলং …পে… পঞ্ঞং… নদস্সনেন পহাতব্বহেতুকং ৰাগং… দোসং… মোহং… মানং… পত্থনং… কাযিকং সুখং… কাযিকং দুক্খং… উতুং… ভোজনং… সেনাসনং উপনিস্সায দানং দেতি…পে… সমাপত্তিং উপ্পাদেতি; সদ্ধা…পে… সেনাসনং সদ্ধায…পে… পঞ্ঞায নদস্সনেন পহাতব্বহেতুকস্স ৰাগস্স…পে… পত্থনায ফলসমাপত্তিযা উপনিস্সযপচ্চযেন পচ্চযো. (১)

নদস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দিট্ঠিং গণ্হাতি; সীলং…পে… পঞ্ঞং… নদস্সনেন পহাতব্বহেতুকং ৰাগং… দোসং… মোহং… মানং… পত্থনং… কাযিকং সুখং… কাযিকং দুক্খং… উতুং… ভোজনং… সেনাসনং উপনিস্সায পাণং হনতি…পে… সঙ্ঘং ভিন্দতি; সদ্ধা…পে… সেনাসনং দস্সনেন পহাতব্বহেতুকস্স ৰাগস্স… দোসস্স… মোহস্স… দিট্ঠিযা… পত্থনায উপনিস্সযপচ্চযেন পচ্চযো. (২)

নদস্সনেন পহাতব্বহেতুকো ধম্মো দস্সনেন পহাতব্বহেতুকস্স চ নদস্সনেন পহাতব্বহেতুকস্স চ ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধা…পে… পঞ্ঞা, নদস্সনেন পহাতব্বহেতুকো ৰাগো… দোসো… মোহো… মানো… পত্থনা… কাযিকং সুখং…পে… সেনাসনং, ৱিচিকিচ্ছাসহগতানং খন্ধানং মোহস্স চ উপনিস্সযপচ্চযেন পচ্চযো. (৩)

৮০. দস্সনেন পহাতব্বহেতুকো চ নদস্সনেন পহাতব্বহেতুকো চ ধম্মা দস্সনেন পহাতব্বহেতুকস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – ৱিচিকিচ্ছাসহগতা খন্ধা চ মোহো চ দস্সনেন পহাতব্বহেতুকানং খন্ধানং উপনিস্সযপচ্চযেন পচ্চযো. (মূলং কাতব্বং.) ৱিচিকিচ্ছাসহগতা খন্ধা চ মোহো চ নদস্সনেন পহাতব্বহেতুকানং খন্ধানং মোহস্স চ উপনিস্সযপচ্চযেন পচ্চযো. (মূলং কাতব্বং.) ৱিচিকিচ্ছাসহগতা খন্ধা চ মোহো চ ৱিচিকিচ্ছাসহগতানং খন্ধানং মোহস্স চ উপনিস্সযপচ্চযেন পচ্চযো. (৩)

পুৰেজাতপচ্চযো

৮১. নদস্সনেন পহাতব্বহেতুকো ধম্মো নদস্সনেন পহাতব্বহেতুকস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অনিচ্চতো…পে… ৱিপস্সতি, অস্সাদেতি অভিনন্দতি, তং আৰব্ভ নদস্সনেন পহাতব্বহেতুকো ৰাগো উপ্পজ্জতি, উদ্ধচ্চং উপ্পজ্জতি, নদস্সনেন পহাতব্বহেতুকং দোমনস্সং উপ্পজ্জতি; দিব্বেন…পে…. (সংখিত্তং. ৱত্থুপুৰেজাতং সংখিত্তং.) (১)

নদস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অস্সাদেতি অভিনন্দতি, তং আৰব্ভ দস্সনেন পহাতব্বহেতুকো ৰাগো উপ্পজ্জতি, দিট্ঠি…পে… ৱিচিকিচ্ছা…পে… দস্সনেন পহাতব্বহেতুকং দোমনস্সং উপ্পজ্জতি. (ৱত্থুপুৰেজাতং সংখিত্তং.) (২)

নদস্সনেন পহাতব্বহেতুকো ধম্মো দস্সনেন পহাতব্বহেতুকস্স চ নদস্সনেন পহাতব্বহেতুকস্স চ ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং আৰব্ভ ৱিচিকিচ্ছাসহগতা খন্ধা চ মোহো চ উপ্পজ্জন্তি. (ৱত্থুপুৰেজাতং সংখিত্তং.) (৩)

পচ্ছাজাতাসেৱনপচ্চযা

৮২. দস্সনেন পহাতব্বহেতুকো ধম্মো নদস্সনেন পহাতব্বহেতুকস্স ধম্মস্স পচ্ছাজাতপচ্চযেন পচ্চযো (সংখিত্তং). নদস্সনেন পহাতব্বহেতুকো ধম্মো নদস্সনেন পহাতব্বহেতুকস্স ধম্মস্স পচ্ছাজাতপচ্চযেন পচ্চযো (সংখিত্তং). দস্সনেন পহাতব্বহেতুকো চ নদস্সনেন পহাতব্বহেতুকো চ ধম্মা নদস্সনেন পহাতব্বহেতুকস্স ধম্মস্স পচ্ছাজাতপচ্চযেন পচ্চযো (সংখিত্তং)… আসেৱনপচ্চযেন পচ্চযো.

কম্মপচ্চযাদি

৮৩. দস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স কম্মপচ্চযেন পচ্চযো – দস্সনেন পহাতব্বহেতুকা চেতনা সম্পযুত্তকানং খন্ধানং কম্মপচ্চযেন পচ্চযো. (মূলং কাতব্বং.) সহজাতা, নানাক্খণিকা. সহজাতা – দস্সনেন পহাতব্বহেতুকা চেতনা চিত্তসমুট্ঠানানং ৰূপানং কম্মপচ্চযেন পচ্চযো. নানাক্খণিকা – দস্সনেন পহাতব্বহেতুকা চেতনা ৱিপাকানং খন্ধানং কটত্তা চ ৰূপানং কম্মপচ্চযেন পচ্চযো. দস্সনেন পহাতব্বহেতুকো ধম্মো দস্সনেন পহাতব্বহেতুকস্স চ নদস্সনেন পহাতব্বহেতুকস্স চ ধম্মস্স কম্মপচ্চযেন পচ্চযো – দস্সনেন পহাতব্বহেতুকা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো. (৩)

নদস্সনেন পহাতব্বহেতুকো ধম্মো নদস্সনেন পহাতব্বহেতুকস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – নদস্সনেন পহাতব্বহেতুকা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – নদস্সনেন পহাতব্বহেতুকা চেতনা ৱিপাকানং খন্ধানং কটত্তা চ ৰূপানং কম্মপচ্চযেন পচ্চযো. (১)

ৱিপাকপচ্চযেন পচ্চযো… আহাৰপচ্চযেন পচ্চযো… ইন্দ্ৰিযপচ্চযেন পচ্চযো… ঝানপচ্চযেন পচ্চযো… মগ্গপচ্চযেন পচ্চযো… সম্পযুত্তপচ্চযেন পচ্চযো… ছ… ৱিপ্পযুত্তপচ্চযেন পচ্চযো… পঞ্চ.

অত্থিপচ্চযাদি

৮৪. দস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স অত্থিপচ্চযেন পচ্চযো… তীণি.

নদস্সনেন পহাতব্বহেতুকো ধম্মো নদস্সনেন পহাতব্বহেতুকস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং (সংখিত্তং). নদস্সনেন পহাতব্বহেতুকো ধম্মো দস্সনেন পহাতব্বহেতুকস্স ধম্মস্স অত্থিপচ্চযেন পচ্চযো – সহজাতং, পুৰেজাতং (সংখিত্তং). নদস্সনেন পহাতব্বহেতুকো ধম্মো দস্সনেন পহাতব্বহেতুকস্স চ নদস্সনেন পহাতব্বহেতুকস্স চ ধম্মস্স অত্থিপচ্চযেন পচ্চযো – সহজাতং, পুৰেজাতং (সংখিত্তং). (৩)

৮৫. দস্সনেন পহাতব্বহেতুকো চ নদস্সনেন পহাতব্বহেতুকো চ ধম্মা দস্সনেন পহাতব্বহেতুকস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – দস্সনেন পহাতব্বহেতুকো একো খন্ধো চ ৱত্থু চ তিণ্ণন্নং খন্ধানং অত্থিপচ্চযেন পচ্চযো…পে… দ্ৱে খন্ধা চ…পে… ৱিচিকিচ্ছাসহগতো একো খন্ধো চ মোহো চ তিণ্ণন্নং খন্ধানং অত্থিপচ্চযেন পচ্চযো…পে… দ্ৱে খন্ধা চ…পে…. দস্সনেন পহাতব্বহেতুকো চ নদস্সনেন পহাতব্বহেতুকো চ ধম্মা নদস্সনেন পহাতব্বহেতুকস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং (সংখিত্তং). দস্সনেন পহাতব্বহেতুকো চ নদস্সনেন পহাতব্বহেতুকো চ ধম্মা দস্সনেন পহাতব্বহেতুকস্স চ নদস্সনেন পহাতব্বহেতুকস্স চ ধম্মস্স অত্থিপচ্চযেন পচ্চযো – সহজাতং, পুৰেজাতং (সংখিত্তং). (৩)

নত্থিপচ্চযেন পচ্চযো… ৱিগতপচ্চযেন পচ্চযো… অৱিগতপচ্চযেন পচ্চযো.