১-১৬. কুসলত্তিক-আসৱসম্পযুত্তদুকং

১-৭. পটিচ্চৱাৰাদি

পচ্চযচতুক্কং

হেতুপচ্চযো

১৪. অকুসলং আসৱসম্পযুত্তং ধম্মং পটিচ্চ অকুসলো আসৱসম্পযুত্তো ধম্মো উপ্পজ্জতি হেতুপচ্চযা (সংখিত্তং).

হেতুযা একং, আমম্মণে একং (সংখিত্তং).

(সহজাতৱাৰেপি…পে… সম্পযুত্তৱাৰেপি পঞ্হাৱাৰেপি সব্বত্থ একং.)

১৫. কুসলং আসৱৱিপ্পযুত্তং ধম্মং পটিচ্চ কুসলো আসৱৱিপ্পযুত্তো ধম্মো উপ্পজ্জতি হেতুপচ্চযা. কুসলং আসৱৱিপ্পযুত্তং ধম্মং পটিচ্চ অব্যাকতো আসৱৱিপ্পযুত্তো ধম্মো উপ্পজ্জতি হেতুপচ্চযা. কুসলং আসৱৱিপ্পযুত্তং ধম্মং পটিচ্চ কুসলো আসৱৱিপ্পযুত্তো চ অব্যাকতো আসৱৱিপ্পযুত্তো চ ধম্মা উপ্পজ্জন্তি হেতুপচ্চযা. (৩)

অকুসলং আসৱৱিপ্পযুত্তং ধম্মং পটিচ্চ অব্যাকতো আসৱৱিপ্পযুত্তো ধম্মো উপ্পজ্জতি হেতুপচ্চযা. (১)

অব্যাকতং আসৱৱিপ্পযুত্তং ধম্মং পটিচ্চ অব্যাকতো আসৱৱিপ্পযুত্তো ধম্মো উপ্পজ্জতি হেতুপচ্চযা. (১)

কুসলং আসৱৱিপ্পযুত্তঞ্চ অব্যাকতং আসৱৱিপ্পযুত্তঞ্চ ধম্মং পটিচ্চ অব্যাকতো আসৱৱিপ্পযুত্তো ধম্মো উপ্পজ্জতি হেতুপচ্চযা. (১)

অকুসলং আসৱৱিপ্পযুত্তঞ্চ অব্যাকতং আসৱৱিপ্পযুত্তঞ্চ ধম্মং পটিচ্চ অব্যাকতো আসৱৱিপ্পযুত্তো ধম্মো উপ্পজ্জতি হেতুপচ্চযা (সংখিত্তং).

১৬. হেতুযা সত্ত, আৰম্মণে দ্ৱে, অধিপতিযা সত্ত…পে… অৱিগতে সত্ত (সংখিত্তং).

(সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং).

১৭. কুসলো আসৱৱিপ্পযুত্তো ধম্মো কুসলস্স আসৱৱিপ্পযুত্তস্স ধম্মস্স হেতুপচ্চযেন পচ্চযো… তীণি.

অকুসলো আসৱৱিপ্পযুত্তো ধম্মো অব্যাকতস্স আসৱৱিপ্পযুত্তস্স ধম্মস্স হেতুপচ্চযেন পচ্চযো. (১)

অব্যাকতো আসৱৱিপ্পযুত্তো ধম্মো অব্যাকতস্স আসৱৱিপ্পযুত্তস্স ধম্মস্স হেতুপচ্চযেন পচ্চযো. (১) (সংখিত্তং.)

১৮. হেতুযা পঞ্চ, আৰম্মণে নৱ, অধিপতিযা পঞ্চ…পে… অৱিগতে দস (সংখিত্তং.)

(যথা কুসলত্তিকে পঞ্হাৱাৰং, এৱং ৱিত্থাৰেতব্বং.)