১. ৱিভঙ্গৱাৰো

হেতুপচ্চযো

১৩. দস্সনেন পহাতব্বো ধম্মো দস্সনেন পহাতব্বস্স ধম্মস্স হেতুপচ্চযেন পচ্চযো… তীণি.

নদস্সনেন পহাতব্বো ধম্মো নদস্সনেন পহাতব্বস্স ধম্মস্স হেতুপচ্চযেন পচ্চযো – নদস্সনেন পহাতব্বা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো; পটিসন্ধিক্খণে…পে…. (১)

আৰম্মণপচ্চযো

১৪. দস্সনেন পহাতব্বো ধম্মো দস্সনেন পহাতব্বস্স ধম্মস্স আৰম্মণপচ্চযেন পচ্চযো – দস্সনেন পহাতব্বং ৰাগং অস্সাদেতি অভিনন্দতি, তং আৰব্ভ দস্সনেন পহাতব্বো ৰাগো উপ্পজ্জতি, দিট্ঠি…পে… ৱিচিকিচ্ছা উপ্পজ্জতি, দস্সনেন পহাতব্বং দোমনস্সং উপ্পজ্জতি; দস্সনেন পহাতব্বং দিট্ঠিং অস্সাদেতি অভিনন্দতি, তং আৰব্ভ দস্সনেন পহাতব্বো ৰাগো উপ্পজ্জতি, দিট্ঠি…পে… ৱিচিকিচ্ছা…পে… দোমনস্সং উপ্পজ্জতি; ৱিচিকিচ্ছং আৰব্ভ ৱিচিকিচ্ছা উপ্পজ্জতি, দিট্ঠি…পে… দোমনস্সং উপ্পজ্জতি; দস্সনেন পহাতব্বং দোমনস্সং আৰব্ভ দস্সনেন পহাতব্বং দোমনস্সং উপ্পজ্জতি, দিট্ঠি উপ্পজ্জতি, ৱিচিকিচ্ছা উপ্পজ্জতি. (১)

দস্সনেন পহাতব্বো ধম্মো নদস্সনেন পহাতব্বস্স ধম্মস্স আৰম্মণপচ্চযেন পচ্চযো – অৰিযা দস্সনেন পহাতব্বে পহীনে কিলেসে পচ্চৱেক্খন্তি, পুব্বে সমুদাচিণ্ণে…পে… দস্সনেন পহাতব্বে খন্ধে অনিচ্চতো…পে… ৱিপস্সতি, চেতোপৰিযঞাণেন দস্সনেন পহাতব্বচিত্তসমঙ্গিস্স চিত্তং জানাতি, দস্সনেন পহাতব্বা খন্ধা চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (২)

১৫. নদস্সনেন পহাতব্বো ধম্মো নদস্সনেন পহাতব্বস্স ধম্মস্স আৰম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৱা তং পচ্চৱেক্খতি অস্সাদেতি অভিনন্দতি, তং আৰব্ভ নদস্সনেন পহাতব্বো ৰাগো উপ্পজ্জতি; উদ্ধচ্চং…পে… নদস্সনেন পহাতব্বং দোমনস্সং উপ্পজ্জতি, পুব্বে সুচিণ্ণানি…পে… ঝানা …পে… অৰিযা মগ্গা ৱুট্ঠহিত্ৱা মগ্গং পচ্চৱেক্খন্তি…পে… ফলস্স আৱজ্জনায আৰম্মণপচ্চযেন পচ্চযো; অৰিযা নদস্সনেন পহাতব্বে পহীনে কিলেসে পচ্চৱেক্খন্তি, ৱিক্খম্ভিতে কিলেসে…পে… পুব্বে…পে… চক্খুং…পে… ৱত্থুং নদস্সনেন পহাতব্বে খন্ধে অনিচ্চতো…পে… ৱিপস্সতি অস্সাদেতি অভিনন্দতি, তং আৰব্ভ নদস্সনেন পহাতব্বো ৰাগো উপ্পজ্জতি, উদ্ধচ্চং…পে… নদস্সনেন পহাতব্বং দোমনস্সং উপ্পজ্জতি; দিব্বেন চক্খুনা ৰূপং পস্সতি…পে… অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

নদস্সনেন পহাতব্বো ধম্মো দস্সনেন পহাতব্বস্স ধম্মস্স আৰম্মণপচ্চযেন পচ্চযো – দানং…পে… সীলং…পে… উপোসথকম্মং…পে… পুব্বে…পে… ঝানা…পে… চক্খুং …পে… ৱত্থুং নদস্সনেন পহাতব্বে খন্ধে অস্সাদেতি অভিনন্দতি, তং আৰব্ভ দস্সনেন পহাতব্বো ৰাগো উপ্পজ্জতি, দিট্ঠি…পে… ৱিচিকিচ্ছা…পে… দস্সনেন পহাতব্বং দোমনস্সং উপ্পজ্জতি. (২)

অধিপতিপচ্চযো

১৬. দস্সনেন পহাতব্বো ধম্মো দস্সনেন পহাতব্বস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দস্সনেন পহাতব্বং ৰাগং গৰুং কত্ৱা অস্সাদেতি অভিনন্দতি, তং গৰুং কত্ৱা দস্সনেন পহাতব্বো ৰাগো উপ্পজ্জতি, দিট্ঠি উপ্পজ্জতি, দিট্ঠিং গৰুং কত্ৱা…পে…. সহজাতাধিপতি – দস্সনেন পহাতব্বাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

দস্সনেন পহাতব্বো ধম্মো নদস্সনেন পহাতব্বস্স ধম্মস্স অধিপতিপচ্চযেন পচ্চযো. সহজাতাধিপতি – দস্সনেন পহাতব্বাধিপতি চিত্তসমুট্ঠানানং ৰূপানং অধিপতিপচ্চযেন পচ্চযো. (২)

দস্সনেন পহাতব্বো ধম্মো দস্সনেন পহাতব্বস্স চ নদস্সনেন পহাতব্বস্স চ ধম্মস্স অধিপতিপচ্চযেন পচ্চযো. সহজাতাধিপতি – দস্সনেন পহাতব্বাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৩)

১৭. নদস্সনেন পহাতব্বো ধম্মো নদস্সনেন পহাতব্বস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং…পে… সীলং…পে… উপোসথকম্মং…পে… পুব্বে…পে… ঝানা ৱুট্ঠহিত্ৱা ঝানং গৰুং কত্ৱা পচ্চৱেক্খতি, অস্সাদেতি অভিনন্দতি, তং গৰুং কত্ৱা নদস্সনেন পহাতব্বো ৰাগো উপ্পজ্জতি, অৰিযা মগ্গা ৱুট্ঠহিত্ৱা মগ্গং গৰুং কত্ৱা…পে… ফলস্স অধিপতিপচ্চযেন পচ্চযো; চক্খুং…পে… ৱত্থুং নদস্সনেন পহাতব্বে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা নদস্সনেন পহাতব্বো ৰাগো উপ্পজ্জতি. সহজাতাধিপতি – নদস্সনেন পহাতব্বাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (১)

নদস্সনেন পহাতব্বো ধম্মো দস্সনেন পহাতব্বস্স ধম্মস্স অধিপতিপচ্চযেন পচ্চযো. আৰম্মণাধিপতি – দানং দত্ৱা…পে… ঝানং…পে… চক্খুং…পে… ৱত্থুং নদস্সনেন পহাতব্বে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা দস্সনেন পহাতব্বো ৰাগো উপ্পজ্জতি, দিট্ঠি উপ্পজ্জতি. (২)

অনন্তৰপচ্চযো

১৮. দস্সনেন পহাতব্বো ধম্মো দস্সনেন পহাতব্বস্স ধম্মস্স অনন্তৰপচ্চযেন পচ্চযো – পুৰিমা পুৰিমা দস্সনেন পহাতব্বা খন্ধা পচ্ছিমানং পচ্ছিমানং দস্সনেন পহাতব্বানং খন্ধানং অনন্তৰপচ্চযেন পচ্চযো. (১)

দস্সনেন পহাতব্বো ধম্মো নদস্সনেন পহাতব্বস্স ধম্মস্স অনন্তৰপচ্চযেন পচ্চযো – দস্সনেন পহাতব্বা খন্ধা ৱুট্ঠানস্স অনন্তৰপচ্চযেন পচ্চযো. (মূলং কাতব্বং.) পুৰিমা পুৰিমা নদস্সনেন পহাতব্বা খন্ধা…পে… ফলসমাপত্তিযা অনন্তৰপচ্চযেন পচ্চযো. (মূলং কাতব্বং.) আৱজ্জনা দস্সনেন পহাতব্বানং খন্ধানং অনন্তৰপচ্চযেন পচ্চযো. (২)

সমনন্তৰপচ্চযেন পচ্চযো… সহজাতপচ্চযেন পচ্চযো… পঞ্চ… অঞ্ঞমঞ্ঞপচ্চযেন পচ্চযো… দ্ৱে… নিস্সযপচ্চযেন পচ্চযো… সত্ত.

উপনিস্সযপচ্চযো

১৯. দস্সনেন পহাতব্বো ধম্মো দস্সনেন পহাতব্বস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – দস্সনেন পহাতব্বং ৰাগং উপনিস্সায পাণং হনতি…পে… সঙ্ঘং ভিন্দতি; দস্সনেন পহাতব্বং দোসং… মোহং… দিট্ঠিং… পত্থনং উপনিস্সায পাণং হনতি…পে… সঙ্ঘং ভিন্দতি; দস্সনেন পহাতব্বো ৰাগো…পে… পত্থনা দস্সনেন পহাতব্বস্স ৰাগস্স…পে… পত্থনায উপনিস্সযপচ্চযেন পচ্চযো. (২)

দস্সনেন পহাতব্বো ধম্মো নদস্সনেন পহাতব্বস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – দস্সনেন পহাতব্বং ৰাগং উপনিস্সায দানং দেতি…পে… সমাপত্তিং উপ্পাদেতি দস্সনেন পহাতব্বং দোসং… মোহং… দিট্ঠিং… পত্থনং উপনিস্সায দানং দেতি…পে… সমাপত্তিং উপ্পাদেতি; দস্সনেন পহাতব্বো ৰাগো…পে… পত্থনা সদ্ধায…পে… পঞ্ঞায নদস্সনেন পহাতব্বস্স ৰাগস্স… দোসস্স… মোহস্স… মানস্স … পত্থনায… কাযিকস্স সুখস্স…পে… ফলসমাপত্তিযা উপনিস্সযপচ্চযেন পচ্চযো. (২)

২০. নদস্সনেন পহাতব্বো ধম্মো নদস্সনেন পহাতব্বস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি…পে… সমাপত্তিং উপ্পাদেতি, মানং জপ্পেতি; সীলং…পে… পঞ্ঞং, নদস্সনেন পহাতব্বং ৰাগং… দোসং… মোহং… মানং… পত্থনং… কাযিকং সুখং…পে… সেনাসনং উপনিস্সায দানং দেতি…পে… সমাপত্তিং উপ্পাদেতি, মানং জপ্পেতি; সদ্ধা…পে… পঞ্ঞা, নদস্সনেন পহাতব্বো ৰাগো…পে… পত্থনা… কাযিকং সুখং…পে… সেনাসনং সদ্ধায…পে… পঞ্ঞায নদস্সনেন পহাতব্বস্স ৰাগস্স…পে… পত্থনায… কাযিকস্স সুখস্স… কাযিকস্স দুক্খস্স… মগ্গস্স, ফলসমাপত্তিযা উপনিস্সযপচ্চযেন পচ্চযো. (২)

নদস্সনেন পহাতব্বো ধম্মো দস্সনেন পহাতব্বস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দিট্ঠিং গণ্হাতি; সীলং…পে… পঞ্ঞং উপনিস্সায দিট্ঠিং গণ্হাতি, নদস্সনেন পহাতব্বং ৰাগং… দোসং… মোহং… মানং… পত্থনং… কাযিকং সুখং…পে… সেনাসনং উপনিস্সায পাণং হনতি…পে… সঙ্ঘং ভিন্দতি; সদ্ধা…পে… সেনাসনং দস্সনেন পহাতব্বস্স ৰাগস্স… দোসস্স… মোহস্স… দিট্ঠিযা… পত্থনায উপনিস্সযপচ্চযেন পচ্চযো. (২)

পুৰেজাতপচ্চযো

২১. নদস্সনেন পহাতব্বো ধম্মো নদস্সনেন পহাতব্বস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অনিচ্চতো…পে… ৱিপস্সতি অস্সাদেতি অভিনন্দতি, তং আৰব্ভ নদস্সনেন পহাতব্বো ৰাগো …পে… উদ্ধচ্চং…পে… নদস্সনেন পহাতব্বং দোমনস্সং উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স…পে…. ৱত্থুপুৰেজাতং – চক্খাযতনং চক্খুৱিঞ্ঞাণস্স …পে… কাযাযতনং কাযৱিঞ্ঞাণস্স…পে… ৱত্থু নদস্সনেন পহাতব্বানং খন্ধানং পুৰেজাতপচ্চযেন পচ্চযো. (১)

নদস্সনেন পহাতব্বো ধম্মো দস্সনেন পহাতব্বস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অস্সাদেতি অভিনন্দতি, তং আৰব্ভ দস্সনেন পহাতব্বো ৰাগো…পে… দিট্ঠি…পে… ৱিচিকিচ্ছা…পে… দস্সনেন পহাতব্বং দোমনস্সং উপ্পজ্জতি. ৱত্থুপুৰেজাতং – ৱত্থু দস্সনেন পহাতব্বানং খন্ধানং পুৰেজাতপচ্চযেন পচ্চযো. (২)

পচ্ছাজাতাসেৱনপচ্চযা

২২. দস্সনেন পহাতব্বো ধম্মো নদস্সনেন পহাতব্বস্স ধম্মস্স পচ্ছাজাতপচ্চযেন পচ্চযো (সংখিত্তং). (১)

নদস্সনেন পহাতব্বো ধম্মো নদস্সনেন পহাতব্বস্স ধম্মস্স পচ্ছাজাতপচ্চযেন পচ্চযো (সংখিত্তং)… আসেৱনপচ্চযেন পচ্চযো… দ্ৱে.

কম্মপচ্চযো

২৩. দস্সনেন পহাতব্বো ধম্মো দস্সনেন পহাতব্বস্স ধম্মস্স কম্মপচ্চযেন পচ্চযো – দস্সনেন পহাতব্বা চেতনা সম্পযুত্তকানং খন্ধানং কম্মপচ্চযেন পচ্চযো. (১)

দস্সনেন পহাতব্বো ধম্মো নদস্সনেন পহাতব্বস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – দস্সনেন পহাতব্বা চেতনা চিত্তসমুট্ঠানানং ৰূপানং কম্মপচ্চযেন পচ্চযো. নানাক্খণিকা – দস্সনেন পহাতব্বা চেতনা ৱিপাকানং খন্ধানং কটত্তা চ ৰূপানং কম্মপচ্চযেন পচ্চযো. (২)

দস্সনেন পহাতব্বো ধম্মো দস্সনেন পহাতব্বস্স চ নদস্সনেন পহাতব্বস্স চ ধম্মস্স কম্মপচ্চযেন পচ্চযো – দস্সনেন পহাতব্বা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো. (৩)

২৪. নদস্সনেন পহাতব্বো ধম্মো নদস্সনেন পহাতব্বস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – নদস্সনেন পহাতব্বা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – নদস্সনেন পহাতব্বা চেতনা ৱিপাকানং খন্ধানং কটত্তা চ ৰূপানং কম্মপচ্চযেন পচ্চযো.

ৱিপাকপচ্চযাদি

২৫. নদস্সনেন পহাতব্বো ধম্মো নদস্সনেন পহাতব্বস্স ধম্মস্স ৱিপাকপচ্চযেন পচ্চযো… একং… আহাৰপচ্চযেন পচ্চযো… চত্তাৰি… ইন্দ্ৰিযপচ্চযেন পচ্চযো… চত্তাৰি… ঝানপচ্চযেন পচ্চযো… চত্তাৰি… মগ্গপচ্চযেন পচ্চযো… চত্তাৰি… সম্পযুত্তপচ্চযেন পচ্চযো… দ্ৱে.

ৱিপ্পযুত্তপচ্চযো

২৬. দস্সনেন পহাতব্বো ধম্মো নদস্সনেন পহাতব্বস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং (সংখিত্তং). (১)

নদস্সনেন পহাতব্বো ধম্মো নদস্সনেন পহাতব্বস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং (সংখিত্তং).

নদস্সনেন পহাতব্বো ধম্মো দস্সনেন পহাতব্বস্স ধম্মস্স ৱিপ্পযুত্তপচ্চযেন পচ্চযো. পুৰেজাতং – ৱত্থু দস্সনেন পহাতব্বানং খন্ধানং ৱিপ্পযুত্তপচ্চযেন পচ্চযো. (২)

অত্থিপচ্চযাদি

২৭. দস্সনেন পহাতব্বো ধম্মো দস্সনেন পহাতব্বস্স ধম্মস্স অত্থিপচ্চযেন পচ্চযো (পটিচ্চসদিসং). দস্সনেন পহাতব্বো ধম্মো নদস্সনেন পহাতব্বস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং (সংখিত্তং). দস্সনেন পহাতব্বো ধম্মো দস্সনেন পহাতব্বস্স চ নদস্সনেন পহাতব্বস্স চ ধম্মস্স অত্থিপচ্চযেন পচ্চযো (পটিচ্চৱাৰসদিসা). (৩)

নদস্সনেন পহাতব্বো ধম্মো নদস্সনেন পহাতব্বস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং (সংখিত্তং). নদস্সনেন পহাতব্বো ধম্মো দস্সনেন পহাতব্বস্স ধম্মস্স অত্থিপচ্চযেন পচ্চযো. পুৰেজাতং – চক্খুং…পে… (সংখিত্তং, পুৰেজাতসদিসং). (২)

২৮. দস্সনেন পহাতব্বো চ নদস্সনেন পহাতব্বো চ ধম্মা দস্সনেন পহাতব্বস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – দস্সনেন পহাতব্বো একো খন্ধো চ ৱত্থু চ তিণ্ণন্নং খন্ধানং অত্থিপচ্চযেন পচ্চযো…পে… দ্ৱে খন্ধা চ…পে…. (১)

দস্সনেন পহাতব্বো চ নদস্সনেন পহাতব্বো চ ধম্মা নদস্সনেন পহাতব্বস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহাৰং, ইন্দ্ৰিযং. সহজাতা – দস্সনেন পহাতব্বা খন্ধা চ মহাভূতা চ চিত্তসমুট্ঠানানং ৰূপানং অত্থিপচ্চযেন পচ্চযো. পচ্ছাজাতা – দস্সনেন পহাতব্বা খন্ধা চ কবড়ীকাৰো আহাৰো চ ইমস্স কাযস্স অত্থিপচ্চযেন পচ্চযো. পচ্ছাজাতা – দস্সনেন পহাতব্বা খন্ধা চ ৰূপজীৱিতিন্দ্ৰিযঞ্চ কটত্তাৰূপানং অত্থিপচ্চযেন পচ্চযো. (২)

নত্থিপচ্চযেন পচ্চযো, ৱিগতপচ্চযেন পচ্চযো, অৱিগতপচ্চযেন পচ্চযো.