১-৭. পটিচ্চৱাৰাদি

২৩৫. অজ্ঝত্তাৰম্মণং নহেতুং ধম্মং পটিচ্চ অজ্ঝত্তাৰম্মণো নহেতু ধম্মো উপ্পজ্জতি হেতুপচ্চযা. (১)

বহিদ্ধাৰম্মণং নহেতুং ধম্মং পটিচ্চ বহিদ্ধাৰম্মণো নহেতু ধম্মো উপ্পজ্জতি হেতুপচ্চযা. (১) (সংখিত্তং.)

হেতুযা দ্ৱে, আৰম্মণে দ্ৱে…পে… অৱিগতে দ্ৱে (সংখিত্তং).

(সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং ৱিত্থাৰেতব্বং.)

২৩৬. অজ্ঝত্তাৰম্মণো নহেতু ধম্মো অজ্ঝত্তাৰম্মণস্স নহেতুস্স ধম্মস্স আৰম্মণপচ্চযেন পচ্চযো (সংখিত্তং).

আৰম্মণে চত্তাৰি, অধিপতিযা তীণি, অনন্তৰে চত্তাৰি, উপনিস্সযে চত্তাৰি…পে… অৱিগতে দ্ৱে (সংখিত্তং).

নহেতুযা চত্তাৰি, নআৰম্মণে চত্তাৰি (সংখিত্তং).

আৰম্মণপচ্চযা নহেতুযা চত্তাৰি (সংখিত্তং).

নহেতুপচ্চযা আৰম্মণে চত্তাৰি (সংখিত্তং).

(যথা কুসলত্তিকে পঞ্হাৱাৰং, এৱং ৱিত্থাৰেতব্বং.)