১-৭. পটিচ্চৱাৰাদি

পচ্চযচতুক্কং

হেতুপচ্চযো

২২৭. অজ্ঝত্তং নহেতুং ধম্মং পটিচ্চ অজ্ঝত্তো নহেতু ধম্মো উপ্পজ্জতি হেতুপচ্চযা. (১)

বহিদ্ধা নহেতুং ধম্মং পটিচ্চ বহিদ্ধা নহেতু ধম্মো উপ্পজ্জতি হেতুপচ্চযা. (১) (সংখিত্তং.)

২২৮. হেতুযা দ্ৱে, আৰম্মণে দ্ৱে…পে… অৱিগতে দ্ৱে (সংখিত্তং).

নহেতুযা দ্ৱে, নঅধিপতিযা দ্ৱে…পে… নৱিপ্পযুত্তে দ্ৱে (সংখিত্তং).

(সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং ৱিত্থাৰেতব্বং.)

আৰম্মণপচ্চযো

২২৯. অজ্ঝত্তো নহেতু ধম্মো অজ্ঝত্তস্স নহেতুস্স ধম্মস্স আৰম্মণপচ্চযেন পচ্চযো. অজ্ঝত্তো নহেতু ধম্মো বহিদ্ধা নহেতুস্স ধম্মস্স আৰম্মণপচ্চযেন পচ্চযো. (২)

বহিদ্ধা নহেতু ধম্মো বহিদ্ধা নহেতুস্স ধম্মস্স আৰম্মণপচ্চযেন পচ্চযো. বহিদ্ধা নহেতু ধম্মো অজ্ঝত্তস্স নহেতুস্স ধম্মস্স আৰম্মণপচ্চযেন পচ্চযো. (২) (সংখিত্তং.)

২৩০. আৰম্মণে চত্তাৰি, অধিপতিযা চত্তাৰি, অনন্তৰে দ্ৱে …পে… উপনিস্সযে চত্তাৰি…পে… অৱিগতে ছ (সংখিত্তং).

নহেতুযা ছ, নআৰম্মণে ছ (সংখিত্তং).

আৰম্মণপচ্চযা নহেতুযা চত্তাৰি (সংখিত্তং).

নহেতুপচ্চযা আৰম্মণে চত্তাৰি (সংখিত্তং).

(যথা কুসলত্তিকে পঞ্হাৱাৰং, এৱং ৱিত্থাৰেতব্বং.)