১-৭. পটিচ্চৱাৰাদি

পচ্চযচতুক্কং

২৪. অকুসলং আসৱঞ্চেৱ আসৱসম্পযুত্তঞ্চ ধম্মং পটিচ্চ অকুসলো আসৱো চেৱ আসৱসম্পযুত্তো চ ধম্মো উপ্পজ্জতি হেতুপচ্চযা (সংখিত্তং).

হেতুযা একং, আৰম্মণে একং…পে… অৱিগতে একং (সংখিত্তং).

(সহজাতৱাৰেপি…পে… সম্পযুত্তৱাৰেপি পঞ্হাৱাৰেপি সব্বত্থ একং).

২৫. অকুসলং আসৱসম্পযুত্তঞ্চেৱ নো চ আসৱং ধম্মং পটিচ্চ অকুসলো আসৱসম্পযুত্তো চেৱ নো চ আসৱো ধম্মো উপ্পজ্জতি হেতুপচ্চযা (সংখিত্তং).

হেতুযা একং, আৰম্মণে একং…পে… অৱিগতে একং (সংখিত্তং).

(সহজাতৱাৰেপি…পে… সম্পযুত্তৱাৰেপি পঞ্হাৱাৰেপি সব্বত্থ একং.)

২৬. কুসলং আসৱৱিপ্পযুত্তং সাসৱং ধম্মং পটিচ্চ কুসলো আসৱৱিপ্পযুত্তো সাসৱো ধম্মো উপ্পজ্জতি হেতুপচ্চযা… তীণি.

অকুসলং আসৱৱিপ্পযুত্তং সাসৱং ধম্মং পটিচ্চ অব্যাকতো আসৱৱিপ্পযুত্তো সাসৱো ধম্মো উপ্পজ্জতি হেতুপচ্চযা. (১)

অব্যাকতং আসৱৱিপ্পযুত্তং সাসৱং ধম্মং পটিচ্চ অব্যাকতো আসৱৱিপ্পযুত্তো সাসৱো ধম্মো উপ্পজ্জতি হেতুপচ্চযা. (১)

কুসলং আসৱৱিপ্পযুত্তং সাসৱঞ্চ অব্যাকতং আসৱৱিপ্পযুত্তং সাসৱঞ্চ ধম্মং পটিচ্চ অব্যাকতো আসৱৱিপ্পযুত্তো সাসৱো ধম্মো উপ্পজ্জতি হেতুপচ্চযা. (১)

অকুসলং আসৱৱিপ্পযুত্তং সাসৱঞ্চ অব্যাকতং আসৱৱিপ্পযুত্তং সাসৱঞ্চ ধম্মং পটিচ্চ অব্যাকতো আসৱৱিপ্পযুত্তো সাসৱো ধম্মো উপ্পজ্জতি হেতুপচ্চযা. (১) (সংখিত্তং.)

২৭. হেতুযা সত্ত, আৰম্মণে দ্ৱে…পে… অৱিগতে সত্ত (সংখিত্তং. সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং).

২৮. কুসলো আসৱৱিপ্পযুত্তো সাসৱো ধম্মো কুসলস্স আসৱৱিপ্পযুত্তস্স সাসৱস্স ধম্মস্স হেতুপচ্চযেন পচ্চযো… তীণি.

অকুসলো আসৱৱিপ্পযুত্তো সাসৱো ধম্মো অব্যাকতস্স আসৱৱিপ্পযুত্তস্স সাসৱস্স ধম্মস্স হেতুপচ্চযেন পচ্চযো. (১)

অব্যাকতো আসৱৱিপ্পযুত্তো সাসৱো ধম্মো অব্যাকতস্স আসৱৱিপ্পযুত্তস্স সাসৱস্স ধম্মস্স হেতুপচ্চযেন পচ্চযো (সংখিত্তং).

২৯. হেতুযা পঞ্চ, আৰম্মণে নৱ, অধিপতিযা চত্তাৰি…পে… অৱিগতে দস (সংখিত্তং. যথা কুসলত্তিকে পঞ্হাৱাৰং, এৱং ৱিত্থাৰেতব্বং).