১-৭. পটিচ্চৱাৰাদি
পচ্চযচতুক্কং
হেতুপচ্চযো
২৪৪. কুসলং সহেতুকং ধম্মং পটিচ্চ কুসলো সহেতুকো ধম্মো উপ্পজ্জতি হেতুপচ্চযা. (১)
অকুসলং সহেতুকং ধম্মং পটিচ্চ অকুসলো সহেতুকো ধম্মো উপ্পজ্জতি হেতুপচ্চযা. (১)
অব্যাকতং সহেতুকং ধম্মং পটিচ্চ অব্যাকতো সহেতুকো ধম্মো উপ্পজ্জতি হেতুপচ্চযা. (১) (সংখিত্তং.)
২৪৫. হেতুযা তীণি…পে… অৱিগতে তীণি (সংখিত্তং).
নঅধিপতিযা তীণি, নপুৰেজাতে তীণি, নপচ্ছাজাতে তীণি, নআসেৱনে তীণি, নকম্মে তীণি, নৱিপাকে তীণি, নৱিপ্পযুত্তে তীণি.
হেতুপচ্চযা নঅধিপতিযা তীণি (সংখিত্তং).
নঅধিপতিপচ্চযা হেতুযা তীণি (সংখিত্তং).
(সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং.)
হেতু-আৰম্মণপচ্চযা
২৪৬. কুসলো সহেতুকো ধম্মো কুসলস্স সহেতুকস্স ধম্মস্স হেতুপচ্চযেন পচ্চযো. (১)
অকুসলো সহেতুকো ধম্মো অকুসলস্স সহেতুকস্স ধম্মস্স হেতুপচ্চযেন পচ্চযো. (১)
অব্যাকতো সহেতুকো ধম্মো অব্যাকতস্স সহেতুকস্স ধম্মস্স হেতুপচ্চযেন পচ্চযো. (১)
কুসলো সহেতুকো ধম্মো কুসলস্স সহেতুকস্স ধম্মস্স আৰম্মণপচ্চযেন পচ্চযো. কুসলো সহেতুকো ধম্মো অকুসলস্স সহেতুকস্স ধম্মস্স আৰম্মণপচ্চযেন পচ্চযো. কুসলো সহেতুকো ধম্মো অব্যাকতস্স সহেতুকস্স ধম্মস্স আৰম্মণপচ্চযেন পচ্চযো. (৩)
অকুসলো সহেতুকো ধম্মো অকুসলস্স সহেতুকস্স ধম্মস্স আৰম্মণপচ্চযেন পচ্চযো… তীণি. (৩)
অব্যাকতো সহেতুকো ধম্মো অব্যাকতস্স সহেতুকস্স ধম্মস্স আৰম্মণপচ্চযেন পচ্চযো… তীণি. (৩)
কুসলো সহেতুকো ধম্মো কুসলস্স সহেতুকস্স ধম্মস্স অধিপতিপচ্চযেন পচ্চযো (সংখিত্তং).
২৪৭. হেতুযা তীণি, আৰম্মণে নৱ, অধিপতিযা সত্ত, অনন্তৰে পঞ্চ, সমনন্তৰে পঞ্চ, সহজাতে তীণি, অঞ্ঞমঞ্ঞে তীণি, নিস্সযে তীণি, উপনিস্সযে নৱ…পে… অৱিগতে তীণি (সংখিত্তং).
নহেতুযা নৱ, নআৰম্মণে নৱ (সংখিত্তং).
হেতুপচ্চযা নআৰম্মণে তীণি (সংখিত্তং).
নহেতুপচ্চযা আৰম্মণে নৱ (সংখিত্তং).
(যথা কুসলত্তিকে পঞ্হাৱাৰং, এৱং ৱিত্থাৰেতব্বং.)