১. ৱিভঙ্গৱাৰো

হেতুপচ্চযো

৪৭. দস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি হেতুপচ্চযা – দস্সনেন পহাতব্বহেতুকং একং খন্ধং পটিচ্চ তযো খন্ধা…পে… দ্ৱে খন্ধে…পে…. (১)

দস্সনেন পহাতব্বহেতুকং ধম্মং পটিচ্চ নদস্সনেন পহাতব্বহেতুকো ধম্মো উপ্পজ্জতি হেতুপচ্চযা – দস্সনেন পহাতব্বহেতুকে খন্ধে পটিচ্চ চিত্তসমুট্ঠানং ৰূপং. (২)

দস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো চ নদস্সনেন পহাতব্বহেতুকো চ ধম্মা উপ্পজ্জন্তি হেতুপচ্চযা – দস্সনেন পহাতব্বহেতুকং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে…. (৩)

৪৮. নদস্সনেন পহাতব্বহেতুকং ধম্মং পটিচ্চ নদস্সনেন পহাতব্বহেতুকো ধম্মো উপ্পজ্জতি হেতুপচ্চযা – নদস্সনেন পহাতব্বহেতুকং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… ৱিচিকিচ্ছাসহগতং মোহং পটিচ্চ চিত্তসমুট্ঠানং ৰূপং; পটিসন্ধিক্খণে…পে… (যাৱ অজ্ঝত্তিকা মহাভূতা). (১)

নদস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি হেতুপচ্চযা – ৱিচিকিচ্ছাসহগতং মোহং পটিচ্চ সম্পযুত্তকা খন্ধা. (২)

নদস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো চ নদস্সনেন পহাতব্বহেতুকো চ ধম্মা উপ্পজ্জন্তি হেতুপচ্চযা – ৱিচিকিচ্ছাসহগতং মোহং পটিচ্চ সম্পযুত্তকা খন্ধা চিত্তসমুট্ঠানঞ্চ ৰূপং. (৩)

৪৯. দস্সনেন পহাতব্বহেতুকঞ্চ নদস্সনেন পহাতব্বহেতুকঞ্চ ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি হেতুপচ্চযা – ৱিচিকিচ্ছাসহগতং একং খন্ধঞ্চ মোহঞ্চ পটিচ্চ তযো খন্ধা…পে… দ্ৱে খন্ধে চ…পে…. (১)

দস্সনেন পহাতব্বহেতুকঞ্চ নদস্সনেন পহাতব্বহেতুকঞ্চ ধম্মং পটিচ্চ নদস্সনেন পহাতব্বহেতুকো ধম্মো উপ্পজ্জতি হেতুপচ্চযা – দস্সনেন পহাতব্বহেতুকে খন্ধে চ মহাভূতে চ পটিচ্চ চিত্তসমুট্ঠানং ৰূপং, ৱিচিকিচ্ছাসহগতে খন্ধে চ মোহঞ্চ পটিচ্চ চিত্তসমুট্ঠানং ৰূপং. (২)

দস্সনেন পহাতব্বহেতুকঞ্চ নদস্সনেন পহাতব্বহেতুকঞ্চ ধম্মং পটিচ্চ দস্সনেন পহাতব্বহেতুকো চ নদস্সনেন পহাতব্বহেতুকো চ ধম্মা উপ্পজ্জন্তি হেতুপচ্চযা – ৱিচিকিচ্ছাসহগতং একং খন্ধঞ্চ মোহঞ্চ পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে চ…পে…. (৩)

আৰম্মণপচ্চযো

৫০. দস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি আৰম্মণপচ্চযা – দস্সনেন পহাতব্বহেতুকং একং খন্ধং পটিচ্চ তযো খন্ধা…পে… দ্ৱে খন্ধে…পে…. (১)

দস্সনেন পহাতব্বহেতুকং ধম্মং পটিচ্চ নদস্সনেন পহাতব্বহেতুকো ধম্মো উপ্পজ্জতি আৰম্মণপচ্চযা – ৱিচিকিচ্ছাসহগতে খন্ধে পটিচ্চ ৱিচিকিচ্ছাসহগতো মোহো. (২)

দস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো চ নদস্সনেন পহাতব্বহেতুকো চ ধম্মা উপ্পজ্জন্তি আৰম্মণপচ্চযা – ৱিচিকিচ্ছাসহগতং একং খন্ধং পটিচ্চ তযো খন্ধা মোহো চ…পে… দ্ৱে খন্ধে…পে…. (৩)

৫১. নদস্সনেন পহাতব্বহেতুকং ধম্মং পটিচ্চ নদস্সনেন পহাতব্বহেতুকো ধম্মো উপ্পজ্জতি আৰম্মণপচ্চযা – নদস্সনেন পহাতব্বহেতুকং একং খন্ধং পটিচ্চ তযো খন্ধা…পে… দ্ৱে খন্ধে…পে… পটিসন্ধিক্খণে…পে…. (১)

নদস্সনেন পহাতব্বহেতুকং ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি আৰম্মণপচ্চযা – ৱিচিকিচ্ছাসহগতং মোহং পটিচ্চ সম্পযুত্তকা খন্ধা. (২)

দস্সনেন পহাতব্বহেতুকঞ্চ নদস্সনেন পহাতব্বহেতুকঞ্চ ধম্মং পটিচ্চ দস্সনেন পহাতব্বহেতুকো ধম্মো উপ্পজ্জতি আৰম্মণপচ্চযা – ৱিচিকিচ্ছাসহগতং একং খন্ধঞ্চ মোহঞ্চ পটিচ্চ তযো খন্ধা…পে… দ্ৱে খন্ধে চ…পে…. (১) (সংখিত্তং.)

১. পচ্চযানুলোমং

২. সঙ্খ্যাৱাৰো

৫২. হেতুযা নৱ, আৰম্মণে ছ, অধিপতিযা পঞ্চ, অনন্তৰে ছ, সমনন্তৰে ছ, সহজাতে নৱ, অঞ্ঞমঞ্ঞে ছ, নিস্সযে নৱ, উপনিস্সযে ছ, পুৰেজাতে ছ, আসেৱনে ছ, কম্মে নৱ, ৱিপাকে একং, আহাৰে নৱ, ইন্দ্ৰিযে নৱ, ঝানে নৱ, মগ্গে নৱ, সম্পযুত্তে ছ, ৱিপ্পযুত্তে নৱ, অত্থিযা নৱ, নত্থিযা ছ, ৱিগতে ছ, অৱিগতে নৱ.