১-৭. পটিচ্চৱাৰাদি
পচ্চযচতুক্কং
হেতুপচ্চযো
২৬৩. কুসলং হেতুঞ্চেৱ সহেতুকঞ্চ ধম্মং পটিচ্চ কুসলো হেতু চেৱ সহেতুকো চ ধম্মো উপ্পজ্জতি হেতুপচ্চযা. (১)
অকুসলং হেতুঞ্চেৱ সহেতুকঞ্চ ধম্মং পটিচ্চ অকুসলো হেতু চেৱ সহেতুকো চ ধম্মো উপ্পজ্জতি হেতুপচ্চযা. (১)
অব্যাকতং হেতুঞ্চেৱ সহেতুকঞ্চ ধম্মং পটিচ্চ অব্যাকতো হেতু চেৱ সহেতুকো চ ধম্মো উপ্পজ্জতি হেতুপচ্চযা. (১) (সংখিত্তং.)
২৬৪. হেতুযা তীণি, আৰম্মণে তীণি…পে… অৱিগতে তীণি (সংখিত্তং).
নঅধিপতিযা তীণি, নপুৰেজাতে তীণি, নপচ্ছাজাতে তীণি, নআসেৱনে তীণি, নৱিপাকে তীণি, নৱিপ্পযুত্তে তীণি (সংখিত্তং).
(সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং.)
হেতু-আৰম্মণ-অধিপতিপচ্চযা
২৬৫. কুসলো হেতু চেৱ সহেতুকো চ ধম্মো কুসলস্স হেতুস্স চেৱ সহেতুকস্স চ ধম্মস্স হেতুপচ্চযেন পচ্চযো. (১)
অকুসলো হেতু চেৱ সহেতুকো চ ধম্মো অকুসলস্স হেতুস্স চেৱ সহেতুকস্স চ ধম্মস্স হেতুপচ্চযেন পচ্চযো. (১)
অব্যাকতো হেতু চেৱ সহেতুকো চ ধম্মো অব্যাকতস্স হেতুস্স চেৱ সহেতুকস্স চ ধম্মস্স হেতুপচ্চযেন পচ্চযো. (১)
কুসলো হেতু চেৱ সহেতুকো চ ধম্মো কুসলস্স হেতুস্স চেৱ সহেতুকস্স চ ধম্মস্স আৰম্মণপচ্চযেন পচ্চযো. কুসলো হেতু চেৱ সহেতুকো চ ধম্মো অকুসলস্স হেতুস্স চেৱ সহেতুকস্স চ ধম্মস্স আৰম্মণপচ্চযেন পচ্চযো. কুসলো হেতু চেৱ সহেতুকো চ ধম্মো অব্যাকতস্স হেতুস্স চেৱ সহেতুকস্স চ ধম্মস্স আৰম্মণপচ্চযেন পচ্চযো. (৩)
অকুসলো হেতু চেৱ সহেতুকো চ ধম্মো অকুসলস্স হেতুস্স চেৱ সহেতুকস্স চ ধম্মস্স আৰম্মণপচ্চযেন পচ্চযো… তীণি.
অব্যাকতো হেতু চেৱ সহেতুকো চ ধম্মো অব্যাকতস্স হেতুস্স চেৱ সহেতুকস্স চ ধম্মস্স আৰম্মণপচ্চযেন পচ্চযো… তীণি.
কুসলো হেতু চেৱ সহেতুকো চ ধম্মো কুসলস্স হেতুস্স চেৱ সহেতুকস্স চ ধম্মস্স অধিপতিপচ্চযেন পচ্চযো… তীণি.
অকুসলো হেতু চেৱ সহেতুকো চ ধম্মো অকুসলস্স হেতুস্স চেৱ সহেতুকস্স চ ধম্মস্স অধিপতিপচ্চযেন পচ্চযো. (১)
অব্যাকতো হেতু চেৱ সহেতুকো চ ধম্মো অব্যাকতস্স হেতুস্স চেৱ সহেতুকস্স চ ধম্মস্স অধিপতিপচ্চযেন পচ্চযো… তীণি (সংখিত্তং).
২৬৬. হেতুযা তীণি, আৰম্মণে নৱ, অধিপতিযা সত্ত, অনন্তৰে পঞ্চ, সমনন্তৰে পঞ্চ, সহজাতে তীণি…পে… উপনিস্সযে নৱ…পে… অৱিগতে তীণি (সংখিত্তং).
নহেতুযা নৱ, নআৰম্মণে নৱ (সংখিত্তং).
হেতুপচ্চযা নআৰম্মণে তীণি (সংখিত্তং).
নহেতুপচ্চযা আৰম্মণে নৱ (সংখিত্তং).
(যথা কুসলত্তিকে পঞ্হাৱাৰং, এৱং ৱিত্থাৰেতব্বং.)